কৰ্মৰ সন্ধানত বহিঃৰাজ্যলৈ গৈ ৰে’ল ষ্টেচনৰ পৰাই নিৰুদ্দেশ হ’ল গহপুৰৰ বাগৰ পথাৰৰ এজন যুৱক। যাদৱ দাস নামৰ যুৱক গৰাকী একে গাঁৱৰে কেইজনমান যুৱকৰ লগত বাংগালুৰুলৈ গৈছিল।পিছে যাদৱ দাস বিশাখাপট্টনম ষ্টেচনত ট্ৰেইনৰ পৰা অকনমান সময়ৰ বাবে নামি গৈছিল, তাৰ পিছৰে পৰা যুৱকজন নিৰুদ্দেশ হৈ পৰে।
যোৱা ১৭ জুনৰ পৰা সন্ধানহীন যুৱকজন। পৰিয়ালৰ লোক এতিয়া চিন্তিত। আৰক্ষীক বিষয়টো অৱগত কৰিছে যদিও আজিলৈকে যুৱকজনৰ কোনো সন্ধান নাই।
বিৰ্তকৰ আৱৰ্তত NEET পৰীক্ষা। NTAৰ মুৰব্বীক অপসাৰণৰ সিদ্ধান্ত গ্ৰহণ কৰিছে কেন্দ্ৰীয় চৰকাৰে।জানিব পৰা মতে সমগ্ৰ ঘটনাটো তদন্ত কৰিবৰ বাবে হাতত লৈছে CBIয়ে।ইতিমধ্যে বিজেপিৰ নেতা অমিত মালব্য়ই ছ’চিয়েল মিডিয়া যোগে জানিবলৈ দিছে।
NEET-UGCৰ তদন্ত CBIয়ে কৰিব।কেন্দ্ৰীয় চৰকাৰে দেশৰ সৰ্ববৃহৎ পৰীক্ষাত স্বচ্ছতা বজাই ৰাখিবলৈ এখন উচ্চ পৰ্যায়ৰ কমিটী গঠন কৰিছে।
আৰম্ভ হৈছে বিগ বছ অটিটি ছিজন ৩।বিগ বছ অ’টিটি ছিজন ৩ৰ গ্ৰেণ্ড উন্মোচনৰ লগে লগে প্ৰতিযোগীসকলৰ মাজত যুঁজ আৰম্ভ হৈছে। বিগ বছৰ ঘৰত এটা ৰাতি পাৰ হোৱাৰ লগে লগে প্ৰতিযোগীসকলৰ যুঁজ সামাজিক মাধ্যমত ভাইৰেল। এইবাৰ বিগ বছ অটিটি ছিজন ৩ অতি মনোৰঞ্জনমূলক হ’ব কিয়নো দুই পত্নী পায়েল মালিক আৰু কৃতিকা মালিকৰ সাতে বিগ বছত এণ্ট্ৰি আৰমান মালিকৰ।
১৬ গৰাকী প্ৰতিযোগীৰ একেলগে ‘বিগ বছ অ’টিটি ছিজন ৩’ৰ ঘৰত যুঁজ। ইউটিউবাৰ আৰমান মালিক আৰু তেওঁৰ দুই পত্নীও আছে। এই দৰ্শকে চাই অতি ভাল পাব বিগ বছ অ’টিটি ছিজন ৩।
T20 বিশ্বকাপত টীম ইণ্ডিয়াৰ জয়যাত্ৰা অব্যাহত।
দ্বিতীয়খন SUPER 8ত টীম ইণ্ডিয়াৰ জয়লাভ।
বাংলাদেশৰ বিৰুদ্ধে ৫০ ৰানত জয়ী ভাৰত।
বাংলাদেশক ১৯৭ ৰানৰ লক্ষ্য বান্ধি দিছিল ভাৰতে।
বাংলাদেশে ৮ উইকেট হেৰুৱাই সংগ্ৰহ কৰে ১৪৬ ৰান।
