ভাৰতীয় ৰিজাৰ্ভ বেংকে ২০২৩ চনৰ ফেব্ৰুৱাৰী মাহত ৩ টন সোণ ক্ৰয় কৰিছে আৰু আৰ বি আইৰ সৈতে সোণৰ মজুত ৭৯০.২ টনলৈ বৃদ্ধি পাইছে। বিশ্ব সোণ পৰিষদৰ উদ্ধৃতিৰে তথ্য পোহৰলৈ আহিছে।
বিশ্ব সোণ পৰিষদৰ তথ্য অনুসৰি আৰ বি আইৰ এই ক্ৰয়ৰ পিছত এতিয়া বিশ্বৰ ৮ শতাংশ সোণৰ মজুত ভাৰতৰ হাতত। তথ্য অনুসৰি ২০২২ চনৰ প্ৰথম ত্ৰৈমাসিকত ভাৰতত মুঠ ৭৬০.৪২ টন সোণ আছিল। দ্বিতীয় ত্ৰৈমাসিকৰ শেষত ৭৬৭.৮৯ টন, তৃতীয় ত্ৰৈমাসিকৰ শেষত ৭৮৫.৩৫ টন আৰু ২০২২ চনৰ চতুৰ্থ ত্ৰৈমাসিকৰ শেষত ৭৮৭.৪০ টন মজুত আছিল। অৰ্থাৎ যোৱা এবছৰত আৰ বি আইয়ে প্ৰায় ৩০ টন সোণ ক্ৰয় কৰিছে।
গ্লোবেল টেনচনৰ বাবে গ্ল’বেল ফাইনেন্সিয়েল মাৰ্কেটত হোৱা উত্তাল পৰিস্থিতিৰ প্ৰতি লক্ষ্য ৰাখি আৰ বি আইয়ে উন্নত লাভ আৰু নিৰাপদ বিনিয়োগৰ বাবে সোণৰ প্ৰচণ্ড ক্ৰয় কৰিছে। ২০২০ চনৰ জুন মাহৰ পৰা ২০২১ চনৰ মাৰ্চ মাহৰ ভিতৰত আৰ বি আইয়ে ৩৩.৯ টন সোণ ক্ৰয় কৰিছিল। ২০২১-২২ চনত আৰ বি আই প্ৰায় দুগুণ হৈছে অৰ্থাৎ ৬৫ টন সোণ। ২০২০ চনৰ এপ্ৰিলৰ পৰা ২০২২ চনৰ ছেপ্টেম্বৰৰ ভিতৰত আৰ বি আইয়ে ১৩২.৩৪ টন সোণ ক্ৰয় কৰিছে। একে সময়তে ভাৰতীয়ৰ হাতত প্ৰায় ২৫ হাজাৰ টন সোণ আছে।