Breaking

১৩৬ নং বেটেলিয়ন চি আৰ পি এফ বাহিনীৰ বৃক্ষৰোপন ।

0 1,196

দৈনন্দিন বাৰ্তাৰ সেৱা :

নলবাৰী : গুৰগ্ৰামস্থিত চি আৰ পি এফ বাহিনীৰ কাদৰপুৰ একাডেমীত আজি গৃহ মন্ত্ৰী অমিত শ্বাহে বৃক্ষৰোপন কৰে । আৰু সেইমৰ্মে দেশৰ বিভিন্ন প্ৰান্তত থকা চি আৰ পি এফ বাহিনীৰ সৈতে নলবাৰীৰ ১৩৬ নং বেটেলিয়ন চি আৰ পি এফ বাহিনীৰ নিজৰ মুখ্য কাৰ্যালয়ৰ উপৰিও জিলা খনৰ বিভিন্ন এলেকা সমূহত থকা চি আৰ পি এফ বাহিনীৰ চাউনীত বৃক্ষৰোপন কৰা হয় । বৃক্ষৰোপনৰ এই কাৰ্যসূচীৰ উদ্দেশ্য বাখ্যা কৰি ১৩৬ নং বেটেলিয়নৰ কামানডেন্ট পি চি চৌহানে কয় যে বৰ্তমান সময়ত বিশ্বত এতিয়া প্ৰকৃতিৰ ভাৰসাম্য দূষিত হৈ যায় আছে আৰু ইয়াৰ প্ৰভাৱ আমাৰ মানৱ জীৱনতো পৰিছে । এই কাৰ্যসূচীৰ উদ্দেশ্য অনুসৰি জনসাধাৰণৰ প্ৰকৃতিৰ প্ৰতি দায়িত্ব বঢ়োৱা, গ্লোৱেল ৱাৰ্মিং তথা জংঘল সমূহত কটাৰ ফলত ভৱিষ্যতে আহিব লগা বিপদ সমূহৰ পৰা অৱগত কৰোৱা, সৰ্বস্তৰৰ ৰাইজক যিমান পৰিমাণে সম্ভৱ হয় সেই অনুসৰি বৃক্ষৰোপন কৰিবলৈ প্ৰেৰণা তথা উৎসাহ জগোৱা, মানৱ জীৱনত স্বাস্থ্য আৰু সেউজীয়া পৰিবেশৰ মহত্ব বুজোৱা আৰু এই সকলোবোৰৰ কাৰণে জনসাধাৰণক সেউজীয়া পৰিবেশৰ প্ৰতি থকা নিজৰ নিজৰ দায়িত্ব সমূহ অৱলম্বন কৰোৱা । আজিৰ এই বৃক্ষৰোপন কাৰ্যসূচীত উপস্থিত ১৩৬ নং বেটেলিয়ন চি আৰ পি এফ বাহিনীৰ বিষয়ববীয়া সকলৰ লগতে প্ৰত্যেকজন চি আৰ পি এফ জোৱানে নিজৰ শ্ৰমদান কৰি বৃক্ষৰোপন কৰে ।

Leave A Reply