১৯৪৮ চনৰ পৰা আৰম্ভ হোৱা পুৰণিগুদামৰ আঞ্চলিক ৰাসোৎসৱে এইবেলি ৭৫ তম্ বৰ্ষত পদাৰ্পণ কৰিছে।
যোৱা ২১ অক্টোবৰ তাৰিখে গায়ন বৈৰাগী গাঁও বৰ নামঘৰত সত্ৰাধিকাৰ তথা শিক্ষাবিদ কৃষ্ণ গোস্বামীৰ সভাপতিত্বত অনুষ্ঠিত হোৱা ৰাজহুৱা সভাৰ সিদ্ধান্ত অনুসৰি অহা ২ ডিচেম্বৰ তাৰিখে গায়ন বৈৰাগী গাঁও বৰ নামঘৰ প্ৰাংগনত অঞ্চলৰ বিশিষ্ট ব্যক্তি সকলৰ দ্বাৰা ৭৫ খন পতাকা উত্তোলনেৰে বছৰজোৰা কাৰ্যসূচীৰে মহাৰজত জয়ন্তী বৰ্ষৰ শনিবাৰে পুৱা ৮:৩০ বজাৰ লগে লগে পুৰণিগুদাম আঞ্চলিক ৰাসোৎসৱ সমিতিৰ মহাৰজত জয়ন্তী বৰ্ষ,২০২৩-২৪ বৰ্ষৰ ৭৫ খন পতাকা উত্তোলনেৰে শুভ আৰম্ভণি হয়।
মূল ধজ্জা উত্তোলন কৰে উদযাপন সমিতিৰ সভাপতি তথা প্ৰবীণ ৰাজনীতিবিদ, অধ্যাপক গিৰিন্দ্ৰ কুমাৰ বৰুৱা আৰু ইয়াৰ লগে লগে পূৰ্ণ চন্দ্ৰ গায়ন, ফণীন্দ্ৰ নাথ গায়ন, পুলিন হাজৰিকা, কৃষ্ণ গোস্বামী, তৰুণ শইকীয়াকে প্ৰমুখ কৰি পুৰণিগুদামৰ ৭৫ জন বিশিষ্ট ব্যক্তিয়ে ধৰ্ম ধ্বজ্জা উত্তোলন কৰে।
উত্তোলনৰ সময়ত ডবা, শংখ, খোল , কালি তথা আয়তিৰ উৰুলীয়ে অনুষ্ঠানটি আৰু অধিক গাম্ভীৰ্য্যপূৰ্ণ কৰি তোলে। ইয়াৰ পাছতে কাৰ্যসূচীত আমন্ত্ৰিত শতাধিক ভকত-বৈষ্ণবে নাম প্ৰসংগ কৰাৰ লগতে নিশা অঞ্চলৰ মহিলা আৰু যুৱতী সকলৰ দ্বাৰা শ্ৰীশ্ৰী কৃষ্ণৰ ৰাসলীলা প্ৰদৰ্শন কৰে।