প্লাজমা দান ব্যক্তিক লায়ঞ্চ ক্লাবৰ সম্বৰ্ধনা জ্ঞাপন

অনলাইন বাৰ্তা : কৰোনা মহামাৰীৰ পৰা নিজে সুস্থ হৈ আন দুগৰাকী ব্যক্তিৰ জীৱন ৰক্ষাৰ ক্ষেত্ৰত এচাম ব্যক্তিয়ে প্লাজমা দান দি মহানুভৱতাৰ পৰিচয় দাঙি ধৰিছে ৷ তেনে এচাম ব্যক্তিক বাৰুকৈয়ে শলাগ লৈছে গুৱাহাটীৰ লায়ঞ্ছ ক্লাবে ৷ সোমবাৰে গুৱাহাটী মহানগৰীৰ হোটেল অৰনেটত অনুষ্ঠিত এক গাম্ভীৰ্যপূৰ্ণ অনুষ্ঠানত প্লাজমা দান ব্যক্তিক সম্বৰ্ধনা জনোৱা হয় ৷ লায়ঞ্ছ ক্লাবৰ সভাপতি নিৰুকাব্ৰাৰ পৌৰহিত্যত অনুষ্ঠিত হোৱা সভাখনত বিশিষ্ট অতিথি হিচাপে গুৱাহাটী উন্নয়ন মন্ত্ৰী সিদ্ধাৰ্থ ভট্টাচাৰ্য উপস্থিত থাকি কয় যে কভিড ১৯ পৰা নিজে সুস্থ হৈ আন দুগৰাকী কভিদ ৰোগীক জীৱন ৰক্ষাৰ বাবেই প্লাজমা দান কৰিলে, তেওঁলোক সচাকৈয়ে মানবীয়তাৰ সম্পূৰ্ণ নিদৰ্শন দাঙি ধৰিছে ৷ এই সকল ব্যক্তি মানৱ সমাজৰ এক আদৰ্শ স্বৰূপ ব্যক্তি বুলি উল্লেখ কৰে ৷ তেওঁ লগতে প্লাজমা দান কৰা ব্যক্তি সকলক ধন্যবাদ জ্ঞাপন কৰে৷ উল্লেখ্য যে অনুষ্ঠানত প্লাজমা দান কৰা ব্যক্তি ক্ৰমে হীৰকজ্যোতি দাস, ধৰ্মাকান্ত মেধি, মৃনাল দাস, দেৱশিষ পাল, ফাজুলুল কৰিম, তৰুণ কুমাৰ, সুৰুজ বাছফৰক সম্বৰ্ধনা জনোবা হয় ৷ সম্পাদক ৰুপা সাগৰ, উপদেষ্টা কমল জৈন অনুষ্ঠানত উপস্থিত থাকি প্লাজমা দান কৰা ব্যক্তি সকলক অশেষ ধন্যবাদ জ্ঞাপন কৰে ৷