সৌন্দৰ্য প্ৰতিযোগিতাত সফলতা অৰ্জন ষ্ট্ৰেছি ৰয়ৰ

বিভিন্ন প্ৰান্তৰ সৌন্দৰ্য্য প্ৰতিযোগিতাত সফলতা লাভ কৰি ৰাজ্যবাসীলৈ এটি আনন্দৰ বতৰা কঢ়িয়াবলৈ সক্ষম হৈছে ষ্ট্ৰেছি ৰয়ে। গুৱাহাটী মহানগৰীৰ কামাখ্যাৰ বাসিন্দা তথা গুৱাহাটী ৰাধা গোবিন্দ বৰুৱা মহাবিদ্যালয়ৰ ছাত্ৰী ষ্ট্ৰেচি ৰয় নামৰ যুৱতী গৰাকীয়ে সৌন্দৰ্য প্ৰতিযোগিতাত সফলতা অৰ্জন কৰি বিভিন্ন উপাধিৰে বিভূষিত হৈছে। ষ্ট্ৰেচি ৰয়ে বিগত ২০১৮ চনৰ এপ্ৰিল মাহৰপৰা এতিয়ালৈকে মডেলিং ক্ষেত্ৰখনত এটি খ্যাতি নাম আছে। বিভিন্ন প্ৰতিযোগিতাত অংশগ্ৰহণেৰে ৰয়ে আজুৰি আনিবলৈ সক্ষম হৈছে বিভিন্ন বঁটা তথা উপাধি । ইয়াৰ ভিতৰত কলকাতাত অনুষ্ঠিত হোৱা AITA FSS বেষ্ট জুনিয়ৰ কৰ্ডিনেটৰ এৱাৰ্ড, দ্বিতীয় ৰাণাৰ্চ আপ ৰূপান্তৰ অসম, বেষ্ট আই এৱাৰ্ড, মষ্ট টেলেন্তেট মিছ আছাম এৱাৰ্ড আৰু মষ্ট টেলেন্টেড এৱাৰ্ড এণ্ড ক্ৰাউন এণ্ড মিছ আছাম বঁটাৰে বিভূষিত । ষ্ট্ৰেছি ৰয়ৰ এই সাফল্যত উৎফুল্লিত হৈ তেওঁৰ অনুৰাগীসকলে উজ্জ্বল ভৱিষ্যত কামনা কৰিছে।