টীয়কৰ পথৰ দাঁতিত পৰি থকা আঘাতপ্ৰাপ্ত ব্যক্তি উদ্ধাৰ : চিকিৎসালয়লৈ প্ৰেৰণ

টীয়ক

টীয়ক আৰক্ষী থানাৰ অন্তৰ্গত হাঁহচৰাৰ সমীপত ৩৭ নং ৰাষ্ট্ৰীয় ঘাই পথৰ কাষত পুৱা এজন ব্যক্তি মূৰ্মুৰ্ষ অৱস্থাত পৰি থকা ঘটনাই চাঞ্চল্য সৃষ্টি কৰিছে৷ মুখ মণ্ডলত আঘাতৰ চিন থকা ব্যক্তিজন পথৰ কাষত পৰি থকা প্ৰত্যক্ষ কৰি পথচাৰীয়ে আৰক্ষীক খবৰ দিয়াত আৰক্ষী ঘটনাস্থলীত উপস্থিত হৈ পৰি থকা ব্যক্তিজনক ১০৮ এম্বুলেঞ্চেৰে টীয়ক এফ আৰ ইউলৈ প্ৰেৰণ কৰে৷ কি পৰিস্থিতিত ব্যক্তিজন এনেদৰে আঘাতপ্ৰাপ্ত হৈ পথৰ দাঁতিত পৰিল সেয়া জানিব পৰা হোৱা নাই যদিও কোনো বাহনে ব্যক্তিজনক খুন্দিওৱাৰ সন্দেহ কৰিছে৷ এই বাতৰি যুগুত কৰা লৈকে ব্যক্তিজন চিনাক্ত হোৱা নাই৷