ফিট ইণ্ডিয়া ম’ভমেণ্টৰ প্ৰথম বর্ষপূর্তিত প্ৰতিদিনে আধা ঘণ্টা শৰীৰ চৰ্চা কৰিবলৈ প্ৰধানমন্ত্ৰী নৰেন্দ্ৰ মোডীৰ পৰামৰ্শ

দৈনন্দিন বাৰ্তা ডেস্ক : ফিট ইণ্ডিয়া ম’ভমেণ্টৰ প্ৰথম বর্ষপূর্তি উপলক্ষে ‘ফিট ইণ্ডিয়া ডায়লগ’ শীর্ষক ভাৰ্চুৱেল অনুষ্ঠান আয়োজন কৰে কেন্দ্ৰই ৷ বৃহস্পতিবাৰে আয়োজিত সেই অনুষ্ঠানত দেশৰ খ্যাতনামা ক্রীড়াবিদ আৰু ফিটনেছ বিশেষজ্ঞৰ সৈতে বাৰ্তালাপ কৰে প্রধানমন্ত্রী নৰেন্দ্ৰ মোডীয়ে ৷ ‘ফিট ইণ্ডিয়া এজ এপ্ৰোপ্ৰিয়েট ফিটনেছ প্ৰট’কলছ’-এ অনুষ্ঠানটো আয়োজন কৰে ৷ কাশ্মীৰৰ উদীয়মান মহিলা গ’লকীপাৰ আফছানৰ পৰা বলীউডৰ অভিনেতা মিলিন্দ সুমন্দ, যোগগুৰু শিৱানন্দ সৰস্বতীৰ পৰা ভাৰতীয় ক্রিকেট দলৰ অধিনায়ক বিৰাট কোহলি, সাতজন খ্যাতনামা ক্রীড়াবিদ আৰু ফিটনেছ বিশেষজ্ঞৰ সৈতে বাৰ্তালাপ কৰি কিদৰে শৰীৰক সক্ষম কৰি ৰাখিব পাৰি এই বিষয়ে আলোচনা কৰে প্ৰধানমন্ত্ৰীয়ে ৷ ফিট ইণ্ডিয়া কৰ্মসূচী আৰম্ভ কৰাৰ বাবে প্ৰধানমন্ত্ৰীয়ে ভূয়সী প্রশংসা কৰে মিলিন্দ সুমন্দ আৰু বিৰাট কোহলিক ৷ ইয়াৰ ফলত তেওঁলোকে প্রাচীন সংস্কৃতি আৰু ঐতিহ্যক সমগ্ৰ বিশ্বত তুলি ধৰিছে বুলি উল্লেখ কৰে ৷ অনুষ্ঠানৰ শেষত এই প্ৰসংগত মন্তব্য কৰে স্বাস্থ্য ঠিক থাকিলে সকলো ঠিক থাকিব বুলি উল্লেখ কৰে মোডীয়ে ৷ কৰ’নাৰ মাজতে দেশজুৰি শাৰীৰিক সক্ষমতা বঢ়োৱাৰ বাবে ভাৰতবাসীৰ যি চেষ্টা চলিছে তাৰ ভূয়সী প্রশংসা কৰে৷ বয়স্ক লোকক সুস্থ ৰখাৰ বাবে যুৱ সম্প্রদায়ে যিদৰে তেওঁলোকৰ শাৰীৰিক সক্ষমতা বঢ়োৱাত উৎসাহিত কৰিছে তাকো উল্লেখ কৰে ৷ শাৰীৰিক শক্তি বৃদ্ধি পালে মানসিক জোৰ বাঢ়ে বুলিও কয় প্ৰধানমন্ত্ৰীয়ে৷ বিবেকানন্দৰ বাণী উদ্ধৃতি দি মোডীয়ে কয়, ‘স্বামী বিবেকানন্দই কৈছিল শক্তি মানে জীৱন আৰু দুৰ্বলতাৰ অৰ্থ মৃত্যু। শাৰীৰিক সক্ষমতা বঢ়োৱাৰ বাবে প্ৰতিজন মানুহে সময় দিয়া উচিত ৷ ভাৰতৰ নাগৰিকসকলে এই পথ অনুসৰণ কৰি সমগ্ৰ বিশ্বৰ আগত নজিৰ সৃষ্টি কৰিছে ৷ কৰ’না মহামাৰীৰ সৈতে যুঁজত ভাৰতীয়ৰ আগত থাকি নেতৃত্ব দিছে৷ মই সকলোকে কও ফিটনেছ ড’জ আধা ঘণ্টা এই মন্ত্ৰটো মনত ৰখা ৷ প্ৰতিদিনে যদি ৩০ মিনিট শাৰীৰিক সক্ষমতা বঢ়োৱাৰ বাবে সময় ব্যয় কৰা হয়৷ তেতিয়া সকলো শক্তিশালী হৈ উঠিব ৷