Breaking

ড্ৰাগছৰ বিৰুদ্ধে ৰাইজৰ প্ৰতিবাদ।

0 1,043

দৈনন্দিন বাৰ্তা ডেস্ক :

ড্ৰাগছ সেৱন কৰি নিঃশেষ হ’ব ধৰিছে যুৱ সমাজ। হাট-বজাৰ, গলি পথত বিক্ৰী হয় ড্ৰাগছ। ড্ৰাগছ বিক্ৰেতাৰ বিৰুদ্ধে মাত মাতিলে নিশ্চিত মৃত্যু। ড্ৰাগছ বেপাৰিৰ বিৰুদ্ধে স্মাৰক পত্ৰ দিব আহি কান্দিলে পিতৃয়ে। কৰিমগঞ্জ জিলাৰ পাথাৰকান্দি ড্ৰাগছ বেপাৰৰ কৰিডোৰ। চুবুৰীয়া ৰাজ্য ত্ৰিপুৰাত দুই এদিন অন্তৰ অন্তৰ লাখ লাখ টকাৰ ড্ৰাগছ জব্দ হ’লেও পাথাৰকান্দি আৰক্ষী এই ক্ষেত্ৰত সম্পূৰ্ণ নিৰ্লিপ্ত। অথচ কৰিমগঞ্জ জিলাৰ পাথাৰকান্দিৰ উপৰেদি ত্ৰিপুৰাত সৰবৰাহ হয় ড্ৰাগছ। পাথাৰকান্দিৰ কাবাৰিবন্দ, নয়াডহৰ, ডেঙাৰবন্দ পৰা আৰম্ভ কৰি সৰ্বত্ৰে সুলভ ড্ৰাগছ। অথচ ড্ৰাগছ বেপাৰীৰ বিৰুদ্ধে মাত মাতিব নোৱাৰে। কাৰণ ড্ৰাগছ বেপাৰীৰ ক্ষমতা ইমানে বেছি যিয়ে মাত মাতিব তাকে দিনতে হত্যা কৰিবলৈ কুন্ঠাবোধ নকৰে বুলি কয় অভিভাৱকে। ড্ৰাগছ আসক্ত পুত্ৰৰ অভিভাৱক সকলে পাথাৰকান্দি চক্ৰ বিষয়াৰ কাৰ্যালয়ত অভিযোগ জনাব আহি কান্দুনত ভাগি পৰে এগৰাকী পিতৃয়ে কয়, আজিকালি পান দোকান, চাহৰ দোকান, ভাতৰ হোটেলত ৰমৰমীয়া ড্ৰাগছৰ বেহা চলিলেও নীৰৱ দৰ্শক পাথাৰকান্দি আৰক্ষী। পাথাৰকান্দিত চক্ৰ বিষয়াৰ হাতত ড্ৰাগছ বেপাৰীৰ কেইটামান নাম উল্লেখ কৰিলেও কেমেৰাৰ আগত নাম উল্লেখ কৰিবলৈ সাহস গোটাব পৰা নাই ভুক্তভোগী অভিভাৱক সকলে।

Leave A Reply