বৰপেটা সত্ৰৰ আদি সত্ৰাধিকাৰ মথুৰা দাস বুঢ়া আতাৰ ৫৩৪ সংখ্যক জন্ম জ‌য়ন্তী উৎসৱ। মহাপুৰুষ মাধৱদেৱে ১৮৮৩ খৃষ্টাব্দত বৰপেটা সত্ৰ প্ৰতিষ্ঠা কৰি আঠ বছৰ কাল সত্ৰত থকাৰ পাছত এই সত্ৰখনৰ সমস্ত দায়িত্ব গোপাল তাঁতীক মহাপুৰুষ মাধৱদেৱে মথুৰাদাস বুঢ়া আতা নামেৰে নামাকৰণ কৰি মথুৰাদাস বুঢ়া আতাক সত্ৰাধিকাৰ পদত অধিষ্ঠিত কৰিছিল। বৰপেটা সত্ৰৰ প্ৰথম সত্ৰাধিকাৰ সেই জনা মথুৰা দাস বুঢ়া আতাৰ প্ৰতি বছৰৰ দৰে এইবাৰো ৫৩৪ সংখ্যক জন্ম জয়ন্তী দুদিনী‌য়াকৈ পালন কৰা হৈছে বৰপেটা সত্ৰত।

জন্ম জয়ন্তী উপলক্ষে নিত্যনৈমিত্তিক নাম প্ৰসংগৰ লগতে ধৰ্মালোচনী সভা আৰু আই সকলৰ আয়তি নামৰ আয়োজন কৰা হয় বৰপেটা সত্ৰত। সোমবাৰে অন্তিম পৰ্যায়ত আই সকলৰ আয়তি নামেৰে সত্ৰীয়া গৰাকীৰ জন্ম জয়ন্তীৰ কাৰ্যসূচীৰ সামৰণি পেলাই। সামৰণিৰ শেষত চেনীৰ প্ৰসাদ বিতৰণ কৰা হয় ভকত বৈষ্ণৱ আই সকলৰ মাজত।

কৃষক সকল হ’ল দেশ বা সমাজৰ পৰম সম্পদ, তেওঁলোকে খাদ্য যোগান নধৰিলে অনাহাৰে জীৱন বিসৰ্জন দিব লাগিব৷ সেয়েহে কৃষকক আমি সন্মান কৰা উচিত৷ বহু ক্ষেত্ৰত কৃষকসকলক বহুতে অৱহেলা কৰে, তেওঁলোকে বহু প্ৰাপ্যৰ পৰাও বঞ্চিত হৈ আহিছে৷ সেয়েহে নতুন দেহৰ প্ৰেছ ক্লাৱে কৃষকসকলক সন্মান জনোৱাৰ উদ্দেশ্যে মুখ্যত দেওবাৰে সভাখন অনুষ্ঠিত কৰা হৈছে৷ এই মন্তব্য সভাৰ উদ্দেশ্য ব্যাখ্যা কৰা নতুনদেহৰ প্ৰেছ ক্লাৱৰ সম্পাদক তথা সাহিত্যিক দিলীপ বৰ্মনৰ৷

