ধেমাজিৰ চিমেন নদীত সন্ধানহীন ডিব্ৰুগড়ৰ ছাত্ৰ
সন্ধানহীন আজিতেজ হাজৰিকা নামৰ এজন ছাত্ৰ
আজিতেজ হাজৰিকা ডিব্ৰুগড় জ্ঞান-বিজ্ঞান বিদ্যালয়ৰ ছাত্ৰ
চিমেন নদীৰ পাৰত ফটো উঠিবলৈ গৈছিল ছাত্রজন
ফটো তুলিবলৈ যাওঁতে চিমেন নদীত পৰি যায় আজিতেজ
লিডু-মুৰ্কংচেলেক ৰে’লেৰে গৈছিল ৭ জনীয়া এটা দল
আজিতেজৰ সন্ধানত অভিযান SDRFA
১২ জুলাই, টুম্প্ৰেং: অসম চৰকাৰৰ জলসম্পদ মন্ত্ৰী পীযুষ হাজৰীকাই আজি পশ্চিম কাৰ্বি আংলং জিলা ভ্ৰমণ কৰি টুম্প্ৰেঙত জিলাখনৰ বান-খহনীয়া প্ৰতিৰোধৰ বাবে ল’বলগীয়া ব্যৱস্থাসমূহৰ পৰ্যালোচনা কৰে ।
মন্ত্ৰীগৰাকীয়ে আজিৰ পৰ্যালোচনাত উল্লেখ কৰে যে এইবাৰ জিলাখনত বান-খহনীয়া প্ৰতিৰোধৰ বাবে বৈঠালাংছ’ সমষ্টিত বাৰিষাকাল শেষ হোৱাৰ লগে লগে ১৫ কিল’মিটাৰ নতুন মথাউৰি নিৰ্মাণৰ কাম আৰম্ভ কৰা হ’ব।
ইয়াৰে কপিলী নৈৰ পাৰত ১১ কিল’মিটাৰ আৰু বৰপানীৰ পাৰত ৪ কিল’মিটাৰ দৈৰ্ঘ্যৰ নতুন মথাউৰি নিৰ্মাণ ক’ৰা হ’ব । এই মথাউৰি যাতে উন্নত আৰু শক্তিশালীভাৱে নিৰ্মাণ কৰি নিৰ্ধাৰিত সময়ত সম্পূৰ্ণ কৰা হয়, তাৰ প্ৰতি লক্ষ্য ৰাখিবলৈ জলসম্পদ বিভাগৰ মুখ্য অভিযন্তাক মন্ত্ৰীগৰাকীয়ে নিৰ্দেশনা প্ৰদান কৰে ।
পৰ্যালোচনা কালতে মন্ত্ৰীগৰাকীয়ে জিলাখনৰ বান-খহনীয়াৰ অন্যান্য দিশসমূহৰ বিষয়েও বুজ লয় ।
নতুন পেঞ্চন নীতি বাতিলৰ দাবীত উত্তৰ-পূৱ সীমান্ত ৰে’লৰ সদৰ কাৰ্যালয়ৰ সন্মুখত এন এফ ৰে’লৱে মজদুৰ ইউনিয়নৰ বিক্ষোভ
ৰে’লৱেৰ আন আন ঠাইতো প্ৰতিবাদ
১৫ জুলাইত কেন্দ্ৰীয় চৰকাৰৰ সৈতে আলোচনা
নতুন পেঞ্চন নীতি বাতিল কৰি সকলোৰে বাবে পুৰণি পেঞ্চন বাহাল ৰখাৰ দাবীত এন এফ ৰে’লৱে মজদুৰ ইউনিয়নে আজি সমগ্ৰ এন এফ ৰে’লৱেত ধৰ্ণা, বিক্ষোভ আদি কাৰ্যসূচী পালন কৰে । উল্লেখযোগ্য যে, অল ইণ্ডিয়া ৰে’লৱে মেনচ ফেডাৰেচনৰ (এ আই আৰ এফ) আহ্বান মৰ্মে নতুন পেঞ্চন নীতিৰ বিৰোধিতাৰে আজি সমগ্ৰ দেশতে ৰে’ল কৰ্মী সকলে ধৰ্ণা বিক্ষোভ প্ৰদৰ্শন কৰে । উত্তৰ-পূৱ সীমান্ত ৰে’লৰ সদৰ কাৰ্যালয় মালিগাৱঁতো ৰে’ল কৰ্মী সকলে এন পি এচ গো বেক, পেঞ্চন আমাৰ প্ৰাপ্য- পেঞ্চন আদায় দিবই লাগিব, কেন্দ্ৰীয় চৰকাৰ হায় হায় ধ্বনিৰে সদৰ কাৰ্যালয় কপাই তোলে । প্ৰতিবাদস্থলীত অনুষ্ঠিত এখন সভাত এন এফ ৰে’লৱে মজদুৰ ইউনিয়নৰ কেন্দ্ৰীয় নেতা সকল উপস্থিত থাকি নতুন পেঞ্চন নীতিৰ তীব্ৰ বিৰোধিতা কৰি কয় যে, নতুন পেঞ্চন নীতি প্ৰৱৰ্তন কৰাৰ প্ৰস্তুতি চলোৱা দিনৰে পৰা এন এফ ৰে’লৱে মজদুৰ ইউনিয়নে ইয়াৰ বিৰোধিতা কৰাই নহয় সময়ে সময়ে বিভিন্ন আন্দোলনৰ কাৰ্যসূচীও গ্ৰহণ কৰি আহিছে ।
কিন্তু কেন্দ্ৰীয় চৰকাৰে এইক্ষেত্ৰত আজিকোপতি কোনো সহাৰি জনোৱা নাই । নতুন পেঞ্চন নীতিয়ে কেন্দ্ৰীয় চাকৰিয়ালৰ লগতে ৰাজ্যিক কৰ্মচাৰী, শিক্ষক সমাজৰ ভৱিস্যত অন্ধকাৰময় কৰি তুলিছে । যিসময়ত জনপ্ৰতিনিধি সকলক ৰাজকোষৰ পৰা পেঞ্চন দি আছে, একে সময়তে শ্ৰমিক-কৰ্মচাৰীৰ পেঞ্চন অনিশ্চিত শ্বেয়াৰ বজাৰলৈ ঠেলি দিছে । এনে বৈষম্য কোনো কাৰণতে শ্ৰমিক শ্ৰেণীয়ে মানি ন’লয়- মজদুৰ ইউনিয়নৰ নেতা সকলে স্পষ্ট ভাৱে কয় । তেওঁলোকে আৰু কয় যে, সুদীৰ্ঘকাল চাকৰি কৰি দেশৰ বাবে সেৱা আগবঢ়োৱা কৰ্মচাৰী সকলে অৱসৰৰ পাছত দৈনন্দিন খৰছৰ বাবে ভিক্ষাৰ জোলোঙা ল’বলৈ কেন্দ্ৰীয় চৰকাৰে বাধ্য কৰাইছে । কোনো কাৰণতে শ্ৰমিক কৰ্মচাৰীৰ এনে অসহায় অৱস্থা সহ্য নকৰো -নেতাসকলে দৃঢ়তাৰে কয়। তেওঁলোকে পুনৰ কয় যে আমি কেন্দ্ৰীয় চাকৰিয়ালৰ লগতে ৰাজ্যিক কৰ্মচাৰী, শিক্ষক সমাজৰো পেঞ্চনৰ বাবে দাবী জনাইছো ।
