প্ৰয়াত প্ৰিয়ংকা বড়োৰ পিতৃক ৪ লাখ টকাৰ সাহৰ্য্য প্ৰদান মন্ত্ৰী সিদ্ধাৰ্থ ভট্টাচাৰ্যৰ ৷

0 1,018

আৰ্থিক অনুদানৰ পত্ৰ খাৰঘুলি হিড়িম্বাপুৰত যোৱা ২৮ জুনত সংঘটিত ভুমিস্খলনৰ ঘটনাত নিহত হোৱা গুৱাহাটী কলেজৰ মেধাবী ছাত্ৰী প্ৰিয়ংকা বড়োৰ পিতৃ কুশল বড়ো চৌধুৰীক সোমবাৰে অসম চৰকাৰৰ তৰফৰ পৰা ৪ লাখ টকাৰ সাহৰ্য্য প্ৰদান কৰা হয়৷ কামৰুপ মহানগৰ জিলা প্ৰশাসন তথা গুৱাহাটী ৰাজহ বিভাগৰ বিষয়ববীয়াৰ উপস্থিতিত গুৱাহাটী উন্নয়ন মন্ৰী সিদ্ধাৰ্থ ভট্টাচাৰ্যই নৃত্য শিল্পী গৰাকীৰ  বিয়োগত যথেষ্ট দুখ প্ৰকাশ কৰাৰ লগতে শোকসমপ্ত পৰিয়ালবৰ্গলৈ গভীৰ সমবেদনা জনায়৷ সোমবাৰে শিল্পী গৰাকীৰ বাসগৃহত আদ্যশ্ৰাদ্ধ অনুষ্ঠানত পূৱ গুৱাহাটী সমষ্টিৰ বিধায়ক তথা গুৱাহাটী উন্নয়ন মন্ৰী সিদ্ধাৰ্থ ভট্টাচাৰ্য গুৱাহাটী ৰাজহ চক্ৰ বিষয়া আদিত্য গগৈসহ কেইবাগৰাকী বিষয়াৰ উপস্থিত হৈ প্ৰিয়ংকা বড়োৰ পিতৃ কুশল বড়ো চৌধুৰীৰ হাতত ৪ লাখ টকাৰ আৰ্থিক অনুদান পত্ৰ প্ৰদান কৰে৷ উল্লেখ্য যে কিছু দিন পূৰ্বে মন্ৰীগৰাকীয়ে প্ৰিয়ংকা বড়োৰ বাসগৃহত উপস্থিত হৈ ব্যক্তিগতভাৱে নগদ দহ হেজাৰ টকা আৰ্থিক অনুদান হিচাপে আগবঢ়ায় ৷