যোৱা ১৯ মে’ত নতুন দেহৰ প্ৰেছ ক্লাবৰ উদ্যোগত বৃহত্তৰ অঞ্চলটোৰ ঐতিহ্যপূৰ্ণ শিলগোসাঁনী থান প্ৰাঙ্গণ, খুখুন্দিত বৰ্ণাঢ্য কাৰ্যসূচীৰে এখন গাম্ভীৰ্যপূৰ্ণ সভা অনুষ্ঠিত হয়৷ পুৱাৰ ভাগত নতুনদেহ প্ৰেছ ক্লাৱৰ একৈশ সংখ্যক প্ৰতিষ্ঠা দিৱস উপলক্ষে একৈশ গছি বন্তি প্ৰজ্বলন কৰা হয়৷ বন্তি প্ৰজ্বলন কাৰ্যসূচী ৰূপায়ণ কৰে অৱসৰপ্ৰাপ্ত কৃতী শিক্ষক জ্যোতিষ চন্দ্ৰ ডেকা, প্ৰমোদ কুমাৰ তালুকদাৰ, সৰ্বেশ্বৰ বৰ্মন, খগেন্দ্ৰ নাথ শৰ্মা, সমাজসেৱক প্ৰভাত দাস, নবীন বৰ্মন, উদয় শৰ্মা, ভূপেন তালুকদাৰ আদিয়ে৷ লাৱণ্য ডেকা, সহযোগী অধ্যাপক ড॰ অৰূপ ডেকা, সাহিত্যিক লাৱণ্য ডেকা, অৰুণ কুমাৰ বসুমতাৰী আদিয়ে৷ এঘাৰ বজাত সম্বৰ্ধনা সভাখন অনুষ্ঠিত হয়৷ সভাখনত সভাপতিত্ব কৰে নতুন দেহৰ প্ৰেছ ক্লাৱৰ সভাপতি কৃষ্ণকান্ত বৈশ্যই৷ সভাৰ উদ্দেশ্য ব্যাখ্যা কৰে প্ৰেছ ক্লাৱৰ সম্পাদক দিলীপ বৰ্মনে৷ ইয়াৰ পিছত আদৰণি সমিতিৰ সভাপতি, ৰাজ্যিক কৃতী শিক্ষক বঁটাপ্ৰাপক দিলীপ কুমাৰ পাঠকে আদৰণি ভাষণ প্ৰদান কৰে৷ সভাখনত মুখ্য অতিথি হিচাপে অংশ গ্ৰহণ কৰে নৰ্থ ইষ্ট কেন্সাৰ হাস্পতালৰ সঞ্চালক, বিশিষ্ট সমাজসেৱক তথা আদৰ্শবান কৃষক গণেশ তামুলীয়ে৷ তামুলীয়ে ভাষণত কয়-কৃষক সকল আমাৰ ধৰণী স্বৰূপ৷ আমি সকলোৱে নিয়মৰ মাজেৰে চলিব লাগে৷ সময়মতে খাব লাগে, সময়মতে শুব লাগে, তেতিয়াহে আমাৰ স্বাস্থ্য ভালে থাকিব৷

