১৫ জুলাইত চিবিএছই, আইচিএছইৰ দশম-দ্বাদশ শ্ৰেণীৰ পৰীক্ষাৰ ফলাফল ।
দৈনন্দিন বাৰ্তাৰ ডেস্ক :
চিবিএছই আৰু আইচিএছইৰ দশম আৰু দ্বাদশ শ্ৰেণীৰ পৰীক্ষাৰ ফলাফল অহা ১৫ জুলাইত ঘোষণা কৰা হ’ব ৷ শুকুৰবাৰে এই কথা জনালে উচ্চতম ন্যায়ালয়ে ৷ এই পৰীক্ষা ফলাফলৰ সময়ত নম্বৰ দিয়াৰ বিষয়ে বিশেষ কেতবোৰ পদ্ধতি মানি চলা হ’ব ৷ গড় নম্বৰত সন্তুষ্ট নহ’লে পুনৰ পৰীক্ষাৰ বাবে পৰীক্ষাৰ্থীয়ে আবেদন কৰিব পাৰিব ৷ তিনিটা বেছি বিষয়ৰ পৰীক্ষা বেষ্ট অব থ্ৰী হিচাপে গড় নম্বৰ দিয়া হ’ব৷ বাকী বিষয়ৰ নম্বৰ আহিব বেষ্ট অব থ্ৰীৰ গড় নম্বৰত ৷ এটা পৰীক্ষা দিলে আগৰ পৰীক্ষাৰ ভিত্তিত হ’ব মূল্যায়ন। তাৰ লগট যোগ হ’ব প্ৰেক্টিকেল পৰীক্ষাৰ গড় নম্বৰ৷ আনহাতে জুলাইত আইচিএছচি, আইএছচি আৰু চিবিএছইৰ দশম, দ্বাদশ শ্ৰেণীৰ পৰীক্ষা বাতিল কৰে৷ এই কথা উচ্চতম ন্যায়ালয়ক জনোৱা হয় ৷ উল্লেখ্য যে লকডাউন উঠি যোৱাৰ পাছত ১ জুলাইৰ পৰা ১৫ জুলাইৰ ভিতৰত বাকী পৰীক্ষা অনুষ্ঠিত কৰাৰ কথা চিবিএছইয়ে বিজ্ঞপ্তি যোগে জনায় ৷ ইয়াৰ পাছতে ছাত্ৰ-ছাত্ৰীৰ মাজত বিভ্রান্তিৰ সৃষ্টি হয় ৷ যিহেতু বিভিন্ন ৰাজ্যত ক’ৰোনা পৰিস্থিতি বিভিন্ন৷ লকডাউন উঠি গ’লেও ক’ৰোনাৰ সংক্ৰমণ দেশজুৰি তীব্ৰ হৈ আছে৷ শিক্ষাৰ্থীৰ নিৰাপত্তাৰ কথা ভাবি এই মুহূৰ্তত পৰীক্ষা স্থগিত ৰখা হ’বনে বুলি একাংশ অভিভাৱকে উচ্চতম ন্যায়ালয়ত প্ৰশ্ন কৰে ৷ যোৱা ১৮ জুনত এই বিষয়ে চিবিএছইৰ চূড়ান্ত সিদ্ধান্ত ল’বলৈ উচ্চতম ন্যায়ালয়ে এসপ্তাহৰ সময় দিয়ে৷ পৰৱৰ্তী শুনানিত ভিডিঅ’ কনফাৰেন্স যোগে ন্যায়াধীশ এ এম খানউইলকৰ, ন্যায়াধীশ দীনেশ মহেশ্বৰী আৰু ন্যায়াধীশ সঞ্জীব খান্নাৰ বিচাৰপীঠে পৰীক্ষাৰ সিদ্ধান্তৰ বিষয়ে কেন্দ্ৰৰ পৰা জানিব বিচাৰে৷ ছলিচিটৰ জেনেৰেলে জনোৱা মতে এক বিশেষজ্ঞ সমিতিৰ দ্বাৰা পৰিস্থিতি পর্যালোচনা কৰি চাইছে৷ ইয়াৰ পাছত বৃহস্পতিবাৰে দিনৰ ২ বজা পৰ্যায়ৰ চূড়ান্ত সিদ্ধান্ত জনোৱাৰ বাবে সময় দিয়ে৷ ইয়াৰ পাছতে উচ্চতম ন্যায়ালয়ে স্পষ্টকৈ জনায় যে চিবিএছই আৰু আইচিএছই পৰীক্ষা বাতিল কৰা হৈছে ৷