Breaking

জামুগুৰিহাটত ছেনিটাইজ ৰক্তদাতা (এইচবিএছ) স্বেচ্ছাসেৱী সংগঠন, অগ্নিনিৰ্বাপক বাহিনীৰ

0 6

জামুগুৰিহাট

ক’ৰোনাৰ সংক্ৰমণ ক্ৰমাৎ বৃদ্ধি পোৱাৰ সময়তে মহামাৰীৰ এই সংক্ৰমণ ৰোধ কৰাৰ বাবে কালি জামুগুৰিহাটৰ ব্যৱসায়িক কেন্দ্ৰস্থলৰ দোকান-পোহাৰ, বেংক প্ৰতিস্থান, আৰক্ষী থানা, চিকিৎসালয়, পৰিদৰ্শন বঙলাকে আদি কৰি সকলোবোৰ স্থান ছেনিটাইজ কৰে ৰক্তদাতা (এইচবিএছ) নামৰ স্বেচ্ছাসেৱী সংগঠনটোৱে৷ শোণিতপুৰ জিলাৰ ভিন্ন প্ৰান্তত ক’ৰোনাৰ সংক্ৰমণ ৰোধ কৰাৰ স্বাৰ্থত উপায়ুক্তৰ নিৰ্দেশ লৈ স্বেচ্ছাসেৱী সংগঠনটোৱে এইদৰে ছেনিটাইজ কৰি আহিছে জনসমাগম এলেকাসমুহ৷ মহামাৰীৰ ৰূপ লোৱা ক’ৰোনাৰ ভাইৰাছৰ সংক্ৰমণ ৰোধ কৰাৰ স্বাৰ্থত এসপ্তাহ পূৰ্বেও স্বেচ্ছাসেৱী সংগঠনটিয়ে জিলাখনৰ ভিন্ন প্ৰান্তৰ লগতে তেজপুৰৰপৰা আহি জামুগুৰিহাটত এইদৰেই ছেনিটাইজ কৰাৰ লগতে জৰুৰীকালিন সেৱাৰ লগত জড়িত লোকসকলৰ লগতে জনসাধাৰণক মাস্ক, ছেনিটাইজৰ বিতৰণ কৰা আৰু ৰাইজক সজাগ সচেতন কৰিবৰ বাবে চৰকাৰী নীতি নিয়ম সম্বলিত টোকাৰ বেনাৰ দেৱাল পোষ্টিৰিঙকে ধৰি কেবাটাও কাৰ্যসূচী গ্ৰহণ কৰিছিল৷ ইয়াৰোপৰি বহিঃৰাজ্যৰপৰা আহি কোৱাৰেণ্টাইন চেণ্টাৰত থকা যুৱক-যুৱতীসকলৰ বাবেও চতিয়াৰ বিধায়ক পদ্ম হাজৰিকাৰ জৰিয়তে তিনিশ মাস্ক আৰু ছেনিটাইজৰ প্ৰদান কৰে স্বেচ্ছাসেৱী সংগঠনটোৱে৷ অন্যহাতে আজিও জামুগুৰি অগ্নিনিৰ্বাপক বাহিনীৰ কৰ্মচাৰীসকলে চতিয়া সমষ্টিৰ বিধায়ক পদ্ম হাজৰিকাৰ নিৰ্দেশত বাৰেচহৰীয়া সামুহিক ভৱণত থকা কোৱাৰেণ্টাইন চেণ্টাৰ ছেনিটাইজ কৰাৰ লগতে জামুগুৰি ব্যৱসায়িক কেন্দ্ৰস্থলটোও ছেনিটাইজ কৰে৷ উল্লেখ্য যে জামুগুৰি বাৰেচহৰীয়া সামুহিক ভৱনটোত বৰ্তমান বহিঃৰাজ্যৰপৰা উভতি অহা ৩০ জনৰো অধিক যুৱক কোৱাৰেণ্টাইন হৈ আছে৷