আন্তঃৰাষ্ট্ৰীয় ক্ৰিকেটত অভিষেক নোহোৱাকৈ ১০০ খন আইপিএলত অংশ লোৱাৰ অভিলেখ সূৰ্য্যকুমাৰ যাদৱৰ
দৈনন্দিন বাৰ্তাৰ সেৱা, ৬ নৱেম্বৰঃ আন্তঃৰাষ্ট্ৰীয় ক্ৰিকেটত অভিষেক নকৰাকৈ ইণ্ডিয়ান প্ৰিমিয়াৰ লীগত ১০০ খন খেলত অংশগ্ৰহণ কৰা একমাত্ৰ খেলুৱৈ হিচাপে অভিলেখ অৰ্জন কৰে মুম্বাই ইণ্ডিয়ানছৰ তাৰকা মিডিল অৰ্ডাৰ সূৰ্য্যকুমাৰ যাদৱে। ইণ্ডিয়ান প্ৰিমিয়াৰ লীগত ১০০ খন খেলত যাদৱে অংশ ল’লেও এতিয়ালৈ আন্তঃৰাষ্ট্ৰীয় ক্ৰিকেটত তেওঁৰ অভিলেখ ঘটা নাই।
৫ নৱেম্বৰত দিল্লী কেপিটেলছৰ বিৰুদ্ধে ৫১ ৰানৰ ইনিংছ খেলি সূৰ্য্য কুমাৰ যাদৱে এই অভিলেখ ঘটাই। আনহাতে উক্ত ইনিংছৰ জৰিয়তে যাদৱে আন্তঃৰাষ্ট্ৰীয় খেলত অংশ নোলোৱাকৈ ২০০০ আই পি এল ৰান সংগ্ৰহ কৰা খেলুৱৈ হিচাপে পৰিগণিত হয়।
উল্লেখযোগ্য যে, ভাৰতীয় ক্ৰিকেট দলৰ আগন্তুক অষ্ট্ৰেলিয়া ভ্ৰমণৰ বাবে ঘোষিত দলত সকলোৱে সূৰ্য্যকুমাৰ যাদৱে স্থান লাভ কৰিব বুলি আশা কৰিছিল যদিও পৰৱৰ্তী সময়ত দল নিৰ্বাচক সমিতিয়ে সূৰ্য্যকুমাৰ যাদৱক ভাৰতীয় দলত স্থান লাভ নকৰিলে।
সূৰ্য্য কুমাৰ যাদৱে অষ্ট্ৰেলিয়াগামী ভাৰতীয় দলত স্থান লাভ নকৰাৰ পাছতে বহুকেইগৰাকী প্ৰাক্তন ভাৰতীয় ক্ৰিকেটাৰে দল নিৰ্বাচক সমিতিক সমালোচনা কৰা দেখা গৈছে।