এজন, দুজন নহয় ৭ গৰাকী শীৰ্ষ দক্ষিণৰ পৰিচালকৰ সৈতে আলোচনা ৰণবীৰ সিঙৰ! অতিসোনকালে দক্ষিণৰ ছবিত ভুমুকি মাৰিব ৰণবীৰে…

শেহতীয়া খবৰ অনুসৰি ৰণবীৰ সিং এতিয়া দক্ষিণৰ ছবিৰ প্ৰতি আগ্ৰহী। ইয়াৰ বাবে তেওঁ এজন বা দুজন নহয় ৭ জন শীৰ্ষ দক্ষিণ পৰিচালকক লগ কৰি কথা পাতিব। সঞ্জয় লীলা ভাঞ্চালীৰ ছবি ‘বাইজু বাৱৰা’ৰ বাবে কিছুদিন ধৰি শিৰোনাম দখল কৰিছিল অভিনেতা ৰণবীৰ সিঙে। শেহতীয়া খবৰ অনুসৰি কিছুদিন ধৰি ‘বাইজু বাৱৰা’ক স্থগিত ৰখাৰ লগতে সঞ্জয় লীলা ভাঞ্চালীয়ে আলিয়া, ৰণবীৰ আৰু বিকিৰ সৈতে তেওঁৰ নতুন ছবিৰ কথা ঘোষণা কৰিছে। এই সকলোবোৰৰ মাজতে ৰণবীৰ সিঙৰ সন্দৰ্ভত এক নতুন খবৰ ওলাইছে। কোৱা হৈছে যে ৰণবীৰ সিঙে দক্ষিণৰ চলচ্চিত্ৰ উদ্যোগৰ শীৰ্ষ পৰিচালকৰ সৈতে কাম কৰাৰ পৰিকল্পনা কৰিছে।

এক প্ৰতিবেদন অনুসৰি ৰণবীৰ সিঙে দক্ষিণ দিশলৈ যোৱাৰ পৰিকল্পনা কৰিছে। প্ৰতিবেদন অনুসৰি ৰণবীৰ সিঙে ইতিমধ্যে বহুতৰে সৈতে আলোচনা আৰম্ভ কৰিছে। কোৱা হৈছে যে ৰণবীৰ সিঙৰ তালিকাত ‘জৱান’ৰ পৰিচালক এটলীৰ নাম শীৰ্ষত আছে। কেৱল এয়াই নহয়, জেইলাৰৰ নিৰ্মাতা নেলছনকো কেইবাবাৰো লগ পাইছে ৰণবীৰে।

হয়তো অতি সোনকালে দক্ষিণৰ ছবিত ভুমুকি মাৰিব বলিউদৰ জনপ্ৰিয় অবিনেতা ৰনবীৰ সিঙে।