Breaking

বাইহাটা চাৰিআলিত তিনি তৰপীয়াকৈ ব্যৱসায়িক প্ৰতিষ্ঠান খোলাৰ অনুমতি

0 299

বাইহাটা চাৰিআলি

ক’ৰ’ণা ত্ৰাসৰ বাবে দেশত চলিছে এতিয়া তৃতীয় পৰ্যায়ৰ লকডাউন। এই লকডাউনত বৰ্তমান গ্ৰীন জ’নত থকা কামৰূপ জিলাৰ বাইহাটা চাৰিআলিত  ব্যৱসায়ী সন্থাৰ সহযোগ প্ৰশাসনে তিনি ৰঙৰ চিহ্ন ব্যৱহাৰ কৰি (এক তিতীয়াংশ ৰূপত) তিনি তৰপীয়াকৈ ব্যৱসায়িক প্ৰতিষ্ঠান খোলাৰ অনুমতি দিয়ে। বাইহাটা চাৰিআলিত থকা ফাৰ্মাচী, অত্যাৱশ্যকীয় খাদ্য সামগ্ৰীৰ দোকান গেলামাল বাদ দি অঞ্চলটোৰ সমূহ ব্যৱসায়িক প্ৰতিষ্ঠানৰ সন্মুখভাগত প্ৰশাসনে  ৰঙা, হালধীয়া, নীলা ৰঙৰ চিহ্ন ব্যৱহাৰ কৰে। চৰকাৰৰ নিৰ্দেশনা অনুষায়ী তৃতীয় পৰ্যায়ৰ ১৭ মে’লৈ দিয়া লকডাউনৰ সময়ছোৱাত এক তৃতীয়াংশ ৰূপত বাইহাটা চাৰিআলি অঞ্চলৰ ব্যৱসায়িক প্ৰতিষ্ঠানসমূহ স্থানীয় প্ৰশাসনৰ হৈ কমলপুৰ ৰাজহ চক্ৰ বিষয়া ড° অংকিতা শৰ্মা, বাইহাটা চাৰিআলি আৰক্ষী থানাৰ ভাৰপ্ৰাপ্ত বিষয়া ৰূপম হাজৰিকাই ৰঙা চিহ্ন ব্যৱহৃত মে’ মাহৰ ৬, ৯, ১২, ১৫ তাৰিখ, হালধীয়া চিহ্ন ব্যৱহৃত মে’ মাহৰ ৭, ১০, ১৩, ১৬ তাৰিখ আৰু নীলা চিহ্ন ব্যৱহৃত মে’ মাহৰ ৮, ১১, ১৪, ১৭ তাৰিখে খুলিব পাৰিব বুলি জানিবলৈ দিয়ে।