গোসাইগাঁও, ২২ জুনঃ শ্রীৰামপুৰত শিবিৰ পাতি থকা চি আৰ পি এফৰ ১২৯ নম্বৰ ডেল্টা বাহিনীৰ চোৰাংচোৱাই গোপন সূত্ৰত লাভ কৰা তথ্যৰ ভিত্তিত আজি সন্ধিয়া সময়ত অসম বংগ সীমান্তৰ শিমুলটাপুৰ পৰা ড্ৰাগছ সহ এজন ড্ৰাগ আসক্ত যুৱকক আটক কৰে।
কোকৰাঝাৰ জিলাৰ গোসাঁইগাঁও মহকুমাৰ কৰিমবজাৰ (অক্সিগুৰি)ৰ বাসিন্দা আব্দুল মোতায়েন শ্বেখৰ পুত্ৰ মফিজুৰ আলী (২৫) নামৰ যুৱক এজনক আটক কৰি শিমুলটাপু আৰক্ষী চকীত খবৰ দিয়ে। পাছত শিমুলটাপু আৰক্ষী চকীৰ আৰক্ষী আৰু গোসাঁইগাঁও মহকুমা আৰক্ষী বিষয়া হীৰেন কুমাৰ ডেকা ঘটনাস্থলীত উপস্থিত হৈ ঘটনাৰ বুজ লোৱাৰ পাছত যুৱকজনক শিমুলটাপু আৰক্ষী চকী লৈ আনি জেৰা অব্যাহত ৰাখিছে।আটকাধীন যুৱক জনৰ পৰা ১৫ টা কণ্টেনাৰ ভৰ্ত্তি ড্ৰাগছ জব্দ কৰা হয়।
কণ্টেনাৰত ব্ৰাউন ছুগাৰ থকা বুলি ধৃত যুৱক জনে প্ৰকাশ কৰে। উক্ত ড্ৰাগছ খিনি ড্ৰাগছ আসক্ত যুৱকজনে শিমুলটাপুৰ এজন ড্ৰাগছ বিক্ৰেতাৰ পৰা কিনি আনিছিল বুলি আৰক্ষীৰ আগত প্ৰকাশ কৰে। ৰাজমিস্ত্ৰীৰ কাম কৰা যুৱকজনে নিজে খোৱাৰ কাৰনে ৫০০০ টকাৰে উক্ত ড্ৰাগছখিনি সংগ্ৰহ কৰি ঘৰমুৱা হোৱা সময়ত চি আৰ পি এফৰ চোৰাংচোৱাৰ হাতত আটক হয়। তেওঁ যোৱা তিনিমাহৰ পৰা এই নিচাত আসক্ত হৈছে আৰু শিমুলটাপুৰ পৰা এই ড্ৰাগছ ক্ৰয় কৰে। আৰক্ষীয়ে সকলো তথ্য সংগ্ৰহ কৰি ড্ৰাগছৰ বেহা চলোৱা চক্ৰৰ বিৰুদ্ধে অভিযান চলোৱাৰ বাবে তৎপৰ হৈছে আৰু শীঘ্ৰেই এই চক্ৰটোৰ লগত জড়িত সকল আৰক্ষীৰ জালত পৰিব বুলি কয় মহকুমা আৰক্ষী বিষয়া হীৰেন কুমাৰ ডেকাই।
