Breaking

বেবেজীয়া জুনিয়ৰ কলেজৰ সাফল্যত উৎফুল্লিত অঞ্চলবাসী ।

0 1,117

নগাঁও : নগাঁও জিলাৰ বেবেজীয়াৰ অন্যতম অগ্ৰণী শিক্ষানুষ্ঠান বেবেজীয়া জুনিয়ৰ কলেজে  সদ্যঘোষিত উচ্চতৰ মাধ্যমিক চূড়ান্ত বৰ্ষৰ পৰীক্ষাত সন্তোষজনক ফলাফল প্ৰদৰ্শন কৰিবলৈ সক্ষম হোৱাত শিক্ষানুষ্ঠানখনৰ লগতে স্থানীয় ৰাইজৰ মাজত সন্তুষ্টি লাভ কৰিছে ৷ জানিব পৰা মতে, এইবাৰ শিক্ষানুষ্ঠানখনৰ পৰা উচ্চতৰ মাধ্যমিক চূড়ান্ত বৰ্ষৰ কলা শাখাত অৱতীৰ্ণ হোৱা সৰ্বমুঠ ১১১ গৰাকী ছাত্ৰ-ছাত্ৰীৰ ভিতৰত ১০৬ গৰাকীয়ে সুখ্যাতিৰে উত্তীৰ্ণ হৈছে ৷ উত্তীৰ্ণৰ হাৰ হৈছে ৯৫.৪৯ শতাংশ ৷ ঘোষিত ফলাফলত ৩৭ গৰাকীয়ে প্ৰথম বিভাগত উত্তীৰ্ণ হৈছে ৷ ইয়াৰে ৬০-৭০ শতাংশ নম্বৰ পাই ২৬ গৰাকী, ৭০-৮০ শতাংশ নম্বৰ পাই ৭ গৰাকী আৰু ৮০-৯০ শতাংশ নম্বৰ পাই ৪ গৰাকীয়ে কৃতকাৰ্যতা লাভ কৰিবলৈ সক্ষম হৈছে ৷ তদুপৰি উত্তীৰ্ণ ছাত্ৰ-ছাত্ৰীসকলৰ ভিতৰত ১৬ গৰাকীয়ে অসমীয়া, ১৩ গৰাকীয়ে তৰ্কশাস্ত্ৰ আৰু দৰ্শন, ১০ গৰাকীয়ে শিক্ষা, ৭ গৰাকীয়ে ভূগোল, ৪ গৰাকীয়ে ৰাজনীতি বিজ্ঞান আৰু ২ গৰাকীয়ে ইংৰাজী বিষয়ত লেটাৰ মাৰ্ক অৰ্জন কৰিবলৈ সমৰ্থ হৈছে ৷ কাজেই, শিক্ষানুষ্ঠানখনৰ এনে সফলতাত উৎফুল্লিত হৈ পৰা স্থানীয় ৰাইজ তথা অভিভাৱকসকলে অধ্যক্ষৰ লগতে সমূহ শিক্ষক-শিক্ষয়িত্ৰী আৰু কৰ্মচাৰীক কৃতজ্ঞতা জনাইছে ৷