উল্লেখযোগ্য যে, আজি উত্তৰ-পূৱ সীমান্ত ৰে’লৰ তিনচুকীয়া, লামডিঙ, ৰঙিয়া, আলিপুৰদৱাৰ, কাটিহাৰ ডিভিজনৰ সকলো ঠাইতে এন এফ ৰে’লৱে মজদুৰ ইউনিয়নৰ সদস্য সকলে নতুন পেঞ্চন নীতি বাতিল কৰি পুৰণি পেঞ্চন নীতি বাহাল ৰখাৰ দাবীত ধৰ্ণা, বিক্ষোভ আদি কাৰ্যসূচী পালন কৰে । ইফালে অল ইণ্ডিয়া ৰে’লৱে মেনচ ফেডাৰেচনে(এ আই আৰ এফ) ৪ জুলাই তাৰিখে আজিৰ আন্দোলনৰ কাৰ্যসূচী ঘোষণা কৰাৰ পিছতেই কেন্দ্ৰীয় চৰকাৰে এখন সভা আহ্বান কৰে । বিত্ত মন্ত্ৰণালয়ৰ পৰা এ আই আৰ এফৰ সাধাৰণ সম্পাদক তথা এনচি জেচিএমৰ সাধাৰণ সম্পাদক শিৱ গোপাল মিশ্ৰলৈ ১০ জুলাই তাৰিখে লিখা এখন চিঠিত পেঞ্চন সম্পৰ্কীয় এখন সভা অহা ১৫ জুলাইত অনুষ্ঠিত কৰাৰ বিষয়ে জানিবলৈ দিছে আৰু এন চি জেচিএমৰ প্ৰতিনিধিক উপস্থিত থাকিবলৈ অনুৰোধ জনাইছে । এ আই আৰ এফৰ সাধাৰণ সম্পাদক মিশ্ৰই ১৫ জুলাইত সভা আহ্বান কৰা বাবে কেন্দ্ৰীয় চৰকাৰক ধন্যবাদ জনাইছে লগতে তেওঁ এইবুলিও স্পষ্টভাৱে কয় যে সভাত পেঞ্চন সম্পৰ্কে কোনো ধৰণৰ আপোচ কৰা ন’হব । এন এফ ৰে’লৱে মজদুৰ ইউনিয়নৰ কেন্দ্ৰীয় কিৰ্যালয়ৰ পৰা প্ৰেৰণ কৰা এটা বিবৃতিত ইউনিয়নৰ সভাপতি দিলীপ কুমাৰ চক্ৰৱৰ্তী আৰু সাধাৰণ সম্পাদক আশীষ বিশ্বাসে আজিৰ প্ৰতিবাদী কাৰ্যসূচী সফল কৰি তোলা বাবে ইউনিয়নৰ সমূহ সদস্যৰ লগতে ৰে’লকৰ্মী সকলক ধন্যবাদ জনোৱা হৈছে ।
‘মুছলমান হোৱাৰ বাবেই বৰ্তমান সময়ত অকলশৰীয়া হ’বলগীয়া হয়। মুছলমান হোৱাৰ বাবেই বিশ্বই আপোনাৰ সন্ত্ৰাসবাদী বুলি স্বীকৃতি দিব’।
কণ্ঠশিল্পী লাকী আলীয়ে Xত শ্বেয়াৰ কৰে এই বিশেষ পোষ্ট।
সম্প্ৰতি চৰ্চাত কণ্ঠশিল্পীগৰাকীয়ে মুছলমান সন্দৰ্ভত প্ৰকাশ কৰা এই মন্তব্য।
পেৰিছ অলিম্পিকত অসম কন্যাৰ সফলতাৰ কামনাৰে অসম বক্সিং সন্থাৰ আদৰণীয় পদক্ষেপ
অহা ২৬ জুলাইৰ পৰা অনুষ্ঠিত হবলগা পেৰিছ অলিম্পিকত একমাত্ৰ অসমীয়া খেলুৱৈ হিচাপে অংশ ল’ব মহিলা বক্সাৰ লাভলিনা বৰগোহায়ে৷ বিগত টকিঅ’ অলিম্পিকত ব্ৰঞ্জৰ পদক অৰ্জন কৰি প্ৰথম অসমীয়া হোৱাৰ গৌৰৱ লাভ কৰা লাভলিনাক শুভেচ্চা জনোৱাৰ বাবে অসম বক্সিং সন্থাই অভিনৱ পদক্ষেপ হাতত লৈছে৷ সন্থাৰ সম্পাদক হেমন্ত