দৰিদ্ৰতাক নেঁওচি উজলিল হাটিঙা ৰামপুৰৰ মেধাৱী ছাত্ৰ শান্তনু ৷ ভৱিষ্যত দিনত আগুৱাই নিয়াৰ ক্ষেত্ৰত প্ৰয়োজনীয় কিতাপ বহীক লৈ চিন্তিত পৰিয়াল ৷

দৈনন্দিন বাৰ্তা সেৱা,জামুগুৰিহাট

ইচ্ছা শক্তি থাকিলে দৰিদ্ৰতা কেতিয়াও যিকোনো কামত হেঙাৰ হ’ব নোৱাৰে সেয়াই যেন প্ৰমাণ কৰি দেখুৱালে জামুগুৰিহাটৰ হাটিঙা ৰামপুৰ  গাঁৱৰ মেধাবী ছাত্ৰ শান্তনু হাজৰিকাই।হাটিঙা হাই স্কুলত অধ্যয়ণৰত ছাত্ৰ শান্তনু হাজৰিকাই সদ্যঘোষিত হাইস্কুল শিক্ষান্ত পৰীক্ষাৰ ফলাফলত আটাইকেইটা বিষয়তে লেটাৰ নম্বৰসহ ৮৯.৩% নম্বৰেৰে ডিষ্টিংচন লৈ সফলতাৰে উত্তীৰ্ণ হৈ অঞ্চলটোলৈ গৌৰৱ কঢ়িয়াই আনিবলৈ সক্ষম হৈছে৷দিন হাজিৰা কৰি পৰিয়াল পোহপাল দিয়া পিতৃ দ্বীজেন হাজৰিকা আৰু দীপশিখা হাজৰিকাই বহু কষ্টৰে পঢ়োৱা নিজ পুত্ৰৰ এই সফলতাত গৌৰৱাম্বিত হৈ পৰাৰ লগতে বিজ্ঞান শাখাত নাম ভৰ্তি কৰি ভৱিষ্যত ছফটৱেৰ ইঞ্জিনীয়াৰ হ’ব বিচৰা পুত্ৰৰ শিক্ষা জীৱন কেনেদৰে আগুৱাই নিব তাৰবাবেও চিন্তিত হৈ পৰিছে৷প্ৰণিধানযোগ্য যে ৰাজ্যৰ শিক্ষামন্ত্ৰীগৰাকীয়ে ইতিমধ্যে উচ্চ শিক্ষাৰ বাবে বিশ্ববিদ্যালয় পৰ্যন্ত ছাত্ৰ ছাত্ৰীৰ নামভৰ্তি বিনামূলীয়া কৰাত আশাৰ ৰেঙনী কঢ়িয়াই আনিছে দৰিদ্ৰ মেধাৱী ছাত্ৰ ছাত্ৰীসকলৰ জীৱণলৈ৷জোন বৰা,জামুগুৰিহাট।