দিছপুৰ, ২২ জুন: অসম চৰকাৰৰ জলসম্পদ বিভাগৰ মন্ত্ৰী পীযুষ হাজৰীকাই আজি কামৰূপ আৰু দৰং জিলাৰ কেইবাটাই অঞ্চল ভ্ৰমণ কৰি বান আৰু খহনীয়াত ক্ষতিগ্ৰস্ত স্থানৰ বুজ লয় | দৰং জিলাৰ শাকতোলা নৈৰ সোঁ দিশত মথাউৰি ছিগি বৃহত্তৰ অঞ্চল এটাত বানৰ সৃষ্টি কৰি জনসাধাৰণক সমস্যাত পেলাইছিল | আজি জলসম্পদ মন্ত্ৰীগৰাকীয়ে উক্ত স্থান পৰিদৰ্শন কৰি জলসম্পদ বিভাগে যুদ্ধকালীন ক্ষীপ্ৰতাৰে মথাউৰিৰ ছিগা অংশ মেৰামতি কৰি থকাৰ প্ৰত্যক্ষ বুজ লয় | উল্লেখযোগ্য যে বিগত ১৯ জুনৰ পুৱতি নিশা শাকতোলাৰ মথাউৰি ছিগি বানৰ সৃষ্টি কৰিছিল | জলসম্পদ মন্ত্ৰীগৰাকীৰ নিৰ্দেশমৰ্মে বিভাগীয় অভিযন্তাই এই ছিগা অংশ শীঘ্ৰে বন্ধ কৰি বান নিয়ন্ত্ৰণৰ ব্যৱস্থা লোৱাৰ বাবে কাম কৰে | বিভাগীয় তৎপৰতাত মাথো তিনিটা দিনৰ ভিতৰতে মথাউৰিৰ ছিগা অংশ পুনৰ নিৰ্মাণ হৈ উঠিছে | জলসম্পদ মন্ত্ৰীগৰাকীয়ে আজি পৰিদৰ্শনৰ সময়ত জিলা আয়ুক্তক বানত ক্ষতিগ্ৰস্তসকলক সাহায্য প্ৰদানৰ ক্ষেত্ৰত কোনো ধৰণৰ কৃপণালি নকৰিবলৈ নিৰ্দেশনা প্ৰদান কৰে |
ইয়াৰ পূৰ্বে জলসম্পদ মন্ত্ৰীগৰাকীয়ে সাংসদ দিলীপ শইকীয়া আৰু বিধায়কদ্বয় পৰমানন্দ ৰাজবংশী আৰু দিগন্ত কলিতাৰ সৈতে জিলাখনৰ কাহিতলীত ডিমলা নৈৰ বানৰ ফলত ক্ষতিগ্ৰস্ত জলসিঞ্চন বিভাগৰ ৰিং বান্ধটো পৰিদৰ্শন কৰে | জলসিঞ্চন বিভাগৰ অধীনত নিৰ্মিত এই বান্ধটোৰ ছিগা অংশৰে পানী সোমাই কাষৰীয়া অঞ্চলত ব্যাপক ক্ষতিৰ সৃষ্টি কৰিছে | মন্ত্ৰী পীযুষ হাজৰীকাই এই অঞ্চল ভ্ৰমণ কৰি ছিগা বান্ধৰ পুনৰ নিৰ্মাণৰ কাম জলসম্পদ বিভাগে অহা কাইলৈৰ পৰা হাতত ল’ব বুলি ৰাইজক আশ্বাস প্ৰদান কৰে | মন্ত্ৰীগৰাকীয়ে কয় যে যদিও জলসিঞ্চন বিভাগৰ বান্ধ ছিগিছে তথাপিও এয়া ৰাজ্য চৰকাৰৰে একোটা বিভাগ আৰু বান নিয়ন্ত্ৰণৰ স্বাৰ্থত জলসম্পদ বিভাগে বাৰিষাৰ সময়ত আন বিভাগৰ ক্ষতিগ্ৰস্ত মথাউৰিও নিজা উদ্যোগত পুনৰ নিৰ্মাণৰ ব্যৱস্থা কৰিছে |