তামুলীয়ে আকৌ কয় যে ময়ো এগৰাকী কৃষক- আশী বিঘা ভূমিত মই কৃষি কাৰ্য কৰি আছো৷ আমাৰ ফাৰ্মৰ গাখীৰ গুৱাহাটীলৈ যায়, চাৰি-পাঁচটা পুখুৰী খান্দিছো, তেনে বক্ত্যৰে সম্বৰ্ধিত কৃষকসকলক উৎসাহ দিয়ে৷ সভাখনত বিশিষ্ট অতিথি হিচাপে ভাষণ প্ৰদান কৰে সমন্বয় শিল্পী সাহিত্য পৰিষদ, অসমৰ কাৰ্যকৰী সভাপতি, কবি-সাহিত্যিক চাইফ উদ্দিন আহমেদে, সভাখনত শিক্ষাবিদ পূৰ্ণৰাম কলিতা, শৰৎ চন্দ্ৰ কলিতা, জ্যোতিষ চন্দ্ৰ ডেকা, সৰ্বেশ্বৰ বৰ্মন, নলবাৰী জিলা সাংবাদিক সন্থাৰ কাৰ্যকৰী সভাপতি ৰাজেন বৈশ্য আদিয়ে বিশিষ্ট অতিথি হিচাপে গঠনমূলক ভাষণ প্ৰদান কৰে৷ বৃহত্তৰ নতুন দেহৰ অঞ্চলৰ আদৰ্শবান কৃষক ভৈৰৱ ৰাজবংশী, বিপিন বড়ো, নকুল বড়ো, সুৰেন বড়ো, মাধৱ ৰাজবংশী, চবিন হালৈ, মতলেবউদ্দিন আহমেদ, শশীন ৰাজবংশী, কৰিমুদ্দিন আহমেদ, আদ্য তালুকদাৰ, কৈলাশ ৰাজবংশী, মাধৱ তালুকদাৰ, দেবেন বৈশ্য, ৰমেশ বৰ্মন, প্ৰসন্ন ৰাজবংশী, নবীন বৰ্মন, প্ৰমোদ ৰাজবংশী, সত্য ৰাজবংশী, নৰেন ৰাজবংশী, কনক ৰাজবংশী, শনিয়া ৰাজবংশী, প্ৰবীণ ৰাজবংশী, হীতেন্দ্ৰ কুমাৰ ডেকা, অৰবিন্দ ৰাজবংশী, মহানন্দ বৰ্মন আৰু বহুজন৷ সভাখনত প্ৰেছ ক্লাৱৰ তৰফৰ পৰা প্ৰায় নব্বৈ বছৰীয়া অৱসৰপ্ৰাপ্ত অধ্যক্ষ শুকদেৱ মালাকৰক ‘গুৰু বৈভৱ বঁটা’, পিয়াৰ আলীক সমাজসেৱা বঁটা, ধীৰেন কুমাৰ বৰ্মনক শিল্পী বৈভৱ বঁটা, কন্দৰ্প কুমাৰ দাস আৰু ভূষণ চন্দ্ৰ ৰয়ক কাব্যশ্ৰী বঁটা প্ৰদান কৰা হয়৷ ইয়াৰ পিছত আকৌ কৃতী শিক্ষক জ্যোতিষ চন্দ্ৰ ডেকা, সৰ্বেশ্বৰ বৰ্মন, যতীন ৰাজবংশী, শম্ভ³ ৰাজবংশী, চাইফ উদ্দিন আহমেদ, সুৰেন্দ্ৰ নাথ কলিতা, অমূল্য দাস, যাদৱ কুমাৰ হালৈ, পূৰ্ণৰাম কলিতা, শৰৎ চন্দ্ৰ কলিতা, ধৰণীধৰ ডেকা, খগেন নাথ মেধি, দিলীপ কুমাৰ পাঠক, কেশৱ ডেকা, প্ৰবীণ দাস, কামিনী ঠাকুৰীয়া, প্ৰভাত চন্দ্ৰ পাটোৱাৰী, দিলীপ ডেকা, প্ৰদীপ কুমাৰ মেধি, প্ৰমোদ কলিতা, গোবিন্দ তালুকদাৰ, প্ৰমোদ কলিতা, গোবিন্দ তালুকদাৰ, ফুকন ৰাজবংশী, অকন ৰাজবংশী, পৰেশ ৰাজবংশী ৰবি ডেকা, ৰজনী ক্ষেত্ৰী, প্ৰমোদ কুমাৰ তালুকদাৰ, ড॰ অৰূপ ডেকা, শিল্পী গোবিন্দ কলিতা, ফণীধৰ ডেকা, জ্ঞানেন চৌধুৰী, অমিন মুছাহাৰী, উপেন বড়ো, নিজৰা ডেকা, নগেন দত্তৰ লগতে সমাজসেৱাৰ ক্ষেত্ৰত গণেশ তামুলী, ঈশ্বৰ চন্দ্ৰ পাটোৱাৰী, প্ৰভাত দাস, উদয় শৰ্মা, কৈলাশ ক্ষেত্ৰী, হৰেকৃষ্ণ মেধি, প্ৰিয়নাথ বৰ্মন, প্ৰতিভা কলিতা, মহীধৰ ৰাজবংশী, ড॰ সংগীতা শৰ্মা, সংবাদ সেৱাৰ ক্ষেত্ৰত বীৰেন কলিতা, নকুল তালুকদাৰ, ৰাজেন বৈশ্য, খগেন ভূঞা, ধনঞ্জয় বৰপূজাৰী, আলতাফ হুছেইন, চিকিৎসা সেৱাৰ ক্ষেত্ৰত ডাঃ তিলক বৰ্মন, ডাঃ সিদ্ধাৰ্থ তালুকদাৰ, ডাঃ নেকিব চৌধুৰী, সাহিত্য সেৱাৰ ক্ষেত্ৰত অৰুণ কুমাৰ বসুমতাৰী, লাৱণ্য ডেকা, শৰৎ চন্দ্ৰ বড়ো, হিমা কলিতাক সম্বৰ্ধনা জনোৱা হয়৷ সভাত আটাইকেইগৰাকী বক্তাই আৰু সন্মানীয় ব্যক্তিসকলে প্ৰেছ ক্লাৱৰ এনে গঠনমূলক কাৰ্যক বিশেষকৈ কৃষকসকলক সম্বৰ্ধনা জনোৱা কাৰ্যক ধন্যবাদ জনায়৷

