দলগাওৰ দিব্যাঙ্গ এজনী কণ্ঠ শিল্পী, পঢ়া কৰাৰ সমান্তৰালভাৱে অব্যাহত ৰাখিছে গীতৰ চৰ্চা

দৈনন্দিন বাৰ্তা সেৱা, দৰংঃ দৰং জিলাৰ খাৰুপেটিয়া আৰক্ষী থানাৰ অন্তৰ্গত নেতাজী নগৰৰ এগৰাকী দিব্যাঙ্গ কণ্ঠ শিল্পী শিল্পী সাহা। দুয়োটাই চকু অন্ধ শিল্পী গৰাকীৰ  কণ্ঠত  মন পৰশা গীত। এটি দৰিদ্ৰ পৰিয়ালত জন্ম গ্ৰহন কৰা পিতৃহীন শিল্পী সাহাই সৰুৰে পৰাই কৰি আহিছে সংগীতৰ চৰ্চা। উচ্চতৰ মাধ্যমিক উত্তীৰ্ণ সাহাই অসমৰ বিভিন্ন প্ৰান্তৰ মঞ্চত গীত পৰিবেশন কৰি সমাদৰ লাভ কৰিবলৈ সক্ষম হৈছে। কিন্তু আৰ্থিক ভাৱে দুৰ্বল দিব্যাংগ শিল্পীগৰাকীয়ে আজিলৈ পোৱা নাই কোনো চৰকাৰী সা-সুবিধা। সংগীত চৰ্চাৰে জীৱন অতিবাহিত কৰা সাহই ৰাজ্যৰ জনপ্ৰিয় কণ্ঠশিল্পী জুবিন গাৰ্গৰ সৈতে গান গোৱাৰ সপোন মনত পুহি ৰাখিছে।