পৰিদৰ্শনৰ সময়ত জলসম্পদ মন্ত্ৰীগৰাকীয়ে সাংবাদিকৰে হোৱা সাক্ষাতত কয় যে ৰাজ্য চৰকাৰে আন্তৰিকতাৰে অসমৰ বান নিয়ন্ত্ৰণৰ ব্যৱস্থা গ্ৰহণ কৰি আহিছে | আগতে বছৰি প্ৰায় ৪০ টা মান স্থানত মথাউৰি ছিগাৰ বিপৰীতে এতিয়া এই সংখ্যা ১৫ তকৈ তলত ৰাখিবলৈ জলসম্পদ বিভাগ এক প্ৰকাৰে সফল হৈছে | আনহাতে মথাউৰি ছিগাৰ লগে লগে বিভাগে আধুনিক প্ৰযুক্তিবিদ্যাৰ সহায়ত কম সময়ৰ ভিতৰতে মথাউৰি পুনৰ নিৰ্মাণ কৰিবলৈ সক্ষম হৈছে | ইতিপূৰ্বে বৰাক উপত্যকাৰ ৬ টা স্থানত মথাউৰি ছিগাৰ প্ৰায় ১৫ টা দিনৰ ভিতৰতে পুনৰ নিৰ্মাণ সম্ভৱ হোৱাৰ বিপৰীতে দৰঙৰ শাকতোলাত মাথো তিনিটা দিনৰ ভিতৰতে মথাউৰি পুনৰ নিৰ্মাণ প্ৰায় সম্পূৰ্ণ কৰিবলৈ সক্ষম হৈছে | অসমৰ মুখ্যমন্ত্ৰী ড০ হিমন্ত বিশ্ব শৰ্মাই বান নিয়ন্ত্ৰণক যথেষ্ট গুৰুত্ব দিছে বুলি উল্লেখ কৰি মন্ত্ৰী হাজৰীকাই কয় যে তেখেতৰ নেতৃত্বতে ৰাজ্য চৰকাৰে অহা বৰ্ষত প্ৰায় ১৫০ কিল’মিটাৰ দৈৰ্ঘ্যৰ উন্মুক্ত অংশত নতুনকৈ মথাউৰি নিৰ্মাণ কৰিব |
পুৱাৰ ভাগত জলসম্পদ মন্ত্ৰী পীযুষ হাজৰীকাই কামৰূপ জিলাৰ কলাজল আৰু হালধাত উপস্থিত হৈ অঞ্চল দুটাত বানৰ বুজ লয় | কমলপুৰ বিধানসভা সমষ্টিৰ কলাজলত কলাজল নৈৰ বাঢ়নী পানীয়ে কাষৰীয়া অঞ্চল প্লাৱিত কৰি তুলিছে | কাৰীকৰি কিছু অসুবিধাৰ বাবে এই স্থানত মথাউৰি নিৰ্মাণত সমস্যা হোৱা বুলি জানিব পাৰি মন্ত্ৰীগৰাকীয়ে কয় অহা মংগলবাৰে বিশেষজ্ঞ আৰু বিভাগীয় অভিযন্তাৰ সৈতে তেওঁ এই বিষয়ে আলোচনাত মিলিত হৈ কলাজলৰ বান সমস্যা সমাধানৰ ব্যৱস্থা কৰাৰ বাবে প্ৰয়াস কৰিব | আনহাতে দৰং আৰু কামৰূপ জিলাৰ সীমামূৰীয়া অঞ্চল হালধাত উপস্থিত হৈ জলসম্পদ মন্ত্ৰীগৰাকীয়ে বৰনদীৰ উন্মুক্ত অংশৰে সৃষ্টি কৰা বানৰ বুজ লয় | এই অংশত বান প্ৰতিৰোধৰ বাবে জলসম্পদ বিভাগে শীঘ্ৰেই প্ৰতিৰোধমূলক ব্যৱস্থা হাতত ল’ব বুলি মন্ত্ৰীগৰাকীয়ে স্থানীয় ৰাইজক আশ্বাস প্ৰদান কৰে |
