তিতাবৰৰ মোহনাটিং নিম্ন বুনিয়াদী বিদ্যালয় প্ৰাঙ্গনত দেওবাৰে কৃতী ছাত্ৰ-ছাত্ৰীসকলক অভিনন্দন জ্ঞাপন কৰে অসম গঞ্জু সমাজৰ তিতাবৰ আঞ্চলিক সমিতিয়ে। পুৱা পৰিৱেশ নিকাকৰণ, অসম গঞ্জু সমাজৰ তিতাবৰ আঞ্চলিক সমিতিৰ সভাপতি বিনেশ গঞ্জুৱে পতাকা উত্তোলন, সম্পাদক দেউৰাম গঞ্জুৱে স্মৃতি তৰ্পণ, স্থানীয় নাগৰিক কৃষ্ট গঞ্জু, কাশীনাথ গঞ্জু, অৰুণ গঞ্জুৱে গছপুলি ৰোপণ কাৰ্যসূচী ৰূপায়ন কৰাৰ পাছত ছাত্ৰ-ছাত্ৰীসকলৰ মাজত চিত্ৰাংকন প্ৰতিযোগিতা অনুষ্ঠিত হয়।

দুপৰীয়া গঞ্জু সমাজৰ তিতাবৰ আঞ্চলিক সমিতিৰ সভাপতি বিনেশ গঞ্জুৰ সভাপতিত্বত আৰু যোৰহাট জিলা সমিতিৰ সভাপতি ৰাজেন গঞ্জুৱে উদ্বোধন কৰা সভাত ‘দৈনন্দিন বাৰ্তা’ আৰু ‘ডিবি নিউজ’ৰ তিতাবৰৰ সাংবাদিক প্ৰসেনজিৎ ৰাজখোৱা, ধুবুনী প্ৰাথমিক বিদ্যালয়ৰ প্ৰধান শিক্ষক তথা অসম গঞ্জু সমাজৰ যোৰহাট জিলা সমিতিৰ উপদেষ্টা লিলম চন্দ্ৰ গঞ্জু, মোহনাটিং হাইস্কুলৰ শিক্ষক দিগন্ত হাজৰিকাই বিশিষ্ট অতিথিৰূপে ভাষণ প্ৰদান কৰে।অসম গঞ্জু সমাজৰ মোহনাটিঙৰ গাঁওবুঢ়া মৃদুল গঞ্জু, কুহুম চাহ বাগিচাৰ গাঁওবুঢ়া লবো গঞ্জু, পানবাৰী চাহ বাগিচাৰ গাঁওবুঢ়া নকুল গঞ্জু, ম’হবন্ধাৰ গাঁওবুঢ়া ভাইয়ো গঞ্জু, যোৰহাট জিলা সমিতিৰ সভানেত্ৰী চুকুমণি গঞ্জু আদি তিতাবৰ আঞ্চলিক, যোৰহাট জিলা আৰু কেন্দ্ৰীয় সমিতিৰ নেতৃবৃন্দই অংশগ্ৰহণ কৰাৰ লগতে সাংস্কৃতিক অনুষ্ঠানেৰে জীপাল কৰা অনুষ্ঠানত উচ্চ-উচ্চতৰ মাধ্যমিক শিক্ষান্ত পৰীক্ষাত সুখ্যাতিৰে উত্তীৰ্ণ গঞ্জু সমাজৰ তিতাবৰ আঞ্চলিক সমিতিৰ অন্তৰ্গত কৃতী ছাত্ৰ-ছাত্ৰীসকলক অভিনন্দন জ্ঞাপন কৰে।

কামৰূপ জিলাৰ অন্তৰ্গত বামুন্দী ধৰ্মেশ্বৰী চতুস্পাঠী সংস্কৃত টোলত মধ্য কামৰূপ পুৰোহিত সন্মিলনৰ উদ্যোগত, কামৰূপ ব্ৰাহ্মণ যুৱ সমাজ আৰু পুৰোহিত কৰ্মশালা মঞ্চৰ সহযোগত পুৰোহিত কৰ্মশালা খনি দিনযোৰা বৰ্ণাঢ্য কাৰ্যসূচীৰে অনুষ্ঠিত কৰা হ’য়।উক্ত কাৰ্যসূচীত ব্ৰাহ্মন সমাজৰ বৈদিক ৰীতি নীতিৰ জ্ঞানৰ ওপৰত নৱপ্ৰজন্মক সম্যক জ্ঞান দিয়াৰ লক্ষ্যৰে সাৱলীলভাৱে আলোচনা কৰা হ’য়।

