ৰাজ্যিক কৰ্মচাৰীৰ বাবে বিশেষ ছুটীৰ দিন ঘোষণা চৰকাৰৰ
অসম চৰকাৰে ‘মাতৃ-পিতৃ বন্দনা’ৰ বাবে ঘোষণা কৰিলে বিশেষ ছুটীৰ দিন। (Holidays for state employees) এই ছুটী ৰাজ্যিক কৰ্মচাৰীয়ে চলিত বৰ্ষৰ নৱেম্বৰ মাহত লব পাৰিব। ১৪ আৰু ১৫ নৱেম্বৰত চৰকাৰী কৰ্মচাৰীয়ে লাভ কৰিব ‘মাতৃ-পিতৃ বন্দনা’ৰ বিশেষ ছুটী। ১৬ নৱেম্বৰ দেওবাৰ হোৱা বাবে একেৰাহে ৩ দিনৰ বন্ধ পাব চৰকাৰী কৰ্মচাৰীয়ে। ‘মাতৃ-পিতৃ বন্দনা’ৰ বিশেষ ছুটীৰ বাবে প’ৰ্টেলৰ জৰিয়তে আবেদন কৰিব লাগিব কৰ্মচাৰীয়ে।
Black Coffee: দৈনিক একাপ ব্লেক কফি খালে নিৰাময় হ'ব যকৃতৰ বহু, কফি খোৱাৰ সঠিক উপায় জানি লওক!
প্ৰায়ে মানুহে টোপনিৰ (Black Coffee) পৰা মুক্তি পাবলৈ কফি খাই, কিন্তু আপুনি জানেনে যে কফি খোৱাটো স্বাস্থ্যৰ বাবে উপকাৰী, বিশেষকৈ কফি যকৃতৰ স্বাস্থ্যৰ বাবে উপকাৰী। ক’লা কফি খালে লিভাৰ সম্পৰ্কীয় সমস্যা নিৰাময় হ’ব পাৰে। কফি খালে যকৃতৰ প্ৰদাহ, চৰ্বিযুক্ত যকৃত, চিৰ’ছিছ আদি সমস্যা নিৰাময় হ’ব পাৰে। কফি খোৱাৰ উপকাৰিতা জানো আহক-
কফিত এন্টিঅক্সিডেন্ট পোৱা যায় যিয়ে যকৃতত প্ৰদাহৰ লক্ষণ কমোৱাত সহায় কৰে। মদ্যপান নকৰা চৰ্বিযুক্ত যকৃতৰ সমস্যা নিৰাময় কৰিব পাৰি। গৱেষণাৰ মতে গোটেই দিনটো ১ৰ পৰা ২ কাপ ব্লেক কফি খালে যকৃতৰ লগত জড়িত ৰোগৰ সম্ভাৱনা হ্ৰাস পাব পাৰে।
যদি আপুনি সঠিক সময়ত কফি নাখায়, তেন্তে আপুনি কোনো লাভ নাপায়। খালী পেটত কেতিয়াও কফি খাব নালাগে। খালী পেটত কফি খালে সমস্যা বৃদ্ধি পাব পাৰে। ব্ৰেকফাষ্টৰ ১ৰ পৰা ২ ঘণ্টাৰ পিছত কফি খাব পাৰে। ইয়াৰ বাহিৰেও কফি ৰাতি খাব নালাগে। ৰাতি কফি খালে টোপনিৰ সমস্যা হ’ব পাৰে।
কফি খালে লিভাৰ সম্পৰ্কীয় সমস্যা নিৰাময় হ’ব পাৰে। কিন্তু কিছুমান মানুহৰ কফি খোৱাৰ ফলতো ক্ষতি হ’ব পাৰে। উচ্চ ৰক্তচাপ থকা ৰোগীয়ে কফি খাব নালাগে। কফি খালে উচ্চ বি পিৰ সমস্যা বৃদ্ধি পায়। একে সময়তে গৰ্ভৱতী মহিলাইও কফি খাব নালাগে। একে সময়তে এলাৰ্জীৰ সমস্যা থকা লোকেও কফি খাব নালাগে।
বিলাসীপাৰাৰ বৰকান্দা (Bilasipara News) খেল পথাৰত চলি থকা ৰাষ্ট্ৰীয় পৰ্যায়ৰ ফুটবল খেল প্ৰতিযোগিতাত সংঘটিত হয় ভয়ংকৰ মাৰপিটৰ ঘটনা। বৰকান্দাৰ গিভ টু লাইভ ফাউণ্ডেচনে আয়োজন কৰা স্বাধীনতা কাপ ফুটবল প্ৰতিযোগিতাত সংঘটিত হয় এই ভয়ংকৰ মাৰপিটৰ ঘটনা।