শ্বহীদ নগৰী ঢেকীয়াজুলিৰ ত্ৰিমূৰ্তি ভৱনত হাইস্কুল শিক্ষান্ত পৰীক্ষা আৰু উচ্চতৰ মাধ্যমিকৰ চুৰান্ত পৰীক্ষাত সুখ্যাতিৰে উৰ্ত্তীৰ্ণ হোৱা ছাত্ৰ-ছাত্ৰী সকলক সম্বৰ্ধনা জনায় অসম চৰকাৰৰ কেবিনেট মন্ত্ৰী অশোক সিংহলে৷উল্লেখ্য যে ২০২৪ শিক্ষা বৰ্ষৰ হাইস্কুল শিক্ষান্ত আৰু উচ্চতৰ মাধ্যমিকৰ চুৰান্ত পৰীক্ষাত সুখ্যাতিৰে উৰ্ত্তীৰ্ণ হোৱা ছাত্ৰ-ছাত্ৰীক সম্বৰ্ধনা জনোৱাৰ উদ্দেশ্যৰে শ্বহীদ নগৰী ঢেকীয়াজুলিৰ ত্ৰিমূৰ্তি ভৱনত এখনি সম্বৰ্ধনা অনুষ্ঠান অনুষ্ঠিত
কৰে ৬৫ ঢেকীয়াজুলি বিধানসভা সমষ্টিৰ বিধায়ক তথা অসম চৰকাৰৰ কেবিনেট মন্ত্ৰী অশোক সিংহলে
দিনৰ ১১ বজাৰ পৰা অনুষ্ঠিত কৰা সম্বৰ্ধনা সভাত ঢেকীয়াজুলি ৰাজহচক্ৰৰ অন্তৰ্গত কেইবাখনো বিদ্যালৰ হাইস্কুল শিক্ষান্ত পৰীক্ষাত সুখ্যাতিৰে উৰ্ত্তীৰ্ণ হোৱা ছাত্ৰ-ছাত্ৰীক সম্বৰ্ধনা জনোৱা হ’য়৷ইয়াৰ পিছতে দিনৰ দুই বজাৰ পৰা উচ্চতৰ মাধ্যমিকৰ চুৰান্ত পৰীক্ষাত সুখ্যাতিৰে উৰ্ত্তীৰ্ণ হোৱা ছাত্ৰ-ছাত্ৰীক সম্বৰ্ধনা জনায় মন্ত্ৰী অশোক সিংহলে৷ঢেকীয়াজুলি শৈক্ষিক সমিতিৰ সভাপতি সুশেন বৈশ্যই বন্তি প্ৰজ্জ্বলন কৰি শুভাৰম্ভণি কৰা আজিৰ সম্বৰ্ধনা সভাৰ আতধৰে ঢেকীয়াজুলি পৌৰসভাৰ প্ৰাক্তন পৌৰপতি ৰূপজ্যোতি পতংগীয়াই৷আজিৰ সম্বৰ্ধনা সভাখনিত ভাৰতীয় জনতা পাৰ্টিৰ শোণিতপুৰ জিলা সমিতিৰ সাধাৰণ সম্পাদক জন শইকীয়া,ঢেকীয়াজুলি পৌৰসভাৰ পৌৰপতি সুস্মিতা দাস,উপ পৌৰপতি তুলিকা শইকীয়া,ভাৰতীয় জনতা যুৱ মৰ্চাৰ শোণিতপুৰ জিলাৰ সাধাৰণ সম্পাদক ইন্দুভূষণ নাথৰ লগতে ভাৰতীয় জনতা পাৰ্টিৰ কাৰ্যকৰ্তা সকল উপস্থিত থাকে৷আজিৰ সম্বৰ্ধনা সভাত এক সহস্ৰাধিক ছাত্ৰ-ছাত্ৰীক সম্বৰ্ধনা জনায় অসম চৰকাৰৰ মন্ত্ৰী অশোক সিংহলে সম্বৰ্ধনা জনায় ৷
