জখলবন্ধা আৰক্ষীৰ সফল অভিযান। চাৰি ড্ৰাগছ সৰবৰাহকাৰী গ্ৰেপ্তাৰ। ৰাজ্যত এতিয়াও চলি আছে ড্ৰাগছৰ ৰমৰমীয়া বেহা
কলিয়াবৰ : জখলাবন্ধা আৰক্ষী নিৱেশৰ ভাৰপ্ৰাপ্ত বিষয়া নিপু কলিতাৰ নেতৃত্বত এক অভিযানকাৰী দলে গ্ৰেপ্তাৰ কৰে চাৰি ড্ৰাগছ সৰবৰাহকাৰী। দেওবাৰে এই অভিযানকালত ড্ৰাগছৰ লগতে অনান্য সামগ্ৰীও জব্দ কৰে। গ্ৰেপ্তাৰ কৰা চাৰিজন ড্ৰাগ্ছ সৰবৰাহকাৰীৰ দুজনক চামগুৰিৰ বৰমাৰ পৰা গ্ৰেপ্তাৰ কৰাৰ বিপৰীতে আন দুজনক কুঠৰীৰ হাৰমতীৰ পৰা গ্ৰেপ্তাৰ কৰে। গ্ৰেপ্তাৰ কৰা চাৰি ড্ৰাগছ সৰবৰাহকাৰী হ’ল ক্ৰমে – ধিঙৰ ইছব আলি, কুঠৰীৰ আলি হুছেইন, চামগুৰিৰ মফিদুল ইছলাম আৰু আমিৰ হামজা নামৰ। গ্ৰেপ্তাৰ হোৱা সৰবৰাহকাৰী কেইজনৰ পৰা নগদ ৫,৭২০ টকা, ৪১টা ড্ৰাগছ ভৰ্তি কণ্টেইনাৰ, তিনিটা ম’বাইল ফোন আৰু দুখন মটৰ চাইকেল জব্দ কৰে। ইয়াৰে এখন বাজাজ পালচাৰ (AS 02V 5668) আৰু আনখন বাজাজ প্লেটিনাম (AS 03U 6936) বুলি জানিব পৰা গৈছে।
