Breaking

জামুগুৰিহাটৰ চেম্পিয়নছ মেকাৰ একাডেমীৰ সাফল্য

0 2,010

যোৱা ২,৩ আৰু ৪ জানুৱাৰীত কলিয়াবৰত অনুষ্ঠিত ১ম অল আছাম অল ষ্টাইল ফুল কন্টেক্ট মাৰ্চিয়েল আৰ্ট চেম্পিয়নশ্বিপ ২০২১ প্ৰতিযোগীতাত শোণিতপুৰ জিলাৰ জামুগুৰিহাটৰ চেম্পিয়নছ মেকাৰ একাডেমীৰ ৪ গৰাকী খেলুৱৈৱে পদক লাভ কৰি অঞ্চলটিলৈ সুনাম কঢ়িয়াই আনিবলৈ সক্ষম হৈছে৷প্ৰতিযোগীতাখনিত অংশগ্ৰহণ কৰি জামুগুৰিহাটৰ পাঁচিগাঁৱৰ ময়ুৰ প্ৰতিম বৰুৱাই ৰূপৰ পদক,বৰভগীয়াৰ প্ৰিয়ম জ্যোতি বৰুৱা,মিতুল শইকীয়া আৰু পাঁচিগাঁৱৰ বিশাল ওজাই ব্ৰঞ্জৰ পদক লাভ কৰিবলৈ সক্ষম হয়৷এই প্ৰতিযোগীতাত উন্নত ফলাফল দেখুৱাই পদক লাভ কৰি শোণিতপুৰ জিলাৰ ৯ গৰাকী খেলুৱৈৱে দিল্লীত অনুষ্ঠিত হ’বলগীয়া ৰাষ্ট্ৰীয় পৰ্যায়ৰ চেম্পিয়নশ্বিপ প্ৰতিযোগীতাত অংশগ্ৰহণ কৰিবৰ বাবে যোগ্যতা অৰ্জন কৰিছে৷দিল্লীত অনুষ্ঠিত হ’বলগীয়া ৰাষ্ট্ৰীয় পৰ্যায়ৰ চেম্পিয়নশ্বিপত অংশগ্ৰহণৰ বাবে জামুগুৰি চেম্পিয়নছ মেকাৰ একাডেমীৰ ময়ুৰ প্ৰতিম বৰুৱাও নিৰ্বাচিত হৈছে৷