Breaking

টংলাৰ বৰজলাহত বিৰল প্ৰজাতিৰ কাছ উদ্ধাৰ : দৰঙৰ ঐতিহাসিক খটৰা সত্ৰৰ পুখুৰীত এৰি দিয়ে স্থানীয় ৰাইজ আৰু টংলা আঞ্চলিক ছাত্র সন্থাই

0 1,387

টংলা, ১১ অক্টোবৰ : ওদালগুৰি জিলাৰ ভেৰগাঁৱ মহকুমাৰ অন্তৰ্গত টংলাৰ বৰজলাহত ৰবিবাৰে এটা ২৫-৩০ কেজি ওজনৰ বিৰল প্ৰজাতিৰ কাছ উদ্ধাৰ কৰে স্থানীয় ৰাইজে। হুদুমা নদীৰ পানী বৃদ্ধি হোৱাৰ ফলত গাৱঁৰ ৰাইজে পানী যাবলৈ ৰবিবাৰে এৰি দিছিল চুইচ গেট আৰু চুইচ গেটৰ পানী এৰি দিয়াত স্থানীয় ৰাইজে মাছ মাৰিবলৈ যাওতে পৰিলক্ষিত কৰে এই বিৰল প্ৰজাতিৰ কাছতো। স্থানীয় যুৱক আৰু বৰজলাহ আঞ্চলিক ৰাইজৰ সহযোগত প্ৰায় অৰ্ধ শতাধিক লোকে আপ্রাণ চেষ্টা কৰে কাছটো উদ্ধাৰৰ বাবে আৰু অবশেষত কাছটো উদ্ধাৰ কৰে। উদ্ধাৰ হোৱা কাছতোৰ ওজন প্ৰায় ২৫-৩০ কেজি বুলি অনুমান কৰিছে ৰাইজে। কাছতো উদ্ধাৰ কৰি বৰজলাহ শিৱ মন্দিৰলৈ লৈ গৈ টংলা আঞ্চলিক ছাত্র সন্থাৰ বিষয়ববীয়াক খবৰ দিয়ে স্থানীয় যুৱক সকলে আৰু টংলা আঞ্চলিক ছাত্র সন্থাৰ বিষয়ববীয়া সকল উপস্থিত হৈ কাছটো উদ্ধাৰ হোৱাৰ কথা টংলা বন বিভাগৰ বিষয়াক জনাই। টংলা বন বিভাগৰ বিষয়া উপস্থিত হোৱাৰ পাছত টংলা আঞ্চলিক ছাত্র সন্থাৰ বিষয়ববীয়া আৰু স্থানীয় ৰাইজে আলোচনা কৰি তেওঁলোকে উদ্ধাৰ কৰা কাছটো দৰঙৰ ঐতিহাসিক খটৰা সত্ৰৰ পুখুৰীত এৰি দিয়াৰ বাবে সিদ্ধান্ত গ্ৰহণ কৰে আৰু বৰজলাহৰ স্থানীয় যুৱক আৰু টংলা আঞ্চলিক ছাত্র সন্থাৰ এটি দলে গৈ খটৰা সত্ৰৰ পুখুৰীত এৰি দিয়ে কাছটো।

Leave A Reply