২২ নৱেম্বৰত অনুষ্ঠিত হ’ব আৰক্ষীৰ উপ পৰিদৰ্শকৰ নিযুক্তিৰ পৰীক্ষা, চাওক কিদৰে লাভ কৰিব এডমিট কাৰ্ড

দৈনন্দিন বাৰ্তাৰ সেৱা, গুৱাহাটী, ১০ নৱেম্বৰঃ অপেক্ষাৰ অন্তত অৱশেষত ২২ নৱেম্বৰত অনুষ্ঠিত হ’ব বহু বিতৰ্কিত আৰক্ষীৰ উপ পৰিদৰ্শক  নিযুক্তিৰ পৰীক্ষা। ২২ নৱেম্বৰৰ দিনৰ ১২ বজাৰ পৰা ২ বজালৈ অনুষ্ঠিত হ’ব পৰীক্ষা। পুৱা ৯.৩০ বজাত পৰীক্ষা কেন্দ্ৰত উপস্থিত হ’ব লাগিব পৰীক্ষাৰ্থা।

১৬ নৱেম্বৰৰ পৰা www.slprbassam.in ৱেবচাইতত উপলব্ধ হ’ব এডমিট কাৰ্ড। প্ৰাৰ্থীসকলে অনলাইনযোগে এডমিট কাৰ্ড ডাউন লোড কৰিব পাৰিব। পৰীক্ষাৰ্থীয়ে পৰীক্ষাৰ দিনা লগত ৰাখিব লাগিব এখন পৰিচয় পত্ৰ  আৰু এখন পাছপৰ্ট ছাইজ ফটো কিন্তু ইয়াৰ বিপৰিতে পৰীক্ষাৰ্থীসকলে স্মাৰ্ট ফোন, স্মাৰ্ট ঘড়ি, কেলক্যুলেটাৰ, বেগ তথা অলংকাৰ আদি পৰীক্ষা হললৈ নিব নোৱাৰিব।

আনহাতে প্ৰাৰ্থী সকলৰ সুবিধাৰ্থে প্ৰতিখন জিলাৰ SP কাৰ্যালয়ত স্থাপন কৰা হ’ব হেল্প ডেস্ক। যিকোনো পৰীক্ষা বিষয়ৰ তথ্যৰ বাবে টোল ফ্ৰি 1800-2120-05599 নম্বৰত ফোন কৰিব পাৰিব।