ধূলাত অসম গ্ৰামীণ বিকাশ বেংকত ডকাইতি । নগদ ধন নিয়াত ব্যৰ্থ ডকাইতৰ দল ।

দলগাও : দৰঙৰ ধূলাস্হিত অসম গ্ৰামীণ বিকাশ বেংক শাখাত সংঘটিত হয় এক ডকাইতি কান্ড । ঘটনা সম্পৰ্কে জানিব পৰা মতে ডকাইতৰ দলে শুক্ৰবাৰে নিশা ধাৰাসাৰ বৰষুণৰ মাজতেই ধূলাৰ অসম গ্ৰামীণ বিকাশ বেংকৰ দুৱাৰৰ তলা ভাঙি ভিতৰত প্ৰবেশ কৰি দুটাকৈ আলমাৰী আৰু ষ্ট্ৰং ৰুমৰ তলা ভাঙে আৰু বিভিন্ন নথিপত্ৰ ও অন্যান্য সা-সামগ্ৰী থানবান কৰি অভিযান চলায় যদিও দলটোৱে নগদ ধন নিবলৈ ব্যৰ্থ হয় । ঘটনাৰ খবৰ পাই দৰং জিলাৰ অতিৰিক্ত আৰক্ষী অধীক্ষক উজ্জ্বল প্ৰতিমা বৰুৱাৰ লগতে ধূলা আৰক্ষী থানাৰ ভাৰপ্ৰাপ্ত বিষয়া অভিজিৎ কাকতি ঘটনাস্থলীত উপস্থিত হৈ অনুসন্ধান আৰম্ভ কৰে । আৰক্ষীৰ অনুসন্ধানত উক্ত শাখাটোত কোনো ধৰণৰ এলাৰ্ম আৰু চি চি কেমেৰাৰ ব্যৱস্থা নথকাৰ তথ্য পোহৰলৈ আহে ।