ভাল ইংৰাজী কোৱা, ভাল বাইট দিয়া, সুদৰ্শন হ’লে সকলো নহয় : অশোক গেহলট ৷

0 1,033

দৈনন্দিন বাৰ্তা ডেস্ক :

বৰ্খাস্ত কৰা উপ মুখ্যমন্ত্ৰী শচীন পাইলট আৰু ১৮ জন বিদ্ৰোহী কংগ্ৰেছ বিধায়কক শুকুৰবাৰৰ ভিতৰত প্ৰত্যুত্তৰ দিবলৈ জাননী জাৰি কৰিছিল ৷ আনহাতে বুধবাৰে মুখ্যমন্ত্ৰী অশোক গেহলট চৰকাৰক অস্থিতিশীল কৰাৰ কাৰণে বিজেপিৰ প্ৰভাৱত ষড়যন্ত্ৰ কৰাৰ বিৰুদ্ধে কঠোৰ সমালোচনা কৰিছে ৷ সংবাদ মাধ্যমৰ আগত গেহলটে কয়, ভাল ইংৰাজী কোৱা, ভাল বাইট দিয়া আৰু সুদৰ্শন হ’লে সকলো নহয় ৷ দেশ, আপোনাৰ আদৰ্শ, নীতি আৰু প্ৰতিশ্ৰুতিৰ বাবে আপোনাৰ ভিতৰত যি আছে সকলো বিবেচনা কৰা হয় ৷ ৰাজস্থানৰ মুখ্যমন্ত্ৰীজনে কয়, জয়পুৰত হৰ্চ ট্ৰেডিং কৰা হৈছিল ৷ মোৰ হাতত প্ৰমাণ আছে ৷ মই এখন হোটেলত ১০ দিনৰ বাবে ৰখা উচিত ৷ যদি তাকে নকৰা হ’লে তেতিয়া এই ঘটনা ঘটিলহেতেন ৷ কংগ্ৰেছত দীঘলীয়া ইনিংছ থকা অশোক পাইলটে কয়, মই ৰাজনীতিত ৪০ বছৰ ধৰি আছো ৷ আমি নৱ প্ৰজন্মক ভাল পাও৷ তেওঁলোকৰ হাততে আছে ভৱিষ্যৎ ৷ এই নৱ প্ৰজন্ম, তেওঁলোক কেন্দ্ৰীয় মন্ত্ৰী, দেশৰ ৰাষ্ট্ৰপতি হৈ উঠিব যদি তেওঁলোকে আমাৰ সময়ত আমি যি কৰিছো বুজি পায় ৷ এনেদৰে কয় মুখ্যমন্ত্ৰীজনে ৷ আনহাতে এআইচিচিয়ে ৰাজস্থানৰ সকলো জিলা কংগ্ৰেছ সমিতি আৰু ব্লক কংগ্ৰেছ সমিতি তৎক্ষণাৎ প্ৰযোজ্য হোৱাকৈ ভংগ কৰিছে ৷ ৰাজস্থান কংগ্ৰেছৰ ভাৰপ্ৰাপ্ত বিষয়াই কয় যে সোনকালে নতুন সমিতি গঠন কৰা হ’ব ৷ আনহাতে ৰাজস্থান বিধানসভাৰ অধ্যক্ষই শচীন পাইলট আৰু ? ১৮ জন বিধায়কক বিধানসভাত অযোগ্য বুলি জাননী জাৰি কৰিছে ৷ যিহেতু তেওঁলোকে হুইপ মনা নাছিল আৰু বিধায়িনী পৰিষদৰ সোমবাৰ আৰু মঙলবাৰৰ সভাত উপস্থিত নাছিল ৷ ইপিনে গোবিন্দ সিং দোতাছাৰাক ৰাজস্থানত দলৰ সভাপতি হিচাপে নিয়োগ কৰিছে ৷