ৰঙিয়া মহকুমা প্ৰশাসনৰ নিৰ্বাচনী তৎপৰতা,নিন্মতম সুবিধা উপলব্ধ কৰাৰ অংগীকাৰ

আগন্তুক নিৰ্বাচনৰ প্ৰতি লক্ষ্য ৰাখি জিলা নিৰ্বাচনী বিষয়া তথা ৰঙিয়াৰ মহকুমাধিপতি(অ) শ্ৰী স্বপ্নীল পাল,আইএএচ ৰ পৌৰহিত্যত এখন গুৰুত্ব পূৰ্ণ সভা অনুষ্ঠিত হয়। ৰঙিয়া মহকুমাধিপতি  কাৰ্যালয়ৰ সভাকক্ষত অনুষ্ঠিত সভাখনত আগন্তুক বিধানসভা নিৰ্বাচনৰ সযয়ত প্ৰতিটো বুথত নিন্মতম সা-সুবিধা যেনে পুৰুষ মহিলা উভয়ৰে বাবে পৃথক প্ৰচাবগাৰ,শৌচাগাৰ,খোৱাপানী, পৰ্যাপ্ত ফাৰ্ণিচাৰ,পোহৰ,ডাইচ ইত্যাদি ব্যৱস্থা নিশ্চিতভাৱে উপলব্ধ কৰাৰ উদ্দেশ্যেৰে বিশদভাৱে আলোচনা কৰা হয় । উক্তসভাত উপস্থিত থাকে গোৰেশ্বৰৰ ৰাজহ চক্ৰ বিষয়া জোনটি ডেকা, ৰঙিয়া ৰাজহ চক্ৰ বিষয়া চন্দন বৰগোহাই,কমলপুৰ ৰাজহ চক্ৰ বিষয়া ডঃঅংকিতা শৰ্মাৰ লগতে গড়কাপ্তানি,বিদ্যুত,জনস্বাস্থ্য কাৰিকৰী বিভাগৰ অভিযন্তাসকল আৰু ৰঙিয়া মহকুমাৰ অন্তৰ্গত ৰঙিয়া,কমলপুৰ,বিহদিয়া-জাজিকোণা,কৰাৰা,তামুলপুৰ উন্নয়ন খণ্ডৰ খণ্ড উন্নয়ন বিষয়াকে ধৰি নিৰ্বাচনী দায়িত্বত থকা বিভিন্ন বিভাগৰ কৰ্মচাৰী সকল ।