তিনিচুকীয়াৰ জেষ্ঠ চিকিৎসক পি কে ৰ্শমাৰ কৰোনাত মৃত্যু ।

তিনিচুকীয়া : তিনিচুকীয়াৰ মেডিচিন বিভাগৰ জেষ্ঠ চিকিৎসক ডঃ পি কে ৰ্শমা আজি ডিব্ৰুগড় চিকিৎসা মহাবিদ্যালয়ত কৰোনা ৰোগত আক্ৰান্ত হৈ মৃত্যু হয়। তিনিচুকীয়াৰ গেলাপুখুৰী পথৰ নিবাসী চিকিৎসক গৰাকীয়ে দুদিন পূৰ্বে জ্বৰ আৰু কাঁহত ভুগি স্বাৱ টেষ্ট কৰিছিল। কৰোনা পজিটিভ হোৱাত চিকিৎসকগৰাকীৰ স্বাস্থ্য অবনতি ঘটাত কালি এ এম চি এইচলৈ প্ৰেৰণ কৰে। আন কেইবাটাও ৰোগত আক্ৰান্ত থকা চিকিৎসকগৰাকীয়ে তিনিচুকীয়াৰ ৰঙাগড়া পথত ব্যক্তিগত ফাৰ্মাচীত ৰোগীক চোৱা চিতা কৰি আছিল। ফাৰ্মাচীখনতে কোনো ৰোগীৰ চিকিৎসা কৰাৰ পিচতেই কৰোনা সংক্ৰমণ হোৱা বুলি তিনিচুকীয়াবাসীয়ে সন্দেহ প্ৰকাশ কৰিছে। জেষ্ঠ চিকিৎসক গৰাকীৰ কৰোনাত মৃত্যু হোৱাৰ পিছতে তিনিচুকীয়াৰ ৰাইজ আতংকিত হৈ পৰিছে।