চীনত ক’ৰোনাৰ পাছতে প্লেগৰ প্ৰাদুৰ্ভাৱ : লেভেল-থ্ৰী সতৰ্কবাৰ্তা জাৰি ৷

দৈনন্দিন বাৰ্তা ডেস্ক :

ক’ৰোনাৰ পৰা পৰিত্ৰাণ পোৱাৰ উপায় নোহোৱা সময়তে চীনত প্লেগৰ প্ৰাদুৰ্ভাৱ ৷ ক’ৰোনাৰ পাছতে বুব’নিক প্লেগে কঁপাইছে সেইখন দেশক ৷ এই পৰ্যন্ত দুজন ৰোগীৰ সন্ধান পোৱা গৈছে যদিও পৰিস্থিতি ইমান ভয়াৱহ হৈছে যে লেভেল-থ্ৰী সতৰ্কবাৰ্তা জাৰি কৰিবলৈ বাধ্য হৈছে চীন চৰকাৰ ৷ যদি ইয়াক ইমানতে বন্ধ কৰা নাযায় পাছত মহামাৰীৰ ৰূপ ল’লে উপায় নাথাকিব বুলি বিশেষজ্ঞসকলে জনাইছে৷ চীনৰ ৰাষ্ট্ৰীয় সংবাদ পত্ৰ পিপুলছ ডেইলী অনলাইনৰ তৰফৰ পৰা জনাইছে যে যোৱা শনিবাৰে বাৱান্নুৰৰ এখন চিকিৎসালয়ত প্লেগত আক্ৰান্ত হোৱাৰ ঘটনা ঘটিছে ৷ ইয়াৰ পাছতে প্ৰশাসনিক মহলত হৈ চৈৰ সৃষ্টি হয়৷ তাৰ পাছতে দেওবাৰে বাৱান্নুৰ আৰু মংগোলীয়া প্ৰদেশত লেভেল-থ্রী সতর্কবার্তা জাৰি কৰে ৷ চলিত ২০২০ চনৰ শেষ পৰ্যন্ত এই নির্দেশিকা জাৰি থাকিব ৷ আন এক সংবাদ প্ৰতিষ্ঠান জিনহুৱাৰ প্ৰতিবেদন মতে, পশ্চিম মংগোলীয়াৰ খোভদ প্ৰদেশত সম্প্ৰতি দুটা সম্ভাব্য বুব’নিক প্লেগ ৰোগীৰ সন্ধান পাইছে ৷ আক্ৰান্তৰ মাজত এজন ২৭ আৰু আনজন ১৭ বছৰীয়া৷ দুয়ো ককাই-ভাই৷ দুয়োকে চিকিৎসালয়ত ভৰ্ত্তি কৰা হৈছে ৷ তেওঁলোকৰ সংস্পৰ্শলৈ অহা আন ১৪৬ জনক চিহ্নিত কৰি আইচলেচন কৰা হৈছে ৷