পথ-দুৰ্ঘটনাই সম্প্ৰতি অসম, ভাৰতবৰ্ষৰ লগতে সমগ্ৰ বিশ্বতে ভয়ংকৰ ৰূপধাৰণ কৰিছে৷ প্ৰতিদিনে সংঘটিত পথ-দুৰ্ঘটনাত দেশৰ অনেক অমূল্য মানৱ সম্পদে নিমিষতে অকাল মৃত্যুক সাৱতি ল’বলগীয়া হৈছে৷ ফলত লাখ লাখ পৰিয়াল, সংসাৰ আৰু সমাজ ব্যৱস্থাত বেয়াকৈ ক্ষতিসাধন কৰিছে৷ সেয়ে এই ভয়ংকৰ ব্যাধিৰ পৰা মানৱ সম্পদ ৰক্ষাৰ্থে পথ-দুৰ্ঘটনা ৰোধ, যানবাহন চালনাৰ নীতি-নিৰ্দেশনা আদি বিষয়বোৰক নাটক,গল্প, উপন্যাস আদিত গুৰুত্বসহকাৰে উপস্থাপন কৰি সাহিত্যিক সকলে পথ-সুৰক্ষাৰ ক্ষেত্ৰত ব্যাপক সজাগতা সৃষ্টি কৰিব পাৰে। মহানগৰীৰ শ্ৰীনগৰ সাহিত্য সভাৰ ২৮জুলাইত অনুষ্ঠিত বাৰ্ষিক অধিবেশনৰ সাংস্কৃতিক সন্ধিয়া মুকলি কৰি এই গুৰুত্বপূৰ্ণ আৰু সময়োপযোগী বক্তব্য আগবঢ়াই অসম চৰকাৰৰ পৰিবহণ বিভাগৰ বিশেষ কতৰ্ব্যৰত বিষয়া আৰু অতিৰিক্ত দায়িত্ববাহী কামৰূপ মহানগৰ জিলা পৰিবহণ বিষয়া গৌতম দাসে।

কাৰ্যসূচী অনুসৰি দেওবাৰে সন্ধিয়া সাহিত্য সভাৰ অধিবেশনত উপস্থিত হোৱাৰ লগেলগে পৰিবহণৰ উচ্চপদস্থ বিষয়াগৰাকীক শ্ৰীনগৰ সাহিত্য সভাৰ সভাপতি নৱ কুমাৰ মজুমদাৰ, চিত্তৰঞ্জন শৰ্মা, সম্পাদক ববিতা বৈশ্য লহকৰ আদি লোকসকলে গায়ন-বায়নেৰে আদৰি নি সাহিত্য সভাৰ মঞ্চত ৰাজহুৱাকৈ সম্বৰ্ধনা জনায়। একেতা অনুষ্ঠানতে বিষয়াগৰাকীৰ জ্যেষ্ঠ ভগ্নী লক্ষীপ্ৰভা সেনাপতি আৰু পত্নী পংকজা দাসকো সাহিত্য সভাৰ তৰফৰ পৰা সম্বৰ্ধনা জনায়। সাহিত্য সভাৰ সাংস্কৃতিক সন্ধিয়াৰ মঞ্চ মুকলি কৰি আগবঢ়োৱা ভাষণৰ আৰম্ভণিতে পৰিবহণৰ বিশেষ কতৰ্ব্যৰত বিষয়াগৰাকীয়ে মহানগৰীৰ শ্ৰীনগৰ, তৰুণ নগৰ অঞ্চলত শৈশৱ-কৈশোৰ কটাই সেই অঞ্চলতে জীৱনৰ ভেটি নিৰ্মান কৰি আজিৰ অৱস্থা পোৱাৰ আঁৰৰ বিভিন্ন কথা ৰোমন্থন কৰি স্মৃতিকাতৰ হৈ পৰে। ইফালে আমাৰ সাহিত্য সাংস্কৃতিক ক্ষেত্ৰখনলৈ ৰসৰাজ লক্ষ্মীনাথ বেজবৰুৱা, জ্যোতিপ্ৰসাদ আগৰৱালা, বিষ্ণু প্ৰসাদ ৰাভা, নিৰ্মলপ্ৰভা বৰদলৈ, ড° ভূপেন হাজৰিকা, হীৰেণ ভট্টাচাৰ্য আদি বৰেণ্য সাহিত্যিক সকলৰ অসমীয়া ভাষা সংস্কৃতিলৈ অতুলনীয় অবদানৰ কথা উল্লেখ কৰি নতুন প্ৰজন্মক তেওঁলোকৰ সাহিত্য গভীৰভাৱে অধ্যয়ন কৰি সাহিত্যক সমাজ সংস্কৃাৰৰ এক বলিষ্ঠ মাধ্যম হিচাপে গ্ৰহণ কৰিবলৈ আহ্বান জনায়।