ৰহাৰ বিহু মঞ্চত দেখা গ’ল এক ব্যতিক্ৰমী দৃশ্য। ফুলগুৰিৰ জি এম ইলেকট্ৰনিক্স এণ্ড ফাৰ্নিচাৰৰ তৰফৰ পৰা এজন মেডিকেল কলেজৰ মেধাৱী দৰিদ্ৰ ছাত্ৰক দিলে দুই লাখ পাঁচ হাজাৰ টকাৰ সাহাৰ্য। ৰহা পুৰণা চাৰিআলিৰ ডঃ ভূপেন হাজৰিকা সোঁৱৰণী মঞ্চত অনুষ্ঠিত ৰহা আঞ্চলিক  বিহু সন্মিলনৰ অষ্টাদশ বাৰ্ষিক বিহুত দেখিবলৈ পোৱা গল এই  ব্যতিক্ৰমী দৃশ্য। বিহুৰ বসন্ত নিশাৰ সাংস্কৃতিক অনুষ্ঠানৰ মঞ্চত বিশিষ্ট অতিথি হিচাপে অংশগ্ৰহণ কৰি ৰাজহুৱাকৈ সম্বৰ্ধনা জনাই।

অসম মেডিকেল কলেজ, ডিব্ৰুগড়ত দ্বিতীয় বৰ্ষত অধ্যয়ণ কৰি থকা দুখীয়া পৰিয়ালৰ মেধাৱী ছাত্ৰ ভবেশ কাহাৰক ফুলগুৰিৰ জি এম ইলেকট্ৰনিক্স এণ্ড ফাৰ্নিচাৰৰ স্বত্বাধিকাৰী গৌতম ডেকা আৰু তেওঁৰ পত্নী মনিকাঞ্চন বৰা ডেকাই পঢ়িবৰ বাবে আগবঢ়ালে এই ধন। সৰুৰে পৰা ৰহাৰ শংকৰদেৱ শিশু নিকেতনত বিনা পইচাত অধ্যয়ন কৰি হাইস্কুল শিক্ষান্ত পৰীক্ষাত ডিষ্টিংচনসহ উৰ্ত্তীণ হোৱা  মেধাৱী ছাত্ৰ তথা অতি দুখীয়া পৰিয়ালৰ সন্তান, ভবেশ কাহাৰৰ পিতৃ-মাতৃয়ে ভবেশক মেডিকেলত নামভৰ্তিৰ বাবে সহায় কৰিব পৰা নাছিল। উচ্চতৰ মাধ্যমিক শাখাত বিনা পইচাত অধ্যয়নৰ সুবিধা পোৱা ছাত্ৰ ভবেশ কাহাৰ ৰহাৰ বহু কেইটা সংগঠনৰ লগতে বহু কেইজন লোকৰ সহায়ত মেডিকেলত নামভৰ্তি কৰিলে যদিও হোষ্টেলৰ থকা খোৱাৰ বাবে ৰাষ্ট্ৰীয় ঘাইপথৰ দাঁতিত এখন সৰু পাণ- তামোলৰ দোকান দিয়া পিতৃ মাতৃয়ে প্ৰয়োজন অনুসৰি  যোগান ধৰিব পৰা নাছিল টকা পইচাৰ। নিজা ঘৰ মাটি নথকা পৰিয়ালটিৰ কথা শুনি আগবাঢ়ি আহিছিল যুৱ উদ্যোগী সমাজকৰ্মী তথা ব্যৱসায়ী গৌতম ডেকা আৰু তেওঁৰ পত্নী মনিকাঞ্চন বৰা ডেকা।

ৰহা অঞ্চলিক বিহু সন্মিলনৰ কৰ্মকৰ্তা সকলৰ আহ্বান ক্ৰমে যুৱ উদ্যোগী সমাজকৰ্মী গৰাকীয়ে ৰহালৈ আহি বিহু মঞ্চতে  ডিব্ৰুগড়ৰ পৰা মাতি আনি মেডিকেলৰ মেধাৱী ছাত্ৰ ভবেশ কাহাৰক দিলে এই ধন ৰাশি। কেইবাবছৰধৰি গৌতম ডেকাই সহায় কৰি আহিছে  বহু মেধাৱী দুখীয়া পৰিয়ালৰ ছাত্ৰ-ছাত্ৰীসকলক। গৌতম ডেকা আৰু মনিকাঞ্চন বৰা ডেকাৰ এনে কাৰ্যক বহুতেই শলাগ লৈছে।