পানেৰীত ওদালগুৰি জিলা যোগী সম্মিলনীৰ সংবাদমেল

টংলা :  অসম প্ৰাদেশিক যোগী সন্মিলনীৰ অনুমোদন প্ৰাপ্ত ওদালগুৰি জিলা যোগী সন্মিলনীয়ে ২১ আগষ্টত সভাৰ অন্তত এক সংবাদমেল সম্বোধন কৰি তেওঁলোকে লোৱা প্ৰস্তাৱ সমূহ সংবাদমেলত প্ৰকাশ কৰে। যোৱা ৭/৭/২০ তাৰিখৰ ওদালগুৰি জিলা যোগী সন্মিলনীৰ প্ৰস্তাৱ অনুসৰি ওদালগুৰি জিলা যোগী সন্মিলনীৰ কাৰ্যকাল সমাপ্ত হোৱাৰ হেতুকে ভংগ কৰা হয়। তাৰ পাছতো অসাংবিধানিক ভাবে সভাপতি, সম্পাদকে বিভিন্ন কাৰ্য্যকলাপত লিপ্ত থকাৰ উপৰিও শেহতীয়াভাৱে বৰপেটা ৰোডত অনুষ্ঠিত বি টি চি নাথ যোগী ছাত্র সন্থাৰ বিশেষ সাধাৰণ সভাত বিটিচি নাথ যোগী ছাত্র সন্থা পুনৰ গঠন কৰি নাথ যোগী ছাত্র সন্থাৰ অৰাজনৈতিক চৰিত্ৰৰ মৰ্যাদা হানি কৰাৰ লগতে নাথ যোগী সম্প্ৰদায়ৰ ঐতিহ্য কলংকিত কৰা কাৰ্য্যক তীব্র গৰিহণা দিয়ে ওদালগুৰি জিলা যোগী সন্মিলনীয়ে। লগতে বৰ্তমানৰ ওদালগুৰি জিলা নাথ যোগী ছাত্র সন্থাৰ সভাপতি ফুকন চন্দ্র নাথ আৰু সম্পাদক যতীন নাথৰ বিৰুদ্ধে অসম প্ৰাদেশীক যোগী সন্মিলনী আৰু সদৌ অসম নাথ যোগী ছাত্র সন্থাক তাৎক্ষণিক ব্যবস্থা গ্রহণৰ দাবী জনোৱাৰ লগতে ফুকন নাথ আৰু যতীন নাথক ওদালগুৰি জিলা যোগী সন্মিলনীৰ পৰা একেই সভাতে প্ৰাথমিক সদস্য পদৰ পৰা অব্যাহতি দিয়ে। অসম প্ৰাদেশীক যোগী সন্মিলনী আৰু সদৌ অসম নাথ যোগী ছাত্র সন্থাৰ মৰ্যাদা হানি কৰা কোনো কাৰ্য্যত যদি এই দুজন নেতা জড়িত থাকে তেনেহ’লে ওদালগুৰি জিলা যোগী সন্মিলনীৰ ফালৰ পৰা আইনী ব্যবস্থা গ্রহণ কৰা হব বুলিও সংবাদমেলত প্ৰকাশ কৰে ওদালগুৰি জিলা যোগী সন্মিলনীৰ সম্পাদক দন্দিৰাম নাথ আৰু ওদালগুৰি জিলা যোগী সন্মিলনীৰ প্ৰতিস্থাপক সম্পাদক বৰ্তমানৰ উপদেষ্টা পুষ্পৰাম নাথে।