ঘৰুৱা শ্বেয়াৰ বজাৰৰ বাবে বুধবাৰটো ভাল দিন নাছিল। আগৰ দিনৰ ব্যৱসায়ত বজাৰত অল ৰাউণ্ড বিক্ৰীৰ দৃশ্য দেখা গৈছিল। বিশেষকৈ স্মল কেপ আৰু মিড কেপ ছেগমেণ্টত পৰিস্থিতি অতি বেয়া আছিল। এক প্ৰকাৰে এইটো প্ৰায় এবছৰ ধৰি চলি থকা আচৰিত ৰেলীৰ অন্ত পেলোৱাৰ দৰেই। এতিয়া ইয়াৰ সৈতে জড়িত এক চাঞ্চল্যকৰ প্ৰতিবেদন ওলাইছে।
এই কেলেংকাৰিৰ ধনৰ পৰাই ৰেলী আহিছিল
ইটিৰ এক প্ৰতিবেদনত প্ৰকাশ পাইছে যে মহাদেৱ এপ কেলেংকাৰীৰ ধনৰ প্ৰায় ৫০০০ কোটি টকা শ্বেয়াৰতো বিনিয়োগ কৰা হৈছিল। বিশেষকৈ ছমল কেপ শ্বেয়াৰত বিনিয়োগ কৰা হৈছিল কেলেংকাৰীৰ ধন। প্ৰতিবেদনত আশংকা কৰা হৈছে যে মহাদেৱ এপ কেলেংকাৰীৰ পৰা পোৱা ধন বিগত এবছৰত স্মল কেপ আৰু মিড কেপ শ্বেয়াৰত সংঘটিত হোৱা অবিশ্বাস্য ৰেলীৰ বাবেও দায়ী হ’ব পাৰে।
হাজাৰ হাজাৰ কোটি মূল্যৰ শ্বেয়াৰ জব্দ
আইন প্ৰয়োগকাৰী সংস্থাসমূহৰ কাৰ্য্যইও ইয়াৰ ইংগিত দিয়ে। মহাদেৱ এপ কেলেংকাৰিৰ গোচৰটো সম্প্ৰতি ইডিৰ তদন্ত অব্যাহত আছে। এই তদন্তৰ সন্দৰ্ভত ইডিয়ে কিছুদিন পূৰ্বে জব্দ কৰিছে হাজাৰ হাজাৰ কোটি টকাৰ শ্বেয়াৰ। এই শ্বেয়াৰসমূহৰ মূল্য ১১০০ কোটিতকৈ অধিক আৰু ডুবাইৰ হাৱালা অপাৰেটৰৰ সৈতে সংযুক্ত ডিমেট একাউণ্টত ৰখা হৈছে। মহাদেৱ এপ কেলেংকাৰিত সংশ্লিষ্ট হাৱালা অপাৰেটৰৰ নাম পোহৰলৈ আহিছে। তেওঁক কলকাতাৰ হৰি শংকৰ তিবৰৱাল বুলি চিনাক্ত কৰা হৈছে।