জানিব পৰা মতে কেৰেলা, মধ্যপ্ৰদেশ, ছিকিম, পশ্চিমবংগ আদি ৰাজ্যৰ কেইবাটাও প্ৰতিযোগী দলে অংশ গ্ৰহণ কৰিছিল প্ৰতিযোগীতাটোত। উল্লেখ্য যে শিলবাৰী এফ চি আৰু গোঁসাইগাঁও গ্লোবেল এফ চিৰ মাজত চলি থকা প্ৰতিযোগিতাৰ সময়ত এই অপ্ৰীতিকৰ ঘটনা সংঘটিত হয়। প্ৰতিযোগিতাৰ অন্তিম ভাগত ৰেফাৰীয়ে ভুল সিদ্ধান্ত গ্ৰহণ কৰাৰ অভিযোগ তুলি প্ৰথমে তৰ্ক-যুদ্ধ আৰু তাৰ পিছতে দুয়ো দলৰ সমৰ্থকৰ মাজত সৃষ্টি হয় প্ৰচণ্ড মাৰপিটৰ ঘটনা।
খেল পৰিচালনা সমিতিৰ গাফিলতিৰ বাবে সৃষ্টি হোৱা মাৰপিটৰ ঘটনাত কেইবাজনো লোক আহত হোৱা বুলি জানিব পৰা গৈছে। খেলৰ নামত এনে অপ্ৰীতিকৰ ঘটনা সংঘটিত হোৱা প্ৰতিযোগিতাৰ তদন্ত ক্ৰমে ব্যৱস্থা গ্ৰহণৰ দাবী তুলিছে স্থানীয় বিভিন্ন মহলে।
আজি শিক্ষক দিৱসৰ প্ৰাকক্ষণত (Teachers’ Day)গুৱাহাটী অৰবিন্দ স্কুলত প্ৰজ্ঞাৰ উদ্যোগত শিক্ষক দিৱসৰ শুভক্ষণত গৈ ২৪ শিক্ষকক একোখন মানপত্ৰ আৰু গ্ৰন্থৰে আদৰণি জনাই প্ৰজ্ঞাৰ তৰফৰ পল্লৱী দাস আৰু মিঠু দাসে ৷
আজি শিক্ষক দিৱসৰ বিশেষ দিন এই দিটোত শিক্ষক সকলৰ অমুল্য অৱদানৰ বাবে সন্মান আৰু কৃতজ্ঞতা জ্ঞাপনৰ বাবে ভাৰত বৰ্ষৰ প্ৰান্তে প্ৰান্তে শিক্ষক সকলক ছাত্ৰী ছাত্ৰী সকলে চৰণ চুই শিক্ষক সেৱা গ্ৰহন কৰে শ্ৰদ্ধা কৰে ৷
আফগানিস্তানত ভূমিকম্পত (Afghanistan Earthquake) নিহতৰ সংখ্যা ২,২০০ লৈ বৃদ্ধি পাইছে। দেশ খনত ভূমিকম্পত ভাঙি পৰা ঘৰৰ ধ্বংসাৱশেষৰ পৰা বৃহস্পতিবাৰে উদ্ধাৰকাৰীয়ে মৃতদেহ টানি উলিয়ায়। মৃত্যু হোৱা লোকৰ সংখ্যা ২২০০ৰ ওপৰত উপনীত হোৱাৰ বিপৰীতে গৃহহীন লোকসকলে সাহায্যৰ বাবে হাহাকাৰ কৰিছে। ভূমিকম্পত ক্ষতিগ্ৰস্ত পাহাৰীয়া পূব অঞ্চলত অনুসন্ধান অব্যাহত আছে বুলি তালিবান প্ৰশাসনে জনাইছে।
তালিবানে নতুনকৈ ২২০৫ জন লোকৰ মৃত্যু হোৱাৰ কথা ঘোষণা কৰিছে আৰু কমেও ৩৬৪০ জন লোক আহত হৈছে।আটাইতকৈ বেছি ক্ষতিগ্ৰস্ত কুনাৰ প্ৰদেশৰ ঘৰবোৰ মাটিৰ সৈতি মিলি গৈছে।শেহতীয়া বছৰবোৰত আফগানিস্তানৰ অন্যতম মাৰাত্মক ভূমিকম্পৰ ভিতৰত ৬ ৰিখটাৰ স্কেলৰ প্ৰথমটো ভূমিকম্পই দেওবাৰে কুনাৰ আৰু নাংগাৰহৰ প্ৰদেশত ব্যাপক ক্ষতিসাধন আৰু ধ্বংসলীলাৰ সৃষ্টি কৰে, য’ত ১০ কিলোমিটাৰ (৬ মাইল) অগভীৰ গভীৰতাত সংঘটিত হয়।