কুমাৰ কলিতাই জনোৱা অনুসৰি লাভলিনাক শুভেচ্চা জনোৱাৰ বাবে এখন বিশেষ গামোছাত ৰাজ্যৰ প্ৰবীন-নবীন খেলুৱৈ-সংগঠক তথা বিশিষ্ট ব্যক্তিয়ে শুভেচ্চামুলক স্বাক্ষৰ কৰিব আৰু এই গামোছাখন অসম কন্যাক পেৰিছৰ ভুমিত কলিতাই নিজ হাতে অৰ্পনো কৰিব ৷ ইতিমধ্যে কালি দিছপুৰত অসমৰ মুখ্যমন্ত্ৰী ড॰ হিমন্ত বিশ্ব শৰ্মাই গামোছাখনত প্ৰথমটো স্বাক্ষৰ কৰি অভিযানৰ আৰম্ভনি কৰিছে৷ শীঘ্ৰেই নেহৰু ষ্টেডিয়ামত অসম বক্সিং সন্থাই স্বাক্ষৰ অভিযান আৰম্ভ কৰিব৷ ইফালে, কালি মুখ্যমন্ত্ৰী ড॰ শৰ্মাই সম্প্ৰতি জাৰ্মানীত অনুশীলন কৰি থকা লাভলিনাৰ লগত ভিডিঅ’ ক’লযোগে প্ৰস্তুতিৰ বুজ লয় তথা শুভেচ্চাও জ্ঞাপন কৰে ৷
উল্লেখ্য যে বক্সিঙৰ জড়িয়তেই অলিম্পিকৰ মঞ্চত ধাৰাবহিকৰূপত অসমৰ গৌৰৱৰ স্থিতি বৰ্তি আছে৷ ২০১২ ৰ লণ্ডন আৰু ২০১৬ ৰ ৰিঅ’ অলিম্পিকত অসমৰ পুৰুষ বক্সাৰ শিৱ থাপাই দেশক প্ৰতিনিধিত্ব কৰাৰ পাছত ২০২০ ৰ টকিঅ’ অলিম্পিকত অসমৰ প্ৰথম মহিলা হিচাপে লাভলিনাই অংশ লৈছিল তথা অভিষেকতে পদক জয় কৰি সৰ্বকালৰ সৰ্বশ্ৰেষ্ঠ গৌৰৱময় সফলতা ৰাজ্যবাসীক দিছিল ৷ অসমৰ প্ৰথম ক্ৰীড়াবিদৰূপে সন্মানীয় খেলৰত্ন লাভ কৰা লাভলিনা পেৰিছ অলিম্পিকতো দেশৰ অন্যতম পদক প্ৰত্যাশী এথলীট৷ ক্ৰমাগত চাৰিখন অলিম্পিকলৈ অসমৰ বক্সাৰ প্ৰেৰণ কৰি স্বাভাৱিকতে উৎফুল্লিত ভাৰতীয় বক্সিং ফেডাৰেছনৰো সচিব প্ৰধানৰ দয়িত্বত থকা হেমন্ত
কুমাৰ কলিতাই লগতে আশা ব্যক্ত কৰে যে এইবাৰ পেৰিছত লাভলিনাৰ লগতে ভাৰতৰ অন্য বক্সাৰেও পদক জয় কৰিব৷ স্মৰ্তব্য যে আসন্ন অলিম্পিকত লাভলিনাৰ লগতে ছগৰাকী ভাৰতীয় বক্সাৰে দেশক প্ৰতিনিধিত্ব কৰিব৷ বিশ্ব চেম্পিয়নশ্বিপত সোণ লাভ কৰা নিখাত জাৰিন, প্ৰীতি, কমনৱেলথ গেমছৰ স্বৰ্ণ পদক বিজয়ী অমিত পাংগল তথা জেচমিন আৰু নিশান্ত দেবে পেৰিছৰ বক্সিং ৰিঙত নামিব৷ ইতিমধ্যে ২০০৮ ত বীজেন্দৰ সিং, ২০১২ ত এম চি