পথৰুঘাট দুগ্ধ উৎপাদক ছ’চাইটিৰ হাঁহাকাৰ : লকডাউনৰ বাবে পানীৰ দৰত বিক্ৰী গাখীৰ

0 64

দৰং

লকডাউনৰ বাবে দৰঙৰ গো-পালকসকলৰ এতিয়া পানীত হাঁহ নচৰা অৱস্থা৷ পানীৰ দৰত বিক্ৰী কৰিবলগীয়া হৈছে গাখীৰ৷ ২০০ গো-পালকক লৈ গঠিত পথৰুঘাট দুগ্ধ উৎপাদক ছ’চাইটিত প্ৰতিদিনে ২০০০ হাজাৰৰ পৰা ২৫০০ পৰ্যন্ত গাখীৰ উৎপাদন কৰি অভিলেখ সৃষ্টি কৰাৰ লগতে জিলাখনৰ বিভিন্ন হোটেলত গাখীৰ যোগান ধৰা  ছ’চাইটিটোৱে গাখীৰেৰে তৈয়াৰি বিভিন্ন ধৰণৰ সু-স্বাদ মিঠাই, দৈ, পনীৰ, ঘী, ক্ৰীম আদি তৈয়াৰ কৰিছিল যদিও এমাহ ধৰি লকডাউনৰ বাবে হোটেলসমুহ বন্ধ হৈ থকাৰ বাবে গো -পালকসকলে যোগান ধৰা গাখীৰৰ এক তৃতীয়াংশ গাখীৰহে দুগ্ধ উৎপাদক সমিতিয়ে ক্ৰয় কৰিব বাধ্য হৈছে৷ যাৰ বাবে গো-পালকসকলে অতিৰিক্ত গাখীৰ গাঁৱে গাঁৱে হোম ডেলিভাৰী কৰিবলগীয়া হৈছে৷ বিক্ৰী কৰিবলগীয়া হৈছে প্ৰতি লিটাৰ গাখীৰত ৩০-৩৫ টকাত৷ আনহাতে লকডাউনৰ বাবে বিবাহ, উৎসৱ পাৰ্বন নোহোৱাৰ বাবে দুগ্ধ উৎপাদক সমিতিয়ে নিতৌ গাখীৰৰে তৈয়াৰ কৰা মিঠাই, দৈ, ক্ৰীম আদি বিক্ৰী নোহোৱাৰ বাবে ২০০ গো-পালকেৰে গঠিত সমিতিখনে লোকচানৰ সন্মুখীন হৈছে৷ এই সন্দৰ্ভত গো-পালকসকলক সকাহ দিবলৈ চৰকাৰে ব্যৱস্থা গ্ৰহণৰ বাবে অনুৰোধ জনাইছে পথৰুঘাট দুগ্ধ উৎপাক সমিতিয়ে৷

x

COVID-19

India
Confirmed: 181,827Deaths: 5,185
ine
x

COVID-19

World
Confirmed: 0Deaths: 0
insdffe