Breaking

মধ্যপ্ৰদেশত চৰকাৰ বচাবলৈ সক্ষম হোৱাৰ দিশত ভাৰতীয় জনতা পাৰ্টী

0 18

দৈনন্দিন বাৰ্তাৰ সেৱা, গুৱাহাটী, ১০ নৱেম্বৰঃ মধ্যপ্ৰদেশত চৰকাৰ অক্ষুন্ন ৰখাৰ দিশত আগবাঢ়িছে শিৱৰাজ সিং চৌহান নেতৃত্বাধীন ভাৰতীয় জনতা পাৰ্টী চৰকাৰ।

ভাৰতীয় নিৰ্বাচন আয়োগৰ ৱেবচাইটৰ পৰা লাভ কৰা তথ্য অনুসৰি বৰ্তমান সময়ত উপ নিৰ্বাচনৰ ২৮ খন আসনৰ ২১ খনত ভাৰতীয় জনতা পাৰ্টী আগবাঢ়ি আছে।

২০১৮ চনত কংগ্ৰেছ দলে চৰকাৰ বনাবলৈ সক্ষম হৈছিল যদিও চলিত বৰ্ষৰ মাৰ্চ মাহত হোৱা বিদ্ৰোহৰ ফলত কমল নাথৰ চৰকাৰ ভাঙি পৰিছিল। মধ্যপ্ৰদেশৰ বিধানসভাৰ মুঠ আসন ২৩০ খন আৰু চৰকাৰ গঠণৰ বাবে প্ৰয়োজন হয় ১১৬ খন আসনৰ।

বৰ্তমানৰ মুখ্যমন্ত্ৰী শিৱৰাজ সিং চৌহানে কয় ৰাজ্য আৰু জনসাধাৰণৰ কল্যাণৰ বাবে মধ্যপ্ৰদেশৰ দায়িত্ব ল’বৰ বাবে জনতাই পুনৰ এবাৰ ভাৰতীয় জনতা পাৰ্টীক নিৰ্বাচিত কৰিব।