মেৰীকম আৰু ২০২০ ত লাভলিনাৰ জড়িয়তে ভাৰতীয় বক্সাৰে দেশক তিনিখন অলিম্পিক পদক দিবলৈ সক্ষম হৈছে৷ কালি মুখ্যমন্ত্ৰীৰ স্বাক্ষৰ অনুষ্ঠানত সম্পাদক কলিতাৰ লগতে উপস্থিত থাকে অসম অলিম্পিকৰ দুই জ্যেষ্ঠ সদস্য কল্যান গগৈ, বানীব্ৰত দাস আৰু অসম বক্সিঙৰ যুটীয়া সম্পাদক অশোক বৰুৱা৷
“ডুমিক ৰ দ্বাৰা দৰিদ্ৰ ছাত্ৰ – ছাত্ৰী লৈ বিনামূলীয়া শিক্ষা”
গুৱাহাটী, ১২ জুলাই: উচ্চ শিক্ষাৰ বাবে আগ্ৰহী ছাত্র- ছাত্রীৰ বাবে সুখবৰ। “ডুমিক” নামৰ এটি বেচৰকাৰী প্ৰতিষ্ঠানে দৰিদ্ৰ সীমাৰেখাৰ তলৰ ছাত্র-ছাত্রীৰ বাবে লৈ আহিছে এক অভিনৱ আঁচনি। এই আঁচনিৰ অধীনত নৰ্থ- ইষ্ট, বিশেষকৈ অসমৰ ছাত্র-ছাত্রীয়ে বি,বি,এ আৰু বি,এচ,ছি এগ্ৰিকালচাৰ বিষয় দুটাৰ বাবে সম্পূৰ্ণ বিনামূলীয়াকৈ শিক্ষা
লাভ কৰিব পাৰিব। ইয়াৰ উপৰি থকা- খোৱাৰ খৰছো সম্পূৰ্ণ বিনামূলীয়া হ’ব। গুৱাহাটীস্থ প্ৰতিষ্ঠান ডুমিকে আগ্ৰাৰ বি,পি,এচ গ্ৰুপ অব কলেজৰ সহযোগত পোনপ্ৰথমবাৰৰ বাবে এই প্ৰচেষ্টা হাতত লৈছে। উল্লেখ্য যে, আৰ্থিকভাৱে
সৱল ছাত্র-ছাত্রীয়ে বিনামূলীয়াকৈ শিক্ষা লাভ কৰিব যদিও থকা-খোৱাৰ বাবদ নগণ্য হাৰত মাচুল আদায় দিব লাগিব বুলি বি,পি,এছ গ্ৰুপ অফ কলেজৰ নামভৰ্তি সঞ্চালক শাহিনুৰ ইছলাম মণ্ডল আৰু ডুমিক ৰ সঞ্চালক ড০ ববী গোস্বামী বৰুৱাই জানিবলৈ দিছে।
সীমান্ত নিৰাপত্তা বাহিনী চমুকৈ বি এছ এফৰ আজাৰা পাটগাঁওস্থিত গুৱাহাটী ফ্ৰন্টিয়াৰৰ মহা পৰিদৰ্শক হিচাপে ১০ জুলাইত কাৰ্যভাৰ গ্ৰহণ কৰিছে ভাৰতীয় আৰক্ষী সেৱাৰ বিষয়া মাৰ্কান্দ দেওচকৰে। ভাৰতীয় আৰক্ষী সেৱাৰ ১৯৯৭ বেটছৰ মধ্য প্ৰদেশ কেডাৰৰ বিষয়া মাৰ্কান্দ দেওচকৰ চলিত বৰ্ষৰ ফেব্ৰুৱাৰী মাহত বি এছ এফত ডেপুটেছনত আহিছিল তাৰ পাছত গুৱাহাটীত নিযুক্তি দিয়াৰ আগলৈকে তেওঁ বি এছ এফৰ ৰাজস্থান ফ্ৰন্টিয়াৰৰ দায়িত্বত আছিল।
