স্পেইনৰ কিংবদন্তী টেনিছ খেলুৱৈ ৰাফেল নাদালৰ অনুৰাগীসকলৰ বাবে এটা ভাল খবৰ আছে । তেওঁৰ পত্নী মাৰিয়া ফ্ৰাঞ্চিস্কো পেৰেলোৱে এটা পুত্ৰ সন্তান জন্ম দিছে। ৩৬ বছৰীয়া নাদালে এই বছৰৰ জুন মাহত তেওঁৰ পত্নীৰ গৰ্ভধাৰণৰ খবৰ প্ৰকাশ কৰিছিল।
তেওঁলোক দুয়ো২০১৯ চনত বিবাহপাশত আৱদ্ধ হৈছিল। এতিয়া মাৰিয়াই তাইৰ প্ৰথম সন্তান জন্ম দিছে।
নাদালৰ পত্নী মাৰিয়াই শনিবাৰে এটা সন্তান লৰা জন্ম দিছিল। বাতৰিটো স্পেনিছ ফুটবল ক্লাব ৰিয়েল মাদ্ৰিদে ইয়াৰ সামাজিক মাধ্যমৰ হেণ্ডেলত শ্বেয়াৰ কৰিছিল।
ৰিয়েল মাদ্ৰিদে টুইটাৰত লিখিছে, “আমাৰ মৰমৰ সদস্য ৰাফেল নাদাল আৰু মাৰিয়া পেৰেলোক তেওঁলোকৰ প্ৰথম সন্তানৰ জন্মৰ বাবে অভিনন্দন জনাইছো।” এই সুখৰ মুহূৰ্তত আমি আপোনাৰ সৈতে আছো। শুভেচ্ছা থাকিল।