শেহতীয়া গৱেষণাৰ পৰা দেখা গৈছে যে উত্তৰ ভাৰতৰ মানুহে গড় হিচাপতকৈ বহু বেছি নিমখ খাই আছে। আনহাতে তেওঁলোকৰ খাদ্যত প্ৰটিনৰ পৰিমাণ অতি কম। উত্তৰ ভাৰতীয় খাদ্যৰ সোৱাদ উৎকৃষ্ট। কিন্তু জানেনে, এই সুস্বাদু খাদ্যত এটা বস্তু অতিৰিক্তভাৱে অন্তৰ্ভুক্ত কৰা হৈছে, সেয়া হ’ল নিমখ! হয়, শেহতীয়া গৱেষণাৰ পৰা দেখা গৈছে যে উত্তৰ ভাৰতৰ মানুহে গড় হিচাপতকৈ বহু বেছি নিমখ ব্যৱহাৰ কৰি আছে। আনহাতে তেওঁলোকৰ খাদ্যত প্ৰটিনৰ পৰিমাণ বহুত কম। গৱেষকসকলৰ মতে উত্তৰ ভাৰতৰ খাদ্যাভ্যাসৰ ওপৰত অধ্যয়নত কৰি দেখা গৈছে যে উত্তৰ ভাৰতৰ লোকে নিমখ আৰু ফছফৰাছৰ পৰিমাণ নিৰ্ধাৰিত পৰিমাণতকৈ অধিক তাৰ বিপৰীতে প্ৰটিন আৰু পটাছিয়ামৰ পৰিমাণ কম।
২০২০ চনত কৰা এক অধ্যয়নত দেখা গৈছে যে ভাৰতীয় খাদ্যত প্ৰায়বোৰ প্ৰয়োজনীয় পুষ্টিকৰ উপাদানৰ অভাৱ। ভাৰতীয় খাদ্যত প্ৰটিন, ফলমূল আৰু শাক-পাচলিৰ পৰিমাণ পৰ্যাপ্ত নহয় বুলি কোৱা হৈছে। সুস্বাস্থ্য আৰু ফিটনেছ বজাই ৰাখিবলৈ পুষ্টিকৰ উপাদানৰে সমৃদ্ধ সুষম খাদ্যৰ প্ৰয়োজন। প্ৰতিটো পুষ্টিকৰ পদাৰ্থই শৰীৰত নিৰ্দিষ্ট ভূমিকা পালন কৰে আৰু শৰীৰৰ বিভিন্ন কাৰ্য্যত অৰিহণা যোগায়। কাৰ্বহাইড্ৰেটে দৈনন্দিন কাম-কাজৰ বাবে শক্তি প্ৰদান কৰে, প্ৰটিনে পেশীৰ বৃদ্ধি আৰু মেৰামতিত সহায় কৰে আৰু চৰ্বিয়ে পুষ্টি শোষণ আৰু হৰম’ন উৎপাদনত সহায় কৰে। কোষৰ কাৰ্য্য, ৰোগ প্ৰতিৰোধ ক্ষমতা, ৰোগ প্ৰতিৰোধৰ বাবে ভিটামিন আৰু খনিজ পদাৰ্থ গুৰুত্বপূৰ্ণ। আঁহে পাচনতন্ত্ৰ সুস্থ কৰি ৰাখে আৰু তেজত শৰ্কৰাৰ মাত্ৰা নিয়ন্ত্ৰণ কৰাত সহায় কৰে। বিভিন্ন ধৰণৰ পুষ্টিকৰ খাদ্য খালে শৰীৰে সকলো প্ৰয়োজনীয় পুষ্টিকৰ উপাদান সঠিক অনুপাতত পোৱাটো নিশ্চিত কৰে।