তাৰ পূৰ্বে তেওঁ মধ্য প্ৰদেশৰ মূখ্যমন্ত্ৰীৰ বিশেষ কৰ্তব্যৰত বিষয়া আৰু মধ্য প্ৰদেশ আৰক্ষীৰ অপৰাধ অনুসন্ধান বিভাগ ( চি আই দি) ৰ মহা পৰিদৰ্শক হিচাপে কাৰ্যনিৰ্বাহ কৰিছিল। আনকি মধ্য প্ৰদেশৰ ৰাজধানী চহৰ ভূপালৰ প্ৰথম গৰাকী আৰক্ষী আয়ুক্ত হিচাপেও তেওঁ কাৰ্যনিৰ্বাহ কৰিছিল।
আনহাতে কাৰ্যনিৰ্বাহ কৰাৰ পাছত গুৱাহাটী ফ্ৰন্টিয়াৰৰ বিষয়া সকলৰ সৈতে এক বৈঠকত মিলিত হৈ গুৱাহাটী ফ্ৰন্টিয়াৰৰ অধীনত পৰা ভাৰত – বাংলাদেশ আন্তৰ্জাতিক সীমান্তৰ পৰিস্থিতিৰ পৰ্যালোচনা কৰে। মহা পৰিদৰ্শক গৰাকীয়ে দুয়োখন দেশৰ সীমান্তৰ নিৰাপত্তাৰ দায়িত্বত থকা বাহিনীৰ মাজত সম্পৰ্ক অধিক উন্নত কৰাৰ ওপৰত গুৰুত্ব আৰোপ কৰে।
‘নেচনেল ইউনিয়ন অব্ জাৰ্নেলিষ্ট ইণ্ডিয়া’ এন ইউ জে আইৰ ৰাষ্ট্ৰীয উপসভাপতি তথা ‘জাৰ্নেলিষ্ট এছ’ছিয়েচন অব আছাম’ জা’ ৰ মুখ্য উপদেষ্টা জ্যেষ্ঠ সাংবাদিক ৰাষ্ট্ৰীয় হিন্দী দৈনিক কাকত ‘ৰাষ্ট্ৰীয় খবৰ’ ৰ উত্তৰ- পূবাৰ্ঞ্চলৰ প্ৰিন্সিপাল কৰেছপণ্ডেণ্ট তথা অগ্ৰদূত কাকতৰ লগত জড়িত ভূপেন গোস্বামী জটিল হৃদৰোগত ৰোগত আক্ৰান্ত হৈ আজি গুৱাহাটী চিকিৎসা মহাবিদ্যালয়ৰ হৃদৰোগ বিভাগৰ আই চি ইউত ভৰ্ত্তি কৰোৱা হয়। হঠাৎ যোৱা নিশাৰ পৰা উসাহ নিসাহত বৰকৈ কষ্ট পোৱাত গুৱাহাটী চিকিৎসা মহাবিদ্যালয়ৰ অধ্যক্ষ তথা জ্যেষ্ঠ অধীক্ষক ডাঃ অচ্যুত বৈশ্যৰ পৰামৰ্শ ক্ৰমে চিকিৎসা মহাবিদ্যালয়ৰ জ্যেষ্ঠ হৃদৰোগ বিশেষজ্ঞ ডাঃ প্ৰণৱ জ্যোতি ভট্টাচাৰ্য, ডাঃ বৰ্ণালী দত্ত, ডাঃ হাফিজুৰ ৰহমান, তত্বাবধানত জ্যেষ্ঠ সাংবাদিক গৰাকীক আই চি ইউত ভৰ্তি কৰোৱা হয় আৰু চিকিৎসা আৰম্ভ কৰিছে।
উল্লেখযোগ্য যে যোৱা ৯ মে’ ৰ পৰা তেওঁ চিকিৎসাধিন হৈ আছিল ৷ নগাঁৱৰ এখন ব্যক্তিগত চিকিৎসালয়ত ডাঃ অম্লান জ্যোতি বৰাই চিকিৎসা কৰি আছিল যদিও উন্নত চিকিৎসাৰ বাবে গুৱাহাটীলৈ প্ৰেৰণ কৰে। ইয়াৰ আগতে বিগত কেইবাবছৰ পৰা গুৱাহাটীৰ ডাঃ মৃদুল মহন্তৰ তত্বাবধানত চিকিৎসা কৰি থকা হৈছিল। ১৯৯৩ চনত মৰিগাৱঁৰ পৰা সপ্তাহিক ‘বুধবাৰ’ আৰু পষেকীয়া ‘আগান’ৰ জড়িয়তে সাংবাদিকতা আৰম্ভ কৰি পাছলৈ ১৯৯৬ চনৰ পৰা গুৱাহাটীৰ পাঞ্জাবাৰীত নিগাজিকৈ ভাড়াঘৰত থাকি আজিৰ বাতৰি,আজি, নতুন দিন,জনমভূমি,নতুন দৈনিক,সপ্তাহিক জাগৰণ, অসম সংবাদ , মাহেকীয়া ‘প্ৰত্যাশা’ ৰাষ্ট্ৰীয় হিন্দী দৈনিক নই দুনিয়া, ইণ্ডিয়া টিভি,আদি কাকত , টিভি, আলোচনীত কাম কৰিছিল ৷
১৯৯৬ চনত তদানিন্তন চৰকাৰৰ ৰোষত পৰি অসমৰ কেইবাজনো জ্যেষ্ঠ সাংবাদিক সহিতে ভূপেন গোস্বামী ৫ মাহ ১৮ দিন নগাৱঁৰ বিশেষ কাৰাগাৰত থাকিব লগা হৈছিল ৷ ২০১৪ চনৰ জুলাই পৰা বৰ্ত্তমান পৰ্যন্ত ‘ৰাষ্ট্ৰীয় খবৰ’ৰ উত্তৰ- পূবাৰ্ঞ্চলৰ সাংবাদাতা হিচাপে কৰ্মৰত এই জন জ্যেষ্ঠ সাংবাদিকৰ আৰ্থিক অৱস্থা শোচনীয় হোৱাত হৃদৰোগৰ ব্যয়বহুল চিকিৎসাৰ বাবে পৰিয়ালৰ লোক সকল চিন্তিত হৈ পৰিছে ৷ জাৰ্নেলিষ্ট এছ’ছিয়েচন অব আছাম’ ‘জা’ৰ সভাপতি তথা বিশিষ্ট সাংবাদিক- বুদ্ধিজীবী ধীৰেন্দ্ৰ নাথ চক্ৰৱৰ্ত্তী আৰু ‘জা’ৰ সাধাৰণ সম্পাদক তথা এন ইউ জে আইৰ ৰাষ্ট্ৰীয় কাৰ্যনিবাহক সদস্য ডালিম ফুকনে অসমৰ মুখ্যমন্ত্ৰী ডঃ হিমন্ত বিশ্ব শৰ্ম্মাৰ প্ৰতি জ্যেষ্ঠ সাংবাদিক জনৰ সু চিকিৎসাৰ বাবে প্ৰয়োজনীয় আৰ্থিক সাহাযৰ অনুৰোধ জনাইছে৷
জন্মু-কাশ্মীৰত সংঘটিত হয় ভয়ংকৰ ঘটনা ৷ মাতৃৰ হাতত প্ৰাণ যায় যমজ সন্তানৰ ৷
উল্লেখ্য যে, মহিলাগৰাকীৰ স্বামী তিনি মাহ পূৰ্বে চৌদি আৰৱত কামৰ বাবে গৈছিল আৰু তাৰ পৰা উভতি আহি সন্তান দুটি নহয় বুলি দাবী কৰে ৷
আৰক্ষীৰো কাষ চাপে ব্যক্তিগৰাকীয়ে৷ ইয়াৰ পাছতেই মহিলাগৰাকীয়ে হত্যা কৰে সন্তান দুটিক ৷
যোৰহাটৰ নিৰুদ্দিষ্ট ছাত্ৰক উদ্ধাৰ ৷ লক্ষ্ণৌৰ পৰা উদ্ধাৰ সপ্তম শ্ৰেণীৰ ছাত্ৰ সুশিন্দৰ ৰায়ক ৷
কিন্তু এতিয়াও সন্ধানহীন পঞ্চম শ্ৰেণীৰ ছাত্ৰ ৰাহুল সিং৷
২০ ফেব্ৰুৱাৰীতে সন্ধানহীন হৈছিল ৰাহুল৷
