মান্দাকাটাৰ পৰা মুখ্যমন্ত্ৰীৰ সমগ্র গ্ৰাম্য উন্নয়ন আঁচনিৰ দল কন্যাকালৈ প্ৰেৰণ…

মুখ্যমন্ত্ৰীৰ সমগ্র গ্ৰাম্য উন্নয়ন আঁচনিৰ জৰিয়তে অসম চৰকাৰৰ পশু পালন বিভাগৰ পৰিচালনাৰে বেজেৰা উন্নয়ন খণ্ডৰ অন্তর্গত ৭ খন গাঁও পঞ্চায়তৰ আত্মসহায়ক গোটৰ সদস্য সকলৰ দ্বিতীয়টো দল আজি বুধবাৰে উন্নত প্রশিক্ষণৰ বাবে চতিয়া সমষ্টিৰ কন্যাকা কৃষি পামলৈ পঠিওৱা হয়। মান্দাকাটা গাঁও পঞ্চায়তৰপৰা প্ৰেৰণ কৰা এই দলটোত ৫০ গৰাকী সদস্য প্ৰেৰণ কৰা হয় ৷

কন্যাকালৈ আজি প্ৰেৰণ কৰা ৫০ জনীয়া দলটোৰ যাত্ৰাৰ শুভাৰম্ভণি কৰে ভাৰতীয় জনতা পাৰ্টী কৃষক মৰ্চাৰ ৰাজ্যিক উপসভাপতি ৰঞ্জিত ভট্টাচাৰ্যই ৷

মুখ্যমন্ত্ৰীৰ সমগ্র গ্ৰাম্য উন্নয়ন আঁচনিৰ জৰিয়তে গৰু ,ছাগলী ,গাহৰি পালনৰ উন্নত প্রশিক্ষণ দিয়া হব। এই আঁচনিৰ শুভাৰম্ভণি অনুষ্ঠানত উপস্থিত থাকে বেজেৰা খণ্ড উন্নয়ন বিষয়া অপূৰ্ব বৰুৱা,মান্দাকাটা গাঁও পঞ্চায়তৰ সভাপতি জাহিদুল ইছলাম,আঞ্চলিক সদস্য বীৰেন্দ্ৰ বৈশ্য,ভাৰতীয় জনতা পাৰ্টীৰ জ্যেষ্ঠ কৰ্মী অচ্যুত দাস,বাবুল ছেত্ৰী,আয়েজুল হক,প্ৰাক্তন ছাত্ৰনেতা বনজিৎ ডেকা,সমাজকৰ্মী ইন্তাজুল হক,আৰিফ আহমেদ প্ৰমুখ্যে বহুকেইগৰাকী গণ্যমান্য ব্যক্তি