উন্নয়ন কামী চৰকাৰৰ ফোপোলা স্বৰূপ : কোনো চৰকাৰী আচঁনিয়ে ঢুকি নোপোৱা এটি দৰিদ্ৰতাই কোঙা কৰা পৰিয়াল ।

সাপেখাতী, চৰাইদেউ :

২০১৪ চনতেই শাসনাধিষ্ঠ দলৰ প্ৰধান মন্ত্ৰীয়ে ঘোষণা কৰিছিল অভিলাষী আঁচনি স্বচ্ছ ভাৰত মিছন – সেই আঁচনিৰ এটাই উদ্দেশ্য আছিল সমগ্ৰ দেশৰ দৰিদ্ৰ পৰিয়াল সমূহক একোটাকৈ চৰকাৰী শৌচালয় প্ৰদান কৰা ।কিন্তু চৰকাৰৰ পঞ্চায়তৰ প্ৰতিনিধিক বাৰম্বাৰ অনুৰোধ জনাই অহাৰ পাছতো আজি পৰ্যন্ত এটি শৌচালয়ৰ মুখ নেদেখিলে পৰিয়ালটোৱে। চৰাইদেউ জিলাৰ সাপেখাতী গাঁও পঞ্চায়তৰ ২ নং ৱাৰ্ডৰ নৰেন মূৰ্মু আৰু ফুলমণি মূৰ্মু ৰ ৮জনীয়া পৰিয়ালৰটোৱে মাত্ৰ এটি জৰাজীৰ্ণ কোঠাত যেনে তেনে বাস কৰিছে ।তেওঁলোকৰ থকা , খোৱা ,শুৱা সকলো ক্ষেত্ৰতে সমস্যাৰ সন্মুখীন হৈ আহিছে । কেৱল শৌচালয়েই নহয় চৰকাৰী সকলো সুবিধাৰ পৰা বঞ্চিত হৈ অহা পৰিয়ালৰটোয়ে কেৱল দিন হাজিৰা কৰি যেনে তেনে চলিছে যদিও দৰিদ্ৰতাই কোঙা কৰি পেলাইছে পৰিয়ালটোক । “কেৱল ধনী মানুহে চৰকাৰৰ সুবিধা পায় ,আমাৰ দুখীয়া মানুহক চৰকাৰে কিয় দেখি নাপায় বুলি আক্ষেপ কৰাৰ লগতে পৰিয়ালৰ মুৰব্বী নৰেন কৰ্মকাৰে থাকিবৰ বাবে এটি আৱাস গৃহৰ লগতে এটি শৌচালয় দিবৰ বাবে চৰকাৰক কাতৰ আহ্বান জনাইছে ।