Breaking

সোণতলীত দলং মেৰামতি কাম আৰম্ভ কৰিলে ঠিকাদাৰে : দৈনন্দিন বাৰ্তাত প্ৰকাশ হৈছিল দলং নিৰ্মানৰ দুৰ্নীতিৰ অভিযোগ ৷

0 26

সোণতলী

  বৃহস্পতিবাৰৰ পৰা আৰম্ভ হল আৰিকাটি বৰদিয়া নয়াপাৰা সংযোগী কাঠৰ দলংৰ মেৰামতিৰ কাম ৷ এক বছৰ পূৰ্বে বকোৰ বিধায়িকা নন্দিতা দাসে SOPD ৰ অধীনত ৬৮ লাখ টকাৰ এখন কাঠৰ দলংখন নিৰ্মানৰ বাবে আধাৰশিলা স্থাপন কৰিছিল ৷ তাৰে কিছুদিন পিছত মিৰ্জাস্থিত পৰেশ কলিতা নামৰ এজন ঠিকাদাৰৰ নেতৃত্বত  দক্ষিণ কামৰূপৰ সোণতলীৰ আৰিকাটি বৰদিয়া নয়াপাৰা সংযোগী কাঠৰ  দলংখন নিৰ্মানৰ কাম আৰম্ভ কৰে যদিও প্ৰথমৰ পৰাই নিম্নমানৰ সামগ্ৰী দলংখনত ব্যৱহাৰ কৰি অহাৰ অভিযোগ তুলিছিল স্থানীয় ৰাইজে ৷ সেই বাতৰি যোৱা ২০ মে’ তাৰিখে দৈনন্দিন বাৰ্তাৰ ডিজিটেল সংস্কৰণত প্ৰকাশ হৈছিল ৷ দৈনন্দিন বাৰ্তাৰ বাতৰি প্ৰকাশ হোৱাৰ পিছতেই ঠিকাদাৰক কালিৰে পৰা দলংখন মেৰামতিৰ কাম আৰম্ভ কৰে৷ উল্লেখযোগ্য যে, এবছৰ নহওঁতে দলংখনৰ মাজৰ অংশ তলপিনে  বহিগৈ হালি যোৱাৰ ফলত অঞ্চলটোৰ ৰাইজে শংকিত হৈ পৰিছিল ৷ যিকোনো মুহূৰ্তত ডাঙৰ দুৰ্ঘটনা হোৱাৰ পূৰ্ণ সম্ভাৱনা প্ৰকোট  হৈ পৰিছিল দলংখনত ৷ কুৰিখনতকৈ অধিক গাঁৱৰ একমাত্ৰ যাতায়ত ব্যৱস্থা এই দলংখন বন্ধ হৈ পৰিলে স্তব্ধ হৈ পৰাৰ উপক্ৰম হৈছিল বৃহত্তৰ আৰিকাটি- পানীখাইতীকে ধৰি বহু কেইখন গাৱঁৰ ৰাইজৰ ৷