দৈনন্দিন বাৰ্তা ডেস্ক :
যানবাহনৰ নম্বৰ প্লেটৰ ৰং সলনি কৰিবলৈ সিদ্ধান্ত লৈছে কেন্দ্ৰীয় চৰকাৰে ৷ ছাৰ্ভিচ অব ৰ’ড ট্ৰেন্সপৰ্ট এণ্ড হাইৱে (এমঅ’আৰটিএইচ)ৰ তৰফৰ পৰা যোৱা ১৬ জুলাইত ইয়াকে লৈ জাননী জাৰি কৰিছে৷ এই নতুন নম্বৰ প্লেটৰ ক্ষেত্ৰত কেতবোৰ ৰং সালসলনি কৰাৰ ব্যৱস্থা কৰা হৈছে৷ মুঠতে আঠটা ৰঙৰ হ’ব বিভিন্ন গাড়ীৰ নম্বৰ প্লেট ৷ সেই অনুসৰি ব্যক্তিগত যানবাহনৰ নম্বৰ প্লেটখন বগা হ’ব আৰু আখৰ ক’লা হ’ব ৷ বাণিজ্যিক যানবাহনৰ নম্বৰ প্লেট, যেনে টেক্সি, বাছ আৰু ট্ৰাকৰ নম্বৰ প্লেট হালধীয়া আৰু আখৰ ক’লা হ’ব৷ আনহাতে ভাৰাতীয়া যানবাহনৰ নম্বৰ প্লেট ক’লা আৰু আখৰ হালধীয়া হ’ব৷ দূতাবাস বা কনছুলেটৰ যানবাহনৰ নম্বৰ প্লেট পাতল নীলা আৰু আখৰ বগা হ’ব৷ আনহাতে বেটেৰীত চলা যানবাহন, ইলেক্ট্ৰিক যানবাহনৰ নম্বৰ প্লেট সেউজীয়া আৰু আলফা নম্বৰ হালধীয়া হ’ব ৷ যিবোৰ যানবাহনৰ পঞ্জীয়ন অস্থায়ী সেইবোৰৰ নম্বৰ প্লেট হালধীয়া আৰু আলফা নম্বৰ ৰঙা হ’ব ৷ ডিলাৰৰ যানবাহনৰ নম্বৰ প্লেট ৰঙা আৰু আলফা নম্বৰ বগা হ’ব৷ নম্বৰ প্লেটৰ আঠটা প্ৰকাৰ অতি বিশেষ আৰু একচেটিয়া৷ আনহাতে ৰঙা নম্বৰ প্লেটত সোণৰ মাজত ভাৰতৰ ৰাষ্ট্ৰীয় প্ৰতীক থাকিব ৷ এই নম্বৰ প্লেট ভাৰতৰ ৰাষ্ট্ৰপতি বা ফেডাৰেল ৰাজ্য বা কেন্দ্ৰীয় শাসিত অঞ্চলৰ ৰাজ্যপালে ব্যৱহাৰ কৰিব পাৰিব ৷