দেৱাশীষ,প্ৰণৱজ্যোতিৰ হত্যাকাৰীক দৃষ্টান্তমূলক শাস্তিৰ দাবী তাই আহোম জাতীয় পৰিষদৰ।
টিংখাংঃ
যোৰহাট জিলাৰ মৰিয়নীৰ গাভৰু চাহ বাগিচাত একাংশ উম্মুক্ত লোকে দেৱাশীষ গগৈ নামৰ উদীয়মান যুৱক এজনক পাশৱিক অত্যাচাৰ কৰি অতি নৃশংসভাৱে হত্যা কৰা কাৰ্যক তাই আহোম জাতীয় পৰিষদে তীব্ৰ ভাষাৰে গৰিহণা দিছে।ঘটনাটোৰ লগত জড়িত দোষী অতি শীঘ্ৰে কৰায়ত্ত কৰি দৃষ্টান্তমূলক শাস্তি প্ৰদান কৰিবলৈ তাই আমোম জাতীয় পৰিষদে চৰকাৰক দাবী জনাইছে।আনহাতে চাবুৱাৰ পৰাগজ্যোতি নেওগ নামৰ যুৱকজনৰ হত্যাকাৰীসকলকো দৃষ্টান্তমূলক শাস্তি প্ৰদান কৰিবলৈ সংগঠনটোৱে এক বিবৃতিযোগে দাবী কৰিছে।সংগঠনটোৱে দুয়োজন যুৱকৰ অকাল মৃত্যুত গভীৰ উদ্বেগ প্ৰকাশ কৰি শোকসন্তপ্ত পৰিয়ালবৰ্গলৈ গভীৰ সমবেদনা জ্ঞাপন কৰিছে।ৰাজ্যখনৰ শেহতীয়া সামাজিক আৰু ৰাজনৈতিক পৰিৱেশৰ সুযোগ লৈ এটা অশুভ চক্ৰই জাতি জনগোষ্ঠীৰ মাজত সংঘাতময় পৰিস্থিতি সৃষ্টি কৰিবলৈ অহৰহ প্ৰচেষ্টা চলোৱাৰ অভিযোগ কৰি অশুভ চক্ৰটোক এনে কাৰ্যৰ পৰা বিৰত থাকিবলৈ তাই আহোম জাতীয় পৰিষদে কঠোৰভাৱে সকীয়নি প্ৰদান কৰিছে।লগতে অশুভ চক্ৰটোৰ বিৰুদ্ধে সংশ্লিষ্ট সকলো সচেতন মহলক জাগ্ৰত হ’বলৈ আহবান জনাইছে। উল্লেখ্য যে বিগত সময়ছোৱাত ৰাজ্যখনত সাম্প্ৰদায়িক ঘটনাৰ দৰে কেবাটা বিক্ষিপ্ত ঘটনাত বহুকেইজন লোকৰ প্ৰাণ হানি হৈছে।ৰাজ্য চৰকাৰক এনেধৰণৰ ঘটনাক কঠোৰ হাতেৰে দমন কৰিবলৈ সংগঠনটোৰ ভাৰপ্ৰাপ্ত সভাপতি পূৰ্ণ গন্ধীয়া আৰু সাধাৰণ সম্পাদক অমৰজ্যোতি আৰন্ধৰাই দাবী কৰিছে।