অনুষ্ঠানত সাহিত্য সাংস্কৃতিক দিশৰ বক্তব্য আগবঢ়োৱাৰ লগতে পৰিবহণৰ জ্যেষ্ঠ বিষয়া গৰাকীয়ে আমাৰ আই-মাতৃসকলে তেওঁলোকৰ সতি-সন্তান আৰু ঘৰৰ মূৰব্বীৰ জড়িয়তে পথ-সুৰক্ষা সজাগতা সৃষ্টিত ল’বপৰা বলিষ্ঠ ভুমিকাৰ কথা উল্লেখ কৰি সকলো সময়তে ৰাজপথত নিজৰ পৰিয়ালৰ সদস্যসকলৰ সুৰক্ষা নিশ্চিত কৰিবলৈ আহ্বান জনায়। একেতা অনুষ্ঠানতে মিনাংক ডেকাৰ পৰিচলালনাত পথ-সুৰক্ষা সজাগতাৰ নীতি নিৰ্দেশনাৰ আধাৰত বিশেষভাবে প্ৰস্তুত কৰা মুকাভিনয় পৰিবেশন কৰি সজাগতা সৃষ্টিৰ প্ৰয়াস কৰা হয়। বিশিষ্ট অভিনেতা-শিল্পী দীনেশ দাসে কেইবাটাও উল্লেখযোগ্য গীত, সুপ্ৰিয়া গগৈয়ে বাঁহীত সুৰ আৰু শিশু শিল্পী জীয়ানা হাজৰিকাই কৃষ্ণ নৃত্য পৰিবেশন কৰি সাহিত্যানুৰাগী ৰাইজৰ সমাদৰ লাভ কৰে।

আজি দিনৰ এঘাৰ মান বজাত গা ধুবলৈ গৈ জাঁজী নদীত উটি গ’ল ৮০ উদ্ধৰ এগৰাকী ব্যক্তি। ব্যক্তিগৰাকীৰ নাম মহেশ কলিতা। মহেশ কলিতা আছিল অৱসৰপ্ৰাপ্ত প্ৰধান শিক্ষক। জানিব পৰা মতে নদীৰ পাৰত প্ৰায়ে গা ধুবলৈ যায় এই অঞ্চলৰ লোক। আজি মৃত ব্যক্তিগৰাকীও পূৰ্বৰ দৰে ঘৰুৱা সকলো কাম কাজ কৰি গা ধুবলৈ নদীৰ পাৰলৈ যাওঁতে নদীৰ পাৰৰ জিঅ’ বেগত পিচলি পৰি নদীৰ পানীত উটি যায়।

অৱশ্যে উটি যোৱা অৱস্থাত গাঁৱৰে আত্মীয়ই প্ৰত্যক্ষ কৰি পাৰলৈ টানি আনিবলৈ চেষ্টা কৰে যদিও বিফল হয় আৰু ততাতৈয়াকৈ আৰক্ষীক খবৰ দিয়ে। ঘটনা সংঘটিত হোৱাৰ পাছত টীয়ক আৰক্ষী, SDRF আৰু দণ্ডাধিক ঘটনাস্থলীত উপস্থিতি হৈ ঘটনাস্থলীত অনুসন্ধান চলাই মহেশ কলিতাৰ মৃতদেহ জাঁজী নদীৰ বুকুৰ পৰা উদ্ধাৰ কৰি মৰণোত্তৰ পৰীক্ষাৰ ব্যৱস্থা কৰে।

