নলবাৰীত ভয়ংকৰ ঘটনা। দলঙৰ পৰা জপিয়াই পাগলাদিয়া নৈত আত্মহত্যাৰ প্ৰচেষ্টা এজনৰ।
নলবাৰী
দেশজুৰি চলি থকা লক ডাউনৰ পৰিপ্ৰেক্ষিতত সাধাৰন লোকসকল আৰ্থিক ভাবে চৰম জুৰুলা হৈ পৰিছে । আৰ্থিক দৈন্যতাৰ বাবেই পাগলাদিয়া নদীত মৰণজাপ দিলে এজন যুৱকে ।নলবাৰীৰ বৰমুৰিকোনা ঘাটত ঘটিল এই ভয়ংকৰ ঘটনাটো । বৰমুৰিকোনা ঘাটৰ পকী দলঙৰ পৰা পাগলাদিয়া নৈৰ পানীত জপিয়াই আত্মহত্যাৰ প্ৰচেষ্টা চলোৱা যুৱক জনৰ নাম প্ৰদীপ ডেকা (৩০) । যুৱক জনৰ ঘৰ নলবাৰীৰ বালিলেচা গাওঁত । দীৰ্ঘদিনীয়া লক ডাউনৰ ফলত ট্ৰেক্টৰৰ শ্ৰমিক হিচাপে কাম কৰি জীৱন নিৰ্বাহ কৰা যুৱক জনে শেহতীয়াকৈ চৰম আৰ্থিক দৈন্যতাত ভুগি আহিছিল । আৰ্থিক দৈন্যতাৰ বাবেই যুৱক জনে অত্যাধিক পৰিমানে সুৰা সেৱন কৰাৰ ফলত বেলেঞ্চ নোহোৱা হৈ পৰে । আৰু বৰমুৰিকোনা ঘাটৰ পকী দলঙৰ পৰা পাগলাদিয়া নৈত জপিয়াই আত্মহত্যাৰ প্ৰচেষ্টা চলাই । যুৱক জনে দলঙৰ পৰা পাগলাদিয়া নৈত জপিয়াই দিয়া মুহুৰ্তত স্থানীয় পথাচাৰী যুৱক কেইজনমানে ভয়াবহ ঘটনাটো প্ৰত্যক্ষ কৰি লগে লগে স্থানীয় ৰাইজক খবৰ দিয়ে । স্থানীয় সচেতন যুৱক মাধব ডেকা , নয়ন ডেকা , ভূপেন ডেকা তপন ডেকাই অন্য তিনি যুৱক ক্ৰমে সতীশ ডেকা , প্ৰানজিৎ ডেকা আৰু নিপু ডেকাৰ সহযোগত ৰছিৰে নৈৰ মাজলৈ নামি গৈ উদ্ধাৰ অভিযান চলাই অবশেষত জীৱন্তে যুৱক জনক উদ্ধাৰ কৰিবলৈ সক্ষম হয় ।লক্ষনীয়ভাবে আৰ্থিক দৈন্যতা হ’লেও মদৰ ৰাগিতে প্ৰদীপ ডেকা নামৰ যুৱকজনে সুৰাৰ ৰাগীত হিতাহিত জ্ঞান হেৰুৱাই এনে প্ৰচেষ্টা লোৱা বুলি একাংশই মত ব্যক্ত কৰে । অন্যহাতে আত্মহত্যাৰ প্ৰচেষ্টা চলোৱা আহত যুৱক জনক স্থানীয় যুৱক সকলে পৰিয়ালৰ লোকক চমজি দি চিকিৎসাৰ ব্যৱস্থা কৰোৱাই । মুঠৰ ওপৰত আৰ্থিক দৈন্যতাই যুৱক জনক অত্যাধিক পৰিমানে সুৰা সেৱন কৰিবলৈ বাধ্য কৰোৱা বুলি কব পাৰি ।