ধুবুৰীত বান পৰিস্থিতি বুজ ল’লে প্রমিলাৰাণী ব্ৰহ্মই।

0 1,138

ধুবুৰী : ধুবুৰীত কালি বান পৰিস্থিতিৰ বুজ ল’লে সমাজ কল্যাণ বিভাগৰ মন্ত্ৰী প্ৰমীলাৰাণী ব্ৰহ্ম‌ই। বান পৰিস্থিতিয়ে ক্ৰমশঃ জটিল ৰূপ ধাৰণ কৰাত ধুবুৰীৰ দায়িত্বত থকা মন্ত্ৰী গৰাকীয়ে কালি জিলা প্ৰশাসন আৰু স্থানীয় বিধায়ক সকলকৰ সৈতে এখন গুৰুত্বপূৰ্ণ বৈঠকত মিলিত হয়। কালিৰ এই গুৰুত্বপূৰ্ণ বৈঠকখনত উপস্থিত থাকে স্থানীয় বিধায়ক সকল। মন্ত্ৰী ব্ৰহ্ম‌ই বানপীড়িত অঞ্চল ভ্ৰমণ কৰি জিলাখনত জলবন্দী হৈ ঘৰত ককবকাই থকা পৰিয়ালবোৰৰ বুজ লয়। পানী আৰু বাঢ়িলে তেনে পৰিয়ালবোৰ  নিশ্চিতভাৱে ভয়াৱহ পৰিস্থিতিৰ সন্মুখীন হ’ব বুলি মন্তব্য প্ৰকাশ কৰে। ৰাইজৰ এনে সংকটৰ সময়ত স্থানীয় বিধায়ক সকলক নিজৰ সমষ্টিত থাকি বানপীড়িতক সহায়-সহযোগিতা কৰিবলৈ আহ্বান জনায়। লগতে জিলা প্ৰশাসনক সদায় সজাগ থাকিবলৈ নিৰ্দেশ দিয়ে। আনহাতে বানপীড়িতক সাহায্য প্ৰদানৰ ক্ষেত্ৰতো জিলাখনত পৰ্যাপ্ত পৰিমাণৰ খাদ্যৰ লগতে পশু খাদ্য মজুত ৰখাৰ বাবে জিলা উপাযুক্তক নিৰ্দেশ দিয়ে।ইতিমধ্যে বানপানীত তিনিজনৰ মৃত্যু হোৱা বুলি জানিবলৈ দিয়ে মন্ত্ৰী গৰাকীয়ে।