ছনু ছুদ : চিনেমা জগতৰেই হিৰো নহয়, তেওঁ এতিয়া সমগ্ৰ ভাৰতৰ জনসাধাৰণৰ প্ৰকৃত হিৰো ।
দৈনন্দিন বাৰ্তা ডেস্ক :
ছনু ছুদ কেৱল চিনেমা জগতৰেই হিৰো নহয় তেওঁ এতিয়া সমগ্ৰ ভাৰতৰ জনসাধাৰণৰ প্ৰকৃত জগতৰ হিৰো হৈ পৰিছে৷ যি সহায় চকুৰে মনিব নোৱাৰি বা যি সহায় আকালৰ সময়ত জনসাধাৰণে প্ৰত্যক্ষভাৱে লাভ কৰিব নোৱাৰে সেই সহায়ৰ কি প্ৰয়োজন? কিন্তু ছনু নিজৰ জীৱনৰ কথা বাদ দি এজন বীৰ সেনাৰ দৰে বহিঃৰাজ্যত বিপদত পৰা বহু কাম কৰা মানুহক সহায় কৰিলে লগতে বহু মাতৃৰ বকু উদং হোৱাৰ পৰা ৰক্ষা কৰিলে৷ আচলতে এনে মানুহ প্ৰকৃত হিৰো প্ৰকৃত যোদ্ধা৷ বিশেষ ৰে’ল বিশেষ বাছ আৰু বিশেষ উৰা জাহাজেৰে ছনুয়ে হাজাৰ হাজাৰ মানুহক নিজৰ ঘৰলৈ পঠালে নহ’লে কিজানি আৰু কিমান মানুহ মৃত্যুৰ মুখত পৰিলেহেতেন এইয়া সমগ্ৰ দেশৰ মানুহে নিজ চকুৰে দেখিছে৷ সময় মতে আৰু ছনুৰ দৰে দহজনমান মানুহ ওলাই আহিলে আমাৰ দেশত কভিড-১৯ত মৃত্যু হোৱা মানুহৰ সংখ্যা ইমান নহলহেঁতেন৷