কামৰূপ জিলা সাহিত্য সভাৰ অন্তৰ্গত হালধা শতদল সাহিত্য সভাৰ ত্ৰয়োদশ বিশেষ বাৰ্ষিক অধিৱেশন খনি যোৱা ২৮ জুলাই ২০২৪ খ্ৰীষ্টাব্দ তাৰিখে শংকৰদেৱ বিদ্যা মন্দিৰ, হালধা প্ৰাঙ্গণত দিনযোৰা বৰ্ণাঢ্য কাৰ্যসূচীৰে অনুষ্ঠিত হৈ যায়। ৰাতিপুৱা ৮ বজাত অসম সাহিত্য সভাৰ পতাকা উত্তোলন কৰে হালধা শতদল সাহিত্য সভাৰ সভাপতি খগেন্দ্ৰ নাথ দাসে। তাৰ পিছত স্মৃতি তৰ্পন কৰে ক্ৰমে হালধা শতদল সাহিত্য সভাৰ উপ সভাপতি মিনা ৰাম কুমাৰ, কামৰূপ জিলা সাহিত্য সভাৰ কাৰ্য্যনিৰ্বাহক বিপিন চন্দ্ৰ ডেকা আৰু হালধা শতদল সাহিত্য সভাৰ সম্পাদক হিতৰাম ডেকাই। তাৰ পিছত ৯ বজাত বন্তি প্ৰজ্বলন কৰে ক্ৰমে পূৱ কামৰূপ উচ্চ মাধ্যমিক বিদ্যালয়ৰ অৱসৰী প্ৰধান শিক্ষক মহেন্দ্ৰ মোহন নাথ, অসম সাহিত্য সভাৰ আজীৱন সভ্য বিশ্বজিত ডেকা, অৱসৰী প্ৰধান শিক্ষক তবিব আলী, হালধা উচ্চ মাধ্যমিক বিদ্যালয়ৰ অৱসৰী প্ৰধান শিক্ষক খৰ্গেশ্বৰ কলিতা, হালধা শতদল সাহিত্য সভাৰ কাৰ্য্যনিৰ্বাহক ক্ৰমে ৰমেশ নাথ আৰু সুধীৰ ৰঞ্জন ডেকাই। ৰাতিপুৱা ১০ বজাত অনুষ্ঠিত প্ৰতিনিধি সভা উদ্বোধন কৰে অসম সাহিত্য সভাৰ কাৰ্য্যনিৰ্বাহক সদস্য প্ৰভাত বণিয়াই। দিনৰ ১১ বজাত হালধা শতদল সাহিত্য সভাৰ প্ৰাক্তন সভাপতি মনমিল কুমাৰৰ সভাপতিত্বত অনুষ্ঠিত মুকলি সভা খন উদ্বোধন কৰে কামৰূপ জিলা সাহিত্য সভাৰ প্ৰাক্তন উপ সভাপতি ভূধৰ ডেকাই। শ্ৰী ডেকাই উদ্বোধনী ভাষণত হালধা গাঁওৰ ইতিহাস সম্পৰ্কে বক্তব্য প্ৰদান কৰে।

বিশিষ্ট অতিথি হিচাপে উপস্থিত থাকে কামৰূপ জিলা সাহিত্য সভাৰ প্ৰাক্তন সভাপতি কামৰূপৰত্ন ডঃ ভূৱনেশ্বৰ ডেকা , কামৰূপ জিলা সাহিত্য সভাৰ সম্পাদক ৰজনী শালৈ আৰু দৰং জিলা সাহিত্য সভাৰ সম্পাদক বসন্ত শইকীয়াই। অসম সাহিত্য সভাৰ ৰামধেনুৰ আহ্বায়ক অজিত প্ৰসাদ শৰ্মাই নিৰ্দিষ্ট বক্তা হিচাপে উপস্থিত থাকে। আমন্ত্ৰিত অতিথি হিচাপে উপস্থিত থাকে ক্ৰমে কামৰূপ জিলা সাহিত্য সভাৰ প্ৰাক্তন সম্পাদক বীৰেন্দ্ৰ কুমাৰ, অসম সাহিত্য সভাৰ যুৱ সংসদৰ সদস্য সুশীল চন্দ্ৰ ডেকা, ইচলামপুৰ হাইস্কুল, মালাৰাৰ প্ৰধান শিক্ষক ধীৰেণ চন্দ্ৰ নাথ, হালধা শতদল সাহিত্য সভাৰ উপদেষ্টা ক্ৰমে লংকেশ্বৰ ডেকা, জগন্নাথ শৰ্মা, প্ৰাক্তন সভাপতি দিনেশ্বৰ শৰ্মা, প্ৰাক্তন উপ সভাপতি তহিদ আলীয়ে। হালধা শতদল সাহিত্য সভাৰ প্ৰাক্তন সম্পাদক হীৰেণ শৰ্মাই আঁত ধৰা মুকলি সভাত মদাৰতলা সাদৰী সাহিত্য সভাৰ সম্পাদক হেমন্ত কুমাৰ, জ্ঞানমালিনী সাহিত্য সভাৰ প্ৰাক্তন সম্পাদক নৃপেন ডেকাই উপস্থিত থাকে।