Breaking

ৰাজ্যৰ স্বাস্থ্য বিভাগৰ প্ৰটোকলক চৰম ভেঙুচালি : লাচিত নগৰ আধাৰ কাৰ্ড কেন্দ্ৰত অভাবনীয় ভীৰ, গুৰুত্ব নাই জিলা প্ৰশাসন-আৰক্ষীৰ

0 1,346

দৈনন্দিন বাৰ্তা ডেস্ক : ৰাজ্যৰ স্বাস্থ্য বিভাগে কভিড-১৯ সংক্ৰমণ ৰোধৰ বাবেই সামজিক দূৰত্ব বজাই ৰখাৰ লগতে মুখত মাস্ক পৰিধান কৰিবলৈ বাৰম্বাৰ অনুৰোধ জনোৱাৰ পিছতো এচাম অসচেতন নাগৰিকে কোনো ধৰণৰ গুৰুত্ব প্ৰদান কৰা দেখিবলৈ পোৱা নাই ৷ আজি গুৱাহাটী মহানগৰীৰ লাচিত নগৰস্হিত আধাৰ কেন্দ্ৰত কোনো কভিড প্ৰটোকল নামানি সামজিক দূৰত্বৰ প্ৰতি অকণো গুৰুত্ব প্ৰদান নকৰি এনেদৰে লানি নিচিঙা ভিৰ দেখিবলৈ পোৱা গ’ল ৷ পুৱতি নিশাৰ পৰা ৰাজ্যৰ ছয়গাঁও, বকো, গোৱালপাৰা, মিৰ্জা, ৰহা, দিছপুৰ, জাগীৰোডকে ধৰি অন্যান্য স্হানৰ পৰা আধাৰ কাৰ্ড এখন পোৱাৰ আশাত লাচিত নগৰ আধাৰ কেন্দ্ৰৰ ভীৰ কৰা পৰিলক্ষিত হৈছে ৷ তৎস্বত্বেও কামৰূপ মহানগৰ জিলা প্ৰশাসন-আৰক্ষীৰ কোনো ব্যক্তি উপস্থিতি দেখিবলৈ পোৱা নাই৷ আধাৰ কেন্দ্ৰটোৰ গেটৰ ভিতৰত পৰা এগৰাকী কৰ্মচাৰীয়ে প্ৰতি গৰাকীয়ে ব্যক্তিৰ কাগজ-পত্ৰ সংগ্ৰহ কৰে ৷ সেই সময়চোৱাত সকলোৱে নিজৰ কাগজ জমা দিয়াৰ বাবেই হেতা ওপৰা লগায় ৷ যাৰ বাবে কভিড প্ৰটোকল বুলিবলৈ একো নাথাকে ৷ তেনেস্থলত মহানগৰ আৰক্ষী-প্ৰশাসনে কোনো ধৰণৰ প্ৰদান নকাৰাৰ গুৰুতৰ অভিযোগ উথ্থাপন হৈছে ৷ এই ক্ষেত্ৰত এচাম স্হানীয় সচেতন নাগৰিকে কয় যে ৰাজ্য চৰকাৰে এফালে সামজিক দূৰত্ব বজাই ৰাখিবলৈ ঢাক-ঢোল বজাই আছে ৷ আনফালে আধাৰ কাৰ্ড পোৱাৰ আশাত সকলো স্বাস্থ্য বিভাগৰ নীতি নিয়ম জলাঞ্জলি দিছে সেয়া প্ৰশাসনে দেখিবলৈ পোৱা নাই নে ? না দেখিও চকুমুদা কুলিৰ ভাও জুৰিছে ৷ চৰকাৰৰ কোনো ধৰণৰ পলিচি নাই ৷ সেয়ে প্ৰতিখন জিলাত উপযুক্ত পৰিমানে আধাৰ কেন্দ্ৰ স্হাপন কৰিব পৰা নাই ৷ সেইবাবেই আজি কৰোনা মহামাৰীৰ সময়তো এনেকুৱা পৰিস্থিতিৰ সৃষ্টি হৈছে বুলি একাংশ সচেতন নাগৰিকে ক্ষোভ উজাৰে ৷ শীঘ্ৰেই ৰাজ্যৰ প্ৰতিখন জিলাত উপযুক্তভাৱে আধাৰ কেন্দ্ৰ স্হাপন কৰিবলৈ একাংশ উপস্থিত ৰাইজে চৰকাৰৰ প্ৰতি আহ্বান জনায় ৷

Leave A Reply