নলবাৰীৰ পকোৱাত অনুষ্ঠিত অসম ভিত্তিত দিবা-নৈশ ভলীবল প্ৰতিযোগিতাত সৰভোগ চেম্পিয়ন

২৮ ফেব্ৰুৱাৰীত নলবাৰী জিলাৰ এটি অগ্ৰনী ক্ৰীড়া সংগঠন নিজ পকোৱা সূনীতি সংঘৰ উদ্যোগত তাঁতিপাৰা প্ৰাথমিক বিদ্যালয় খেলপথাৰত পুৱা ১১ বজাৰ পৰা অনুষ্ঠিত হৈ যায় ১৮ সংখ্যক প্ৰয়াত কাৰ্তিক বৈশ্য, দুৰ্গাৰাম সাউদ, আৰু বিৰেন দত্ত সোঁৱৰণী আমন্ত্ৰণমূলক প্ৰাইজমানি দিবা-নৈশ ভলীবল প্ৰতিযোগিতা। অসম পুলিচ, অসম ৰাজ্যিক বিদ্যুৎ পৰিষদ, ৰেঙণি,(তেজপুৰ) সৰভোগ, আই আৰ বি এন (চৰাইমাৰী) ভেৰগাওঁ ( ওদালগুৰি) নলবাৰী ভলীবল ক’চিং চেন্টাৰ, নিজ পকোৱা সূনীতি সংঘই যোগদান কৰা প্ৰতিযোগিতাখনত লীগ পৰ্ষ্যায়ৰ খেল সমূহ শেষ হোৱাৰ পিছত প্ৰথম খন ছেমি ফাইনেলত সৰভোগ দলে অসম পুলিচ দলক ২-১ ছেটত হৰুৱাই চুড়ান্ত খেললৈ যোগ্যতা অৰ্জন কৰে। আনহাতে দ্বিতীয়খন ছেমি ফাইনেলত অসম ৰাজ্যিক বিদ্যুত পৰিষদে ৰেঙণি দলক ২-০ ছেটত পৰাজিত কৰি চুড়ান্ত খেললৈ উৰ্ত্তীৰ্ণ হয়। চুড়ান্ত খেলত সৰভোগ দলে বিদ্যুত পৰিষদ দলক ২৫–২১, ২৫–২৩ পোনপোটীয়া ছেটত পৰাজিত কৰি প্ৰথম পুৰস্কাৰ বাৰ হেজাৰ টকা আৰু চুড়ান্ত ট্ৰফী লাভ কৰে। বিজেতা দল বিদ্যুত পৰিষদে দ্বিতীয় পুৰস্কাৰ আঠ হেজাৰ টকা আৰু চুড়ান্ত ট্ৰফী লাভ কৰে। শ্ৰেষ্ঠ শৃঙ্খলাবদ্ধ দল হিচাপে বিবেচিত হয় পকোৱা সূনীতি সংঘই। শ্ৰেষ্ঠ খেলুৱৈ হিচাপে নিৰ্বাচিত হয় সৰভোগ দলৰ অজিত দাসে। চুড়ান্ত খেলখন পৰিচালনা কৰে প্ৰথম ৰেফাৰী দেৱজিৎ ডেকা, দ্বিতীয় ৰেফাৰী প্ৰনৱ শৰ্মা আৰু তৃতীয় ৰেফাৰী বিকাশ ভট্ট। প্ৰতিযোগিতা খনত নিমন্ত্ৰীত অতিথি হিচাপে উপস্থিত থাকে ক্ৰীড়া আৰু যুৱকল্যানৰ সঞ্চালক ধৰ্মকান্ত মিলি অসম ভলীবল সন্থাৰ সহ সম্পাদক দীপক কুমাৰ দাস আদি বিশিষ্ট ব্যাক্তি সকল।