হোজাই জিলা পৰিষদৰ সন্মুখত ধৰ্ণা দিব শিলাদিত্য দেৱে।

লংকা : এইবাৰ পুনৰ সৰৱ হৈছে হোজাইৰ বিধায়ক শিলাদিত্য দেৱ । গুৱাহাটী সেই বিশেষ ৰাজ‌্যিক নেতা গৰাকীৰ বিৰুদ্ধে এইবাৰ ৰাজপথলৈ ওলাই অহাৰ হুংকাৰ দিলে বিধায়ক শিলাদিত্যা দেৱে । এইবাৰ যদি নেতা গৰাকীয়ে ওলটা পোল্টা কৰি তেন্তে ৰাজপথলৈ ওলাই আহি ধৰ্নাত বহাৰ কথা ঘোষণা কৰে শিলাদিত্য দেৱে। মংগলবাৰে লংকাৰ জোৰাপুখুৰীৰ নিজা বাসগৃহত সংবাদ মেল অনুষ্ঠিত কৰি এইদৰে সোচ্ছাৰ হৈ পৰিল হোজাই সমষ্টিৰ বিধায়ক জন । পূৰ্বে এক সংবাদ মেলত গুৱাহাটীৰ কান্ধত বেগ লৈ ফুৰা বিজেপিৰ এগৰাকী নেতাৰ বিৰুদ্ধে মুখা খুলি দিয়াৰ হুংকাৰ দিয়াৰ পাছত আজি পুনৰ সংবাদমেলত হোজাই জিলা পৰিষদৰ দূৰ্নীতিবিৰোধী বিৰুদ্ধে মাত মাতিবলৈ গৈ নাম প্ৰকাশ নকৰিও সেই বিশেষ নেতা গৰাকীয়ে বিৰুদ্ধে গৰজি উঠিল প্ৰায়ে,বিতৰ্কিত মন্তব্যৰে ৰাজ্যৰ ৰাজনীতিত তোলপাৰ লগোৱা বিজেপিৰ হোজাই সমষ্টিৰ বিধায়ক শিলাদিত্য দেৱে। হোজাই জিলা পৰিষদখনৰ সভাপতি পদত বিজেপি আৰু উপ সভাপতি পদত কংগ্ৰেছ দলৰ সদস্যই অধিস্ঠিত থকাকলৈ অসন্তোষ্ট হৈ আছিল শিলাদিত্য দেৱ । পূৰ্বে হোজাই জিলা বিজেপিৰ পূৰ্বৰ সভাপতিজনে গুৱাহাটীৰ সেই বিশেষ নেতা জনৰ জৰিয়তে শিলাদিত্য দেৱক একো নজনোৱাকৈ হোজাই জিলা পৰিষদ খন গঠন কৰিছিল । কিন্তু শেহতীয়াকৈ জিলা বিজেপি পদৰ পৰা অৰ্জুন মজুমদাৰ আতৰি যোৱাত শিলাদিত্য দেৱে নিজৰ মানুহক উপ সভাপতি পদত বহোৱাবলৈ উঠি পৰি লাগি অনাস্হা আনিবলৈ বাধ্য কৰোৱাই নিজৰ দলৰে সভানেত্ৰী ৰমাবালা দেৱীয়ে চলাই থকা হোজাই জিলা পৰিষদৰ বিৰুদ্ধে অভিযোগ আনিলে ৰেণ্ডম দূৰ্নীতিবিৰোধী সংঘটিত হোৱাৰ ।এইবাৰ সভানেত্ৰীৰ লগতে বৰ্তমান কংগ্ৰেছৰ সদস্য থকা উপ সভাপতি পদ বিজেপিৰ দখললৈ অনাৰ লক্ষ্য লোৱা শিলাদিত্য দেৱৰ অংকত সফল হ’বলৈ হলে কংগ্ৰেছ অথবা এআইইউডিএফ দলৰ সদস্যৰে সৰ্মথন ল’ব লাগিব ।জিলা পৰিষদ খনত উপ-সভাপতি পদত কংগ্ৰেছৰ দলৰ নূৰ আহমেদ থকাত আপত্তি থকা শিলাদিত্যৰ । কিন্তু কংগ্ৰেছ অথবা এআইইউডিএফ দলৰ সমৰ্থনত উপ-সভাপতি পদত বিজেপিৰ সদস্যক অধিষ্ঠিত কৰোৱাত আপত্তি নাই ।কিয়নো ১২খন আসনবিশিষ্ট হোজাই জিলা পৰিষদত বিজেপিৰ ৬গৰাকী ,কংগ্ৰেছৰ ৫ গৰাকী আৰু এই আই ইউ ডিএফ দলৰ ১ জন সদস্য আছে । সেয়েহে অহা ১৪ জুলাইত অনাস্থা সভা অনুষ্ঠিত হবে আৰু তাতেই সিন্ধান্ত হব কংগ্ৰেছী উপ সভাপতি পৰিষদত থাকিব নে নাই? আগন্তক দিনত যদি বিজেপিয়ে পৰিষদ গঠন কৰিব পাৰে তেনেহলে গঠন কৰিব আৰু যদি নোৱাৰে কংগ্ৰেছকে পৰিষদ গঠন কৰিবলৈ এৰি দিয়া হব বুলি মন্তব্য কৰে বিধায়ক শিলাদিত্য দেৱে। প্ৰথম জিলা পৰিষদ গঠন কৰা সময়তো শিলাদিত্য আৰু লামডিংৰ বিধায়ক শিবু মিশ্ৰৰ লগত আলোচনা কৰা নাছিল বুলি মন্তব্য প্ৰকাশ কৰে।