উক্ত কাৰ্যসূচীত মধ্য কামৰূপ পুৰোহিত সন্মিলনৰ সভাপতি মৃণাল কুমাৰ শৰ্মা, সম্পাদক ধীৰেণ চন্দ্ৰ শৰ্মা, সহঃ সম্পাদক অনিমেশ শৰ্মা, হিমাংশু কৌশিক, উপদেষ্টা শিৱ প্ৰসাদ শৰ্মা, সুৰেশ ভট্ট, নাৰায়ন চন্দ্ৰ শৰ্মা, কামৰূপ ব্ৰাহ্মণ সমাজৰ সভাপতি ড° নীতিশ চন্দ্ৰ শৰ্মা, অৱসৰী অধ্যাপক অজিত শৰ্মাকে প্ৰমুখ্যে শতাধিক ব্ৰাহ্মন সমাজৰ লোক উপস্থিত থাকে।

পেঙেৰীৰ আৰক্ষী থানাৰ অন্তৰ্গত টেকেৰীত আজি সদৌ মৰাণ ছাত্ৰ সন্থা মাৰ্ঘেৰিটা-পেঙেৰী আঞ্চলিক সমিতিৰ উদ্যোগত আৰু টেকেৰী গাঁৱৰ সমূহ যুৱক সংঘ তথা টেকেৰী গাঁওবাসীৰ সহযোগত মাদ্ৰক দ্ৰব্য বিৰোধী সজাগতা সভা এখন অনুষ্ঠিত কৰা হয়। মাৰ্ঘেৰিটা-পেঙেৰী আঞ্চলিক সমিতিৰ সভাপতি পৰাগ মৰাণে সভাপতিত্ব কৰা সজাগতা সভাখনৰ আঁতধৰে সাধাৰণ সম্পাদক নৱদ্বীপ বড়াই।

উক্ত সজাগতা সভাত উপস্থিত থাকি অতিৰিক্ত আৰক্ষী অধীক্ষক মৃন্ময় দাসে মাদ্ৰক দ্ৰব্য বিৰুদ্ধে গাওঁবাসীক একত্ৰিত ভাবে যুঁজ দিবলৈ আহ্বান জনায়। তেওঁ ঘৰখনৰ পৰাই মাদ্ৰক দ্ৰব্য বিৰুদ্ধে যুঁজ দিব লাগিব বুলি কয়। সভাত সদৌ মৰাণ ছাত্ৰ সন্থাৰ কেন্দ্ৰীয় সমিতিৰ উপ সভাপতি কেশৱ দহোতীয়াই মাদ্ৰক দ্ৰব্য বিৰুদ্ধে সদৌ মৰাণ ছাত্ৰ সন্থাই নিজাকৈ কঠোৰ কাৰ্যসূচী গ্ৰহণ কৰিব বুলি হুংকাৰ প্ৰদান কৰে। উক্ত সজাগতা সভাত উপস্থিত থাকে অতিৰিক্ত আৰক্ষী অধীক্ষক মৃন্ময় দাস, পেঙেৰী আৰক্ষী থানাৰ ভাৰপ্ৰাপ্ত আৰক্ষী বিষয়া দিগন্ত কুমাৰ নাথ, মাৰ্ঘেৰিটা-পেঙেৰী আঞ্চলিক সমিতিৰ উপদেষ্টা লাটেশ্বৰ চেতিয়া ওপৰিও সদৌ মৰাণ ছাত্ৰ সন্থাৰ কেন্দ্ৰীয় সমিতিৰ বহু কেইগৰাকী বিষয় ববীয়া লগতে আঞ্চলিক সমিতিৰ বিষয়ববীয়া আৰু কৰ্মকতা তথা অঞ্চলটো প্ৰায় ২ শতাধিক স্থানীয় ৰাইজ।

ড্ৰাগছকে ধৰি সকলো ধৰণৰ মাদ্ৰক দ্ৰব্য বিৰুদ্ধে মৰাণ ছাত্ৰ সন্থাই আগন্তুক দিনতো কঠোৰতকৈ কঠোৰ পদক্ষেপ গ্ৰহণ কৰিব বুলি সংবাদমাধ্যমৰ আগত সংগঠনটো নেতৃত্বই জানিবলৈ দিছে।