নগাঁও জিলাৰ অতিকৈ পুৰণি ১৯৪৫ চনত স্থাপিত হোৱা ধিং আঠগাঁৱৰ প্ৰগতি পুথিভঁৰাল আৰু নাট্য সমিতিৰ শিশু অনুষ্ঠান প্ৰগতি মইনা পাৰিজাতৰ উদ্যোগত বিষ্ণু ৰাভা দিৱস আৰু শেৱালি কবি ৰত্নকান্ত বৰকাকতিৰ জন্মজয়ন্তী উদযাপন কৰা হয়। গীত-মাত কথা-কবিতাৰে কলাগুৰু আৰু শেৱালি কবিজনাক স্মৰণ কৰা উক্ত অনুষ্ঠানটোত কণ কণ মইনাসকলে জীপাল কৰি তোলে ধিং আঠগাঁৱৰ প্ৰগতি পুথিভঁৰালৰ প্ৰেক্ষাগৃহ । পুৱা প্ৰগতি মইনা পাৰিজাতৰ সভানেত্ৰী ইৰা বৰাই আনুষ্ঠানিক ভাৱে অনুষ্ঠানৰ শুভাৰম্ভণি কৰাৰ পাছতে কলাগুৰু আৰু শেৱালি কবিৰ প্ৰতিচ্ছবিত বন্তি প্ৰজ্বলন আৰু পুষ্পাঞ্জলি অৰ্পণ কৰে ক্ৰমে ধিং শতদল শাখা সাহিত্য সভাৰ সভাপতি মমতা নায়ক আৰু ধিং পৌৰসভাৰ প্ৰাক্তন পৌৰপতি প্ৰীতি ভড়ালীয়ে ।
সভানেত্ৰী ইৰা বৰাৰ সভাপতিত্বত তথা প্ৰগতি মইনা পাৰিজাতৰ সম্পাদিকা মল্লিকা শৰ্মাই আঁতধৰা মুকলি সভাত বিষ্ণু প্ৰসাদ ৰাভা আৰু শেৱালি কবি ৰত্নকান্ত কান্ত বৰকাকতিৰ জীৱন- দৰ্শন আৰু সাহিত্য কৰ্মৰাজিৰ ওপৰত বক্তৃতা প্ৰদান কৰে ধিং ছোৱালী হাইস্কুলৰ অৱসৰপ্ৰাপ্ত প্ৰধান শিক্ষয়িত্ৰী কৃষ্ণা হাজৰিকাই । প্ৰগতি পুথিভঁৰাল আৰু নাট্য সমিতিৰ উপদেষ্টা কুমাৰ হেমেন শইকীয়া, উপ-সভাপতি প্ৰসন্ন বৰা, ধিং শতদল শাখা সাহিত্য সভাৰ সম্পাদক মুকুল কলিতা উপস্থিত থকা উক্ত সভাত প্ৰগতি পুথিভঁৰাল আৰু নাট্য সমিতিৰ সম্পাদক তথা নগাঁও জিলা সাহিত্য সভাৰ সাংগঠনিক সম্পাদক মৃগাংক বৰাই প্ৰগতি পুথিভঁৰালৰ জন্ম ইতিহাস আৰু সাম্প্ৰতিক সময়ত যুৱ সমাজৰ মাজত গঢ়ি উঠা নেতিবাচক চিন্তাধাৰাৰ বিপৰীতে উঠি অহা মইনাসকলক সমাজৰ সঠিক পথ আৰু সামাজিক দায়িত্ববোধৰ লগতে শিশুসকলৰ মাজত লুকাই থকা সৃজনীমূলক কলা-কৌশলক পূৰ্ণাংগ ৰূপে বিকশিত কৰাৰ লক্ষ্যৰে প্ৰগতি মইনা গঠন কৰা হৈছে বুলি নিজৰ বক্তব্যত উল্লেখ কৰে । উক্ত গাম্ভীৰ্যপূৰ্ণ অনুষ্ঠানত শতাধিক মইনাই অংশগ্ৰহণ কৰি কলাগুৰুৰ গীত পৰিৱেশন, কবিতা আবৃত্তি, নৃত্য প্ৰদৰ্শন, বক্তৃতা প্ৰদান কৰাৰ উপৰি শেৱালি কবি জনাৰ কবিতা আবৃত্তি আৰু কবিজনাৰ ওপৰত বক্তৃতা প্ৰদান কৰে মইনাসকলে । ইপিনে শিশুসকলক জড়িত কৰি অনুষ্ঠিত কৰা এনে ব্যতিক্ৰমী অনুষ্ঠানৰ বাবে ধিঙৰ বৌদ্ধিক মহলে ভূয়সী প্ৰশংসা কৰিছে প্ৰগতি মইনা পাৰিজাতৰ উদ্যোক্তাসকলক ।
প্ৰাণনাশক পৰ্থেনিয়ামৰ কৱলত দেৰগাঁও চহৰ।দেৰগাঁৱৰ ৩৭নং ৰাষ্ট্ৰীয় ঘাইপথৰ কাষত পাৰ্থেনিয়ামে লৈছে ভয়ংকৰ ৰূপ ।
শান্তিপুৰৰ পৰা দাধৰালৈকে দুয়োকাষে ভয়ংকৰ ৰূপত বৃদ্ধি পোৱা অপতৃণ পাৰ্থেনিয়ামে জনস্বাস্থ্যৰ প্ৰতি কঢ়িয়াই আনিছে গুৰুতৰ ভাবুকি।
সমগ্ৰ বিশ্বতে আতংকৰ সৃষ্টি কৰা অতি বিষাক্ত অপতৃণ পাৰ্থেনিয়ামে জীৱ-জন্তুৰ পৰা মানৱ স্বাস্থ্যলৈকে অতি ভয়ংকৰ বিপদ মাতি আনিছে। উদ্ভিদ বিজ্ঞানত বিষাক্ত হিচাপে চিহ্নিত এই পাৰ্থেনিয়ামৰ সংস্পৰ্শলৈ আহিলেই কোনো ব্যক্তি আক্ৰান্ত হ’ব পাৰে জ্বৰ, চৰ্দি, কাহ, হাঁপানী, এলাৰ্জি আদি ৰোগৰ লগতে হাওঁফাওঁৰ গুৰুতৰ ৰোগত।
শীঘ্ৰে ভয়ংকৰভাৱে বিষাক্ত অপতৃণসমূহ চিকুণাই নিদিলে ফুলবোৰ শুকুৱাৰ ফলত গুৰুতৰ ৰোগত অঞ্চলবাসী আক্ৰান্ত হোৱাৰ আশংকা চৌদিশে। এই অপতৃণসমূহ শীঘ্ৰে আঁতৰাবলৈ সংশ্লিষ্ট বিভাগৰ লগতে গোলাঘাট জিলা প্ৰশাসনক আহ্বান জনাইছে সচেতন জনতাই।
পেৰিচ অলিম্পিকলৈ যোৱাৰ যোগ্যতা অৰ্জন কৰিলে লাভলীনা বৰগোঁহাইয়ে।বহু খেলুৱৈয়ে ইতিমধ্যে প্ৰচেষ্টা কৰিছিল যদিও সকলোকে পিছ পেলাই পেৰিচ অলিম্পিকলৈ যোৱাৰ যোগ্যতা অৰ্জন কৰিলে লাভলীনা বৰগোঁহাইয়ে।
অম্লান বৰগোঁহাই,হিমা দাস,শিৱ থাপা, সকলোৱে যথেষ্ট প্ৰচেষ্টা কৰিছিল অলিম্পিক গেমচৰ বাবে।কিন্ত মাত্ৰ এজন খেলুৱৈয়ে হে যোগ্যতা অৰ্জন কৰিবলৈ সক্ষম হ’ল সেই গৰাকী হৈছে লাভলীনা বৰগোঁহাই.
