বাৰিষাই ভাঙি পেলোৱা এখন বাঁহৰ দলঙে জীয়াতু ভুগাইছে অঞ্চল বাসীক : নাঁও ডুবি কথমপি জীৱন ৰক্ষা এজনৰ

0 1,102

মহুৰামুখ : বোকাখাত বিধান সভা সমষ্টিৰ মহুৰামুখৰ বংকোৱাল-নেঘৰিটিং মথাউৰিৰ সমিপৰ দিচৈ সুতিৰ ওপৰৰ এখন বাহঁৰ দলঙে জীয়াতু ভুগাইছে অফলা, কেমেৰি, ৰোহিতাকে ধৰি কেইবাখনো গাঁৱৰ ৰাইজক৷স্বাধীনতা ৭৩ টা বছৰৰ পিছতো পকীকৰণৰ কথাটো বাদেই আনকি কাঠৰ দলঙলৈও উন্নিত নোহোৱা উক্ত অফলৰ বাঁহৰ দলংখন বছৰৰ পিছত বছৰ ৰাইজৰ গাঁঠিৰ ধন ভাঙি নিৰ্মাণ কৰি আহিছে৷মাজে সময়ে খণ্ড উন্নয়ন বিভাগ অথবা পঞ্চায়তে নিৰ্মাণ কৰি দিয়ে যদিও এটা বাৰিষা আহিলেই উটুৱাই লৈ যায় ফলত আকৌ ৰাইজেই বাঁহ,টকা আদি তুলি মেলি পুনৰ নিৰ্মাণ কৰিব লগা হয়৷সমগ্ৰ অঞ্চলতোৰ এক মাত্ৰ আৰু অতি গুৰুত্বপূৰ্ণ এই দলংখন পকী কৰণৰ বাবে ৰাইজে বিধায়ক,সাংসদ তথা মন্ত্ৰীক বাৰে বাৰে লগ কৰি আবেদন নিবেদন কৰাৰ পিছতো গুৰুত্ব প্ৰদান কৰা নাই কোনো এখন চৰকাৰে৷১৫ টা বছৰ শাসনত থকি উন্নয়নৰ ধ্বজা উৰুৱা চৰকাৰ খনৰ প্ৰতিশ্ৰুতি বোৰ মিছা বুলি প্ৰমাণ হোৱাৰ পিছত পৰিৱৰ্তনৰ শ্ল’গান লৈ অহা মিত্ৰজোঁটৰ চৰকাৰ খনক অঞ্চল বাসীয়ে হিয়া উজাৰি ভোট প্ৰদান কৰাৰ আজি চাৰিটা বছৰ অতিক্ৰম কৰাৰ পিছতো অঞ্চলতোৰ মুল সমস্যাৰ এই দলংখনকে নিৰ্মাণৰ পদক্ষেপ নোলোৱাৰ এই বিষয়টোৱে গঁঞা ৰাইজে আকৌ এবাৰ মিছা প্ৰতিশ্ৰুতিৰ টুপি পিন্ধোৱ কথাটো অনুধাৱন কৰিছে৷ইফালে প্ৰথমতো বানতে আংশিক ভাবে ভাগি পৰা দলংখন বোকাখাত মহকুমাৰ মহকুমাধিপতি বিবেক শ্যামৰ তৎপৰতাত মেৰামতি কৰা হৈছিল যদিও দ্বিতীয়তো বানে উটুৱাই নিছিল৷দ্বিতীয় বানৰ পিছত ৰাইজে যেনে তেনে পাৰ হব পৰা ব্যৱস্থা কৰিছিল যদিও তৃতীয়তো বানে এইটোও উটুৱাই নিয়ে৷বাৰিষাৰ সময়ত সমগ্ৰ অঞ্চলতোৰ ৰাইজৰ পশু ধন নেঘেৰিটিং-বংকোৱাল মথাউৰিতে ৰাখিব লগা হোৱাৰ বাবে অতিকৈ প্ৰয়োজনীয় হৈ পৰে যদিও বৰ্তমান দলংখন উটুৱাই নিয়াৰ বাবে এখন টুলুঙা নাঁওৰেই পাৰাপাৰ হব লগা হৈছে ৰাইজ৷অন্যহাতে যোৱা ২৩ জুলাই দিনা উক্ত নাঁওখনেৰে পাৰ হওঁতে নাঁও ডুবি আকাশ কাৰ্ডং নামৰ এজন ১৪ বছৰীয়া কিশোৰ কথমপি প্ৰান ৰক্ষা পৰিছিল৷এতিয়া উক্ত দলংখনক লৈ স্হানীয় বিধায়ক তথা মন্ত্ৰী অতুল বৰাৰ লগতে অন্য দলসমূহে নিৰ্বাচনৰ আগমুহূৰ্তত কেনে প্ৰতিশ্ৰুতি দিয়ে সেইয়া লক